ازاي نبتدي سنه جديده مع نفسنا

( الحور العين ) بتقولك طل سنه وانتي طيبه

خلاص يا بنات فاضل أكل من اسبوعين علي السنة الجديدة وده وقت أنا بحبه جدا من كل سنة وبحب أعد من نفسي شوية وأتأمل في احداث سنة كاملة عدت من حياتي..

اتعملت ايه؟ وفرحت امتى؟ واتكسرت امتى؟ وايه اللي أنا عايزة اغيره في السنة الجديدة...

اتعلمت ايه؟

إن الكلام مفيش اسهل منه.. وإن الناس اللي حواليكي مهما يقولولك انهم بيحبوكي بشكل أو بأخر حقيقة مشاعرهم هتبان في الاخر إزا كانوا فعلا صادقين أو لو القناع ده هيقع في وقت ما و هيبانوا علي اصلهم..

اتكسرت امتي؟

كتير برده.. مش عارفة ليه 2016 مكنتش سنة حنينة.. لأ كانت صعبة وفيها الم كتير .. الدنيا بعدتني عن ناس بحبهم وقابلتني مشاكل كتير قوي منها اللي قدرت احله ومنها اللي لغاية دلوقتي بحاول أحل فيه.

فرحت امتي؟

فرحت كتير.. وبشكر ربنا من كل قلبي علي نعمه وفعلا بحاول أحس بيها واستمتع بيها كل وقت مش لازم نحس بقيمة الحاجة لما تروح مننا .

ايه اللي عايزة اغيره في السنة الجديدة؟

عايزة اركز مع نفسي أكتر.. واشتغل عليها, هعمل لست بحاجات كتير كان نفسي أعملها السنة ديه ومقدرتش وهحط لنفسي جدول إني أعملها في السنة الجديدة.. عايزة اتعلم حاجات جديدة واهم حاجة إني اتعلم إزاي احب واقدر نفسي أكتر.. ( الحور العين )