اطفالنا خط احمر

( الحور العين ) بتقولك اطفالنا خط احمر

لكل بنات الحور العين يجب مراعاه بعض النقاط وتعليمهم لاطفالنا عند التعامل مع اي شخص غريب:

1/ خلع ملابسه أمام أحد
2/ ترك باب الحمام مفتوح
3/ عدم الاستحمام مع أحد
4/ عدم النوم فى فراش واحد مع أحد
5/ عدم الجلوس على رجل أحد أو الوقوف بين قدميه
6/ التقبيل من الفم
7/ عدم زغزغة الطفل وتدليكه فى أماكن العوره خاصة عند وضع زيت الأطفال أو البيبى لوشن عند الغيار
8/ عدم منح الثقه المطلقه للمحارم وأطفال العائله والأصدقاء...
دائما راقبوا الطفل ولا تثقوا بأخ ولا خال ولا عم ولا دون ذلك ولا أعلى
9/ عدم منح أحد فرصة الاختلاء بالطفل فترات طويله ومتكرره بحجة أخذ الطفل بلفة في السيارة أو لشراء حلوة من البقال ولعدم الاحراج اذهبوا معهم بحجة تغير الجو
 كونوا مع أطفالكم دائما فنحن في زمن منفتح على كل شيء قل فيه الخوف من الله وقست القلوب وشاعت الفاحشة

10/ عدم ترك الأطفال بمفردهم فى المنزل ولا مع الخادمة لا تثقوا بهن أغلب التحرشات من الخدم فلا تأتمنوهم فتندموا حيث لا ينفع الندم

11/ رقابه على أفلام الكرتون وألعاب الجامز ومشاهدتها قبل عرضها على الطفل
12/ ركوب المصعد بمفرده ...علميه أنه لا يسمح للغرباء الركوب معه

13/ الحذر من الحمامات العامه والأماكن المظلمه ...والمهجوره بمفرده
14/ حمامات السباحه والتنزه على الشواطئ أماكن بحاجه الى يقظه وانتباه وحذر

15/ عدم تناول شئ من الغرباء
16/ عدم فتح الباب لأي أحد
17/ عدم ارتداء حلي تحمل اسم الطفل فيسهل استدراجه
18/ لا تجبرى الطفل على تقبيل أحد أو حضنه واحترمى رغبته فى ذلك حتى لا يعتاد الاستسلام اذا تعرض لتحرش لا قدر الله
19/ يسمع كلام الكبار فى حدود تخصصهم مثلا المدرس فى عمل الواجب
السائق فى أساليب الحمايه والركوب والنزول بخلاف ذلك فلا
20/ عودي طفلك على كلمة سر بينكم فقط لأن هناك أطفال يختلط عليهم الأمر فى الأماكن العامه ويذهب الى اخرى ترتدى نفس الملابس......وانه لا يذهب مع أي شخص يدعى انه انت أو أباه ارسله ليأخذه

حفظ الله أحبابنا من كل سوء وأنوه لاعتدال فى التوجيهات والتوازن فلا افراط ولا تفريط ربنا يستر على اولادنا ويحفظهم ويجعلهم ذرية صالحة ويجعلهم قرة اعيننا .... ويكفيهم شر ما يؤذيهم وشر انفسهم وشر كل سوء ومكروه.... 

( الحور العين )

صحة الطفل والام كل ما يخص الأسرة

بواسطة ADMIN فى قسم صحة الطفل والام, كل ما يخص الأسرة

اطفالنا خط احمر

ازاي اعلم ابني يستغني عن البامبرز

 ( الحور العين ) هتعرفنا ازاي نساعد اطفالنا  انهم يستغنوا عن البامبرز ؟

النهاردة هنتكلم عن ١٠ حاجات نقدر نعملها تساعدنا على التخلص من البامبرز بسهولة و سرعة ..

1. اول حاجة نختار التوقيت الصح اللي الجو فيه ميكونش برد ،، احنا هنشيل بامبرز و الطفل مش هيمسك نفسه بين يوم و ليله .. و في معادلة في الطب بتقول:
 بلل + برد = مرض و كحة و خنفرة .. و طبعا احنا في غنى عن كده ،،

2. هنلبس ملابس خفيفة ،، سهلة القلع و اللبس ،، مش تبقى يبقى الطفل لابس ١٤ طبقة و فوقيهم سالوبت بفيونكة ،، هنفضل نقلع و نلبس الولد فيهم كل مرة و نبقى مستغربين ليه الولد مش بيلحق يمسك نفسه و متضايق من البوتي

3. افضل طريقة بتجيب نتيجة ان احنا نخلع البامبرز طول الوقت ((ما عدا وقت النوم)) ،، موضوع نقلع شوية و نلبس شوية من اكتر الاسباب اللي بتأخر الطفل في التمرين

4. التمرين على البوتي لازم يكون في كل وقت .. الطفل اللي بيروح حضانة .. زي ما بيتمرن في البيت لازم يكون يتمرن في الحضانة بنفس الطريقة .. مينفعش نبقى بنخلع الطفل البامبرز في البيت و بيلبسه في الحضانة

5. طريقة حلوة: هنبتدي نقعد الطفل في الاول كل ربع ساعة .. و يكون معانا ورقة و قلم .. نسجل المرات اللي يعمل فيها و نبتدي نزود الوقت بين كل قعدة و التانية على حسب طبيعة الطفل لحد ما نوصل للوقت المناسب لكل الطفل او الطفل يبتدي يطلب بنفسه

6. الطفل مينفعش يقعد اكتر من ١٥ دقيقة في المرة .. اللي هيقعد ١٥ دقيقة و مش هيعمل يبقى مش هيعمل .. اطول من كده تضييع لوقتك و ازعاج لطفلك

7. من الغلطات اللي الامهات بتعملها انها تستخدم التلفزيون او الاي باد وقت القعدة عشان نلهي الطفل عشان يرضى يقعد .. الطفل لازم يبقى قاعد و عارف ان قدامه مهمة محددة لازم ينفذها و يركز فيها .. الغلطة دي من الحاجات اللي بتأخر الطفل جدا

8. الطفل في اوقات كتير بيرفض يقعد على البوتي عشان يا إما مش مرتاح من القعدة عليه او خايف منه .. لازم نختار بوتي مريح و مناسب لحجم الطفل و يكون الطفل متقبل شكله .. انا شفت طفل رافض يقعد عشان خايف من البطة اللي عليه .. اول ما الاهل غيروه و جابو ((القصرية)) العادية بتاعة الحاجة .. تقبل و قعد عادي

9. الطفل في سن التمرين على البوتي بيتعلم جدا بالتقليد .. ممكن نستخدم لعبة الطفل المفضلة كوسيلة ايضاح و نخليه هو يلبسها و يخلعها و يقعدها بنفسه .. و يديها المكافئة بتاعتها كمان

10. الطفل في السن ده برضو بيحب الامتلاك جدا و بيحب اي حاجة بتاعته .. نزرع فيه ان البوتي ده بتاعه بس .. هو اللي يجيبه و هو اللي يشيله في المكان اللي يختاره .. و لو حب كمان نخليه يزينه بالاستيكرز او الطريقة اللي هو يحبها

وطبعا مننساش المكافئة المادية و المعنوية في كل مرة ينجح فيها انه يعمل في البوتي ..

و نخلي بالنا من ال ٣ ((لا))
لا عقاب - لا اهانة - لا ضرب .. ال ٣ حاجات دول بيجيبو نتيجة عكسية ..

اهم حاجة و اخر حاجة : لازم نعرف ان التمرين على البوتي ده زيه زي التمرين على اي حاجة جديدة .. الطفل مش مولود متعلمها .. و في معظم الاحوال مش بيعند معاكم ولا يغيظكم .. انتي نفسك لما بتتعلمي حاجة جديدة عمرك ما هتتقنيها من اول مرة .. افتكري اول طبخة .. افتكر اول سواقة .. الصبر ثم الصبر ثم الصبر ..

متستعجلوش و متقارنوش طفلكم باي حد .. متضغطيش على طفلك و متخليش حد يضغط عليكي .. البداية البدري في كتير من الاحيان هتكون نتيجتها بس وقت اطول في التمرين ... نفس النتيجة بمجهود و توتر و ضغط اكبر ! 

( الحور العين )

من التفاعتعليق

صحة الطفل صحة الطفل والام كل ما يخص الأسرة

بواسطة ADMIN فى قسم صحة الطفل, صحة الطفل والام, كل ما يخص الأسرة

ازاي اعلم ابني يستغني عن البامبرز

كيف ازيد وزن طفلي

الحور العين . كيف أزيد وزن طفلي الذي بلغ السنة؟ سؤال تطرحه عدد لا بأس به من الأمهات، مع بدء الطفل للعب، ما يمنعه من طلب وجبته، وربما الاستمتاع بها، كما أنه في هذه السن يبدأ بتصنيف الأكلات ورفض الكثير منها، د. محمد أبو داوود اختصاصي أطفال، يدلك على الوزن المناسب للعمر المناسب.


اعلمي أن تغذيتك خلال الأشهر الثلاثة الأخيرة من الحمل تتحكم كثيراً في وزنه، وعلى العموم فالطفل الطبيعي يكون وزنه حوالي 3 كيلوجرامات عند الولادة، والذي يرضع من أمه يزيد وزنه بمعدل 200 غرام خلال الأشهر الثلاثة من عمره، وتقل الزيادة الأسبوعية حتى يصل إلى عامه الأول 8 كيلوجرامات، وعلى الأم أن تحافظ على زيادة طبيعية في وزن الطفل بعد العام الأول خاصة مع إدخال الطعام الخارجي لنظامه الغذائي.
فقدمي له البروتين يومياً على شكل نصف كوب من اللبن الزبادي" الروب"، والجبن والدجاج والبيض، وكذلك فيتامين "سي" لرفع مناعته، حيث إن قلة تعرضه للأمراض يفتح شهيته.
احرصي على تقديم عصير البرتقال والجوافة والمانجو في حال توفر موسمها. أما الكربوهيدرات فقدمي له الخبز والأرز والمكرونة والسيريلاك، أو مطبوخ المهلبية القليلة السكر مع الحليب.الحور العين .

صحة الطفل صحة الطفل والام صحة عامة كل ما يخص الأسرة

بواسطة ADMIN فى قسم صحة الطفل, صحة الطفل والام, صحة عامة, كل ما يخص الأسرة

كيف ازيد وزن طفلي

اخطاء تقع فيها عند اعطاء المضاد الحيوي

( الحور العين ) هتعرفك اخطاء تقعي فيها عند اعطاء المضاد الحيوي :

عندما تستخدمين المضاد الحيوي، وهو أعظم إنجازات الطب الحديث فأنت تقعين في عدة أخطاء، علمًا بأن المضاد الحيوي هو الدواء الذي أنقذ البشرية من الموت المحقق بسبب التهاب جرح صغير.

فما هي الأخطاء التي تقعين فيها عند استخدام المضاد الحيوي؟

الحور العين  تلفت نظر كل أم إلى الأخطاء التالية التي تقع فيها عند استخدامه؛ مما يزيد من الخطر على طفلها، وكذلك يقلل من فعاليته:

1. الأم تذهب لشراء المضاد الحيوي من الصيدلية بمجرد أن ترتفع درجة حرارة طفلها.
2. توقف استخدام المضاد الحيوي بمجرد أن يتحسن طفلها علمًا بأن الطبيب يكون قد قرر جرعة تناوله لمدة 7 أيام.
3. بمجرد ألا يطرأ تحسن على طفلها بعد مرور يوم واحد من إعطائه المضاد الحيوي تقوم بتغييره من تلقاء نفسها.
4. لا تلتزم بنوع المضاد الحيوي الذي وصفه لها الطبيب، فتسمع نصيحة جارتها مثلاً وتشتري المضاد الحيوي الأقل سعرًا دون الاهتمام بتركيبه أو فعاليته.
5. إن الأم عند قيامها بتحليل المضاد الحيوي بالماء فهي تضيف له ماء الحنفية مثلاً وليس المياه المقطرة التي يجب أن يحلل بها.
6. أحيانًا لا تحلل المضاد الحيوي بكمية الماء المحددة حسب الإشارة على الزجاجة فتكون الكمية أقل أو أكثر مما يقلل من فعالية الدواء.
7. عدم درايتها بطريقة إعطاء الدواء للطفل مما يؤدي لسكب كمية منه مما يؤدي لتقليل فعاليته.
8. ليس صحيحًا أن يحصل الأطفال على نفس الجرعة ولكن هناك مضادات حيوية تعطى حسب وزن الطفل وعمره.
9. عندما تخلط الأم المضاد الحيوي باللبن أو العصير، فهي لا تعطيه للطفل، ويتبقى جزء منها فتقوم بإتلافه مما يقلل من فعالية الدواء، والأصح أن تخلطه بكمية صغيرة؛ لكي تضمن أن يشربه الطفل.
10. ليس معنى ارتفاع حرارة الطفل أنه بحاجة لمضاد حيوي، بل هناك فيروسات يستطيع أن يتحسن منها الطفل تلقائيًا، وعندما يطلب منك الطبيب الصبر ليومين يجب الانصياع له وعدم الإلحاح ليصرف له المضاد الحيوي.  ( الحور العين )

صحة الطفل صحة الطفل والام صحة عامة صحتك تهمنا معلومات للجنسين ممهمه للغايه

بواسطة ADMIN فى قسم صحة الطفل, صحة الطفل والام, صحة عامة, صحتك تهمنا, معلومات للجنسين ممهمه للغايه

اخطاء تقع فيها عند اعطاء المضاد الحيوي

اطعمه تقدميها لطفلك في الشتا

( الحور العين ) هتقولك ايه الاطعمه المفيده لطفلك في فصل الشتا :

يكثر الحديث حول الأطعمة التي يحتاجها الطفل خلال فصل الشتاء، حيث البرد والمطر، وحيث تكثر الأمراض الموسمية بسبب ذلك.  الحور العين تنصحك بتقديم الأطعمة التالية لطفلك خلال هذا الفصل، مع شرح لأهميتها ودورها في توفير الصحة والحماية والوقاية له:

1. البطاطا الحلوة: 
وهي من الأطعمة التي تمد الطفل بالحيوية التي تتراجع بسبب البرد، ويمكن تقديمها له مهروسة بعد سلقها، وتحتوي البطاطا الحلوة على الألياف والبوتاسيوم، ويمكن أن تقدم مع الجبن أيضًا.

2. الحساء: 
ويشمل الحساء فائدة الخضراوات التي يتم سلقها وتقديمها للطفل، واحتواءه على السوائل التي تمد الطفل بالحيوية، وكذلك ترطب الأغشية المخاطية لديه، ويمكن هرس الخضراوات في الخلاط بعد سلقها.

3. السبانخ: 
وهي تعتبر من الخضراوات الغنية بفيتامين «أ» وفيتامين «سي» والحديد وحمض الفوليك، وهي عناصر تقيه من الرشح وتقوي مناعته، ويمكن إعداد شطائر بالسبانخ للطفل ليحبها.

4. الجزر: 
يحتوي على مادة البيتا كاروتين، وهي محفزة لجهاز المناعة لدى الطفل، فتقيه من الأمراض وخاصة نزلات البرد.

5. القرنبيط: 
يحسن الهضم ويعزز الطاقة ومضاد للالتهابات، كما أن غناه بالفيتامينات يساعد على تقوية مناعة  الطفل، ويضاف له عند سلقه قطعة خبز صغيرة؛ للتخلص من رائحته، ويصنع منه المرق، وكذلك العجة المحببة للصغار، ويمكن طحنه وإضافته لأطباق أخرى؛ لأن معظم الصغار لا يحبونه من دون إضافات.  ( الحور العين )

المطبخ صحة الطفل صحة الطفل والام صحة عامة صحتك تهمنا كل ما يخص الأسرة

بواسطة ADMIN فى قسم المطبخ, صحة الطفل, صحة الطفل والام, صحة عامة, صحتك تهمنا, كل ما يخص الأسرة

اطعمه تقدميها لطفلك في الشتا

ماذا تعرفين عن ديدان البطن

( الحور العين ) هتعرفك معلومات عن ديدان البطن :

ديدان البطن  وهي تصيب الأطفال أكثر مما تصيب البالغين؛ نتيجة عادة وضع الأصابع في الفم، أو قرض الأظافر الشائعة عند الأطفال، ولقد شرحها لنا في نقاط مبسطة.

* من أعراضها آلام البطن، ظهور إسهال متناوب مع إمساك، فقدان للشهية أو شهية مفرطة مع عدم زيادة في الوزن، قلق واحتكاك الأسنان أثناء النوم مع خروج لعاب من الفم.

* ومن الأعراض التي تدل على احتمال وجود ديدان في البطن هي حكة الأنف والمنطقة المحيطة حول الشرج، أو الشعور بدوخة وتعب وظهور حساسية جلدية أو ارتكاريا.

* الطفيليات، وهي تشير إلى أي كائن يعيش متطفلاً على كائن حي آخر مثل الإنسان، وبعض هذه الطفيليات دقيقة الحجم لا ترى إلا بالمجهر؛ مثل الأميبا والجيارديا، وهما تسببان الإسهال والدوسنتريا.

* الديدان...تشير إلى كائنات كبيرة الحجم نسبياً، وترى بالعين المجردة مثل الإسكارس والدودة الشريطية والديدان الدبوسية، وهناك الأصغر مثل الإنكلستوما والبلهارسيا والدودة القزمة.

* فطريات وهي تطلق على كائنات ميكروسكوبية، أي صغيرة جداً تعيش في مجموعات أو مستعمرات تغزو الأغشية المخاطية للجسم والجلد، وتظهر في سن الطفولة بصورة التهابات في الفم والمقعدة حول الشرج، أو بقع مستديرة.

* الديدان الدبوسية..تعد الأكثر شيوعاً في الأطفال، وهي قصيرة، ولا يزيد حجم الواحد منها على 14 ملليمتراً، ويمكن رؤيتها بالعين المجردة حول الشرج أو في براز الطفل، العدوى بها سريعة جداً عن طريق البويضات التي تقوم الدودة بفقسها عند فتحة الشرج أثناء الليل، فتعلق بالملابس الداخلية، وعلى بياضات السرير، وتنتقل لبقية أفراد الأسرة.

* وقد يحملها الطفل على أظافره إذا قام بعملية حك منطقة الشرج، وينقلها لغيره ممن يلمسهم بيديه، أو يلمس طعامهم وأدوات أكلهم.

العلاج:
 بالعقاقير المبيدة للديدان، مع الاهتمام بقص الأظافر ومنع الطفل من قضمها، ومنعه- أيضاً- من حك وهرش  منطقة الشرج، مع غسل وغليان ملابس الطفل الداخلية وبياضات سريره، وإعطاء الدواء لباقي أفراد الأسرة والعاملين بالمنزل.

* الإسكارس: يتراوح طولها بين 5 إلى 20 سم، وتعيش في الأمعاء الدقيقة، وتسبب اضطراباً في الهضم وآلاماً وانتفاخاً في البطن مع ضعف عام، والعدوى تأتي بوضع الطفل أصبعه الملوثة بالبويضات في فمه، أو يأكل خضروات ملوثة بهذه البويضات.

للوقاية..ي
جب غسل الخضروات جيداً، تمرين الطفل على غسل يديه بعد اللعب في الحدائق أو الرمل، وعدم وضع أصابعه في فمه أو قضم أظافره، وعليه أن يأخذ دواءً طارداً للديدان وقاتلاً للبويضات على جرعة واحدة أو جرعتين.

* الطفيليات المعوية:
وهي من الأسباب الهامة للإسهال عند الطفل -الدوسنتاريا، النزلة المعوية القولونية- وفي هذا النوع يظهر دم ومخاط مخلوط ببراز رائحته كريهة، مع زيادة عدد التبرز والتعنية أثناء التبرز، إضافة إلى آلام في البطن، ومغص يزداد عامة بعد الأكل.

للوقاية: 
تأتي العدوى من الخضار والفواكه والماء الملوث بالجرثومة، لذلك يجب غسل الخضروات، استعمال البرمنجنات ليطهرها، وتعتبر السلطات الخضراء مصدراً للعدوى إلا أن إضافة الخل والليمون عليها يقضى على الطفيليات.  ( الحور العين )

صحة الطفل صحة الطفل والام كل ما يخص الأسرة

بواسطة ADMIN فى قسم صحة الطفل, صحة الطفل والام, كل ما يخص الأسرة

ماذا تعرفين عن ديدان البطن

وصفات للتخلص من حشرات الشعر

(  الحور العين ) هتقولك نصايح و وصفات طبيعية للتخلص من حشرات الشعر بسرعة

حشرات الشعر او قمل الشعر من المشاكل اللي بيعاني منها كتير من الاطفال بشكل خاص بسبب الاختلاط بينهم في المدرسة وبتتنقل الحشرات من شعر للتاني, لان من اكتر اسباب ظهور المشكلة دي هو الاختلاط باشخاص كتير في اماكن زحمة وحشرات الشعر سهل جدا تتنقل من شخص لشخص, ومن اسبابها كمان انه ممكن نكون مش بنضف فرش الشعر والامشاط  كويس وبالتالي بينمو عليها طفيليات بتسبب حشرات الشعر, او ممكن نكون استخدمنا فرشة او مشط لشخص تاني واتنقل عن طريقهم حشرات الشعر, عشان كده لازم نحافظ دايما على نضافة الفرش وامشاط الشعر ومنستخدمش حاجة اي حد خالص, ونحافظ دايما على نضافة الشعر ونغسله كويس لان وجود حشرات الشعر غير انها حاجة مزعجة جدا ومحرجة هي كمان بتأثر على صحة الشعر, وطبعا في السوق موجود انواع  شامبوهات معمولة مخصوص للتخلص من حشرات الشعر وهي فعالة الى حد ما, لكن احنا النهاردة هنقولكم على وصفات طبيعية فعالة جدا للتخلص من حشرات الشعر وكمان مفيدة جدا للشعر.

تعالوا نشوف مع بعض نصايح و وصفات طبيعية للتخلص من حشرات الشعر:

1- وصفة المايونيز:

المايونيز من الحاجات الفعالة جدا في التخلص من حشرات الشعر وكمان مفيد جدا للشعر وبيطريه, هنحط المايونيز على الشعر كله ونسيبه على الاقل ساعة يعني لو قدرتي تسيبيه فترة اطول هيكون احسن بكتير وهيجيب نتايج افضل, وبعد كده اغسلي الشعر كويس, كرري الوصفة دي كل يوم لمدة من اسبوعين لتلات اسابيع هتلاقي الحشرات اختفت من الشعر خالص.

2- وصفة بلسم الشعر:

بلسم الشعر من العلاجات الفعالة في التخلص من حشرات الشعر, اغسلي الشعر بالشامبو وبعدين وهو مبلول قسميه خصل وحطي البلسم على كل خصلة وسرحيها بالفرشة واغسلي الفرشة تحت المية السخنة وبعدين على الخصلة اللي بعدها نفس الطريقة حطي البلسم وسرحي الخصلة بالفرشة وبعدين اغسلي الفرشة تحت المية السخنة وهكذا لحد ما تخلصي الشعر كله الطريقة دي فعالة جدا في قتل حشرات الشعر وكمان البيض بتاعها.

3- وصفة زيت اللوز وزيت الزيتون:

– زيت اللوز وزيت الزيتون من الحاجات المفيدة جدا في التخلص من حشرات الشعر, اخلطي مقادير متساوية من زيت اللوز الحلو وزيت الزيتون, اغسلي الشعر كويس وبعدين حطي الخليط عليه وسيبيه على الشعر طول الليل واغسليه الصبح عشان يديكي افضل النتايج, ممكن تعملي الوصفة دي كل يوم او تلات مرات في الاسبوع لحد ما تتخلصي من المشكلة.

– ممكن نستخدم الزيوت العطرية مفيدة جدا لعلاج المشكلة دي زي زيت شجرة الشاي, وزيت اللافندر, وزيت القرنفل اخلطي اي نوع من الزيوت دي مع زيت جوز الهند او زيت اللوز الحلو او زيت الزيتون, وهنستخدمهم بنفس طريقة زيت اللوز وزيت الزيتون هتساعد جدا في علاج حشرات الشعر وهتمنع انه يرجع للشعر تاني.

– ممكن بعد ما نغسل الشعر نستخدم السيشوار لان الحرارة هتساعد كمان من التخلص من اي حشرات في الشعر.

4- وصفة شامبو طبيعي:

ممكن تعملي بنفسك شامبو بمكونات طبيعية في البيت فعال جدا في علاج حشرات الشعر, هنخلط كميات متساوية من زيت جوز الهند مع زيت اكليل الجبل وزيت الكافور واعصري عليهم كام نقطة ليمون واخلطيهم كويس وحطيهم على الشعر وسيبيه طول الليل واغسليه الصبح.

5- وصفة الخل الابيض:

الخل من الحاجات اللي هتخلصنا من حشرات الشعر ومن البيض بتاعها, يتحط الخل على الشعر ويتساب ساعة او من بالليل لحد الصبح وبعدين يتغسل بالمية والشامبو عادي, وتتكرر الوصفة تلات مرات في الاسبوع.

6- وصفة زيت شجرة الشاي:

– هنحط من 10 لــ 15 نقطة من زيت الشاي على 2 كوب مية ويتغسل الشعر بالخليط ده من 5 لــ 7 مرات في الاسبوع.

– وفي طريقة تانية اننا نضيف زيت شجرة الشاي للشامبو العادي ويتغسل بيه الشعر بالطريقة العادية.

7- وصفة خل التفاح:

خل التفاح من الحاجات الفعالة جدا جدا لعلاج مشكلة حشرات الشعر, يتحط خل التفاح على الشعر ويدلك بيه فروة الراس كويس ويتساب ساعة وبعدين يتغسل, وخلال ايام هتلاقي المشكلة اختفت خالص.

8- وصفة الثوم:

الوصفة دي عبارة عن ثوم مفروم وتخلطي معاه عصير ليمون تعملي بيهم عجينه تتحط على الشعر وتتساب 20 دقيقة وبعدين تتغسل.

9- وصفة عصير البصل:

هنفرم البصل في الخلاط ونصفيه وناخد العصير بتاعه ندلك بيه الشعر وفروة الراس ونغطيه ببونيه او كيس بلاستيك ونسيبه 3 ساعات,وبعدين نغسل الشعر كويس بالشامبو, الكبريت اللي موجود في البصل بيساعد على قتل حشرات الشعر.

10- وصفة صودا الخبز:

اخلطي صودا الخبز”الكربوناتو” مع عصير البرتقان وزيت السمسم وحطي الخليط على الشعر
 ويتساب طول الليل لحد الصبح يتغسل, وفي كل الوصفات نسرح الشعر بالفرشة واحنا بنغسله عشان ننزل اي حاجة فيه.

11- وصفة زيت النيم:

ممكن تخلطي زيت النيم مع البلسم العادي وتحطيه على الشعر وهو مبلول وتسرحي الشعر بالفرشة عشان تنزلي اي حشرات منه, والوصفة تتكرر من 2 لــ 3 مرات في الاسبوع.

12- غسل الملابس:

من الحاجات المهمة جداعشان نحافظ على نضافة الشعر مش بس بالماسكات والوصفات كمان لازم نحافظ على نضافة كل حاجة بنستخدمها, يعني الهدوم  نحافظ على نضافتها ونغسلها, واكياس المخدات نغيرها باستمرار ونغسلها, نستخدم دايما فوط نضيفة, واغسليهم في درجة حرارة عالية عشان تقتل اي جراثيم او اي حاجة فيها.

13- حافظي على صحة الشعر:

زي ما قولنا قبل كده اكتر من مره انه اي حاجة علاجها بيبدأ من جوه قبل بره يعني  نحافظ على الجسم صحي وده هينعكس على صحة الشعر وبالتالي ده هيبعد حشرات الشعر.  ( الحور العين )

المرأة أناقة جمالك انوثه وجمال جمالك صحة الطفل والام صحة عامة صحتك تهمنا

بواسطة ADMIN فى قسم المرأة, أناقة جمالك, انوثه وجمال, جمالك, صحة الطفل والام, صحة عامة, صحتك تهمنا

وصفات للتخلص من حشرات الشعر

أسباب لن تخطر على بالك لاصفرار الأسنان

( الحور العين ) هتقولك ايه الاسباب لاصفرار الاسنان :

بياض الأسنان معيار جمالي يسعى له الكثيرون، وذلك باستخدام طرق عديدة. لكن الإحباط ينتشر لدى أولئك الذين يبذلون جهداً كبيراً دون نتائج تذكر. فما هي أهم الأسباب غير المألوفة لاصفرار الأسنان؟ وكيف يمكن التغلب عليها؟

كثيرون هم من يشعرون بالغضب أو بالإحباط أو بهما معاً عندما يجدون أن أسنانهم لا تكتسي ذلك اللون الأبيض البراق رغم ابتعادهم عن التدخين وشرب القهوة، ورغم تنظيفهم للأسنان بشكل يومي وأحياناً عدة مرات في اليوم الواحد. لذلك نورد لكم ستة أسباب لتلوّن الأسنان وكيفية التغلب عليها

1. استخدام غسول الفمتؤكد الكثير من الشركات التي تبيع منتجات غسول الفم بأن تلك السوائل لا تزيد من نظافة التجويف الفموي وحسب، بل وتزيد بياض الأسنان أيضاً. لكن الحقيقة هي أن مركبي فلوريد الزنك والكلورهيكسين، الموجودين في الغالبية العظمى من سوائل غسول الفم، يقللان من سماكة طبقة البلاك فوق الأسنان، والمسؤولة عن بياضهما. وبالتالي، فإن بياض الأسنان يقلّ بدل أن يزيد.
وينصح موقع “فوكوس” بالتوقف عن استخدام غسول الفم، واستبداله بتنظيف دقيق للأسنان وللثة.

2. استخدام معجون الأسنان بشكل خاطئكثير من معاجين الأسنان تحمل عبارات تشير إلى زيادة بياض الأسنان ولمعانها، وتزخر إعلاناتها بأفواه يشعّ منها الضوء بسبب بياض أسنانها. لكن هذه المعاجين تقوم بمهاجمة طبقة حماية الأسنان (المينا) بشكل حاد للغاية، مما يقلل من بياض الأسنان بدل زيادته. كما أن مهاجمتها لطبقة الحماية تعرض الأسنان لمشاكل يصعب مواجهتها.
لذلك، يُنصح بالانتباه إلى قيمة (RDA)، وهي اختصار لعبارة “Radioactive Dentin Abrasion”، والتي تعبر عن قوة إزالة معجون الأسنان لطبقة المينا التي تغطي الأسنان. وتعتبر قيمة ما بين 35 و50 متوازنة وتوفر كمية إزالة قليلة وقدرة تنظيف عالية. أما معاجين الأسنان ذات قيمة تتخطى 95، فيستحسن عدم استخدامها يومياً.

3. الإفراط في شرب عصائر الحمضيات (الليمونادة)
يتعلم الأطفال أن السكر مضر بالأسنان. لذلك، فإن المزيج ما بين السكر وحمض الليمون الموجود في الليمونادة خطير بشكل خاص، ذلك أنه يهاجم طبقة المينا بشكل عنيف، ما يجعلها عرضة للاصفرار. لذلك، يجب تجنب الليمونادة، بسبب أثرها على الأسنان ولاحتوائها أيضاً على كميات هائلة من السكر التي تؤدي إلى السمنة وتسوس الأسنان، بالإضافة إلى تأثير الاصفرار المذكور أعلاه.

4. تناول المضادات الحيويةاستخدام المضادات الحيوية، وخاصة تلك المحتوية على مادة تيتراسيكلين، يؤدي إلى بناء مادة شيلات الكالسيوم، والتي يمكن أن تخزن حول طبقة المينا وفي داخلها أيضاً، وتسبب بقعاً بنية أو رمادية على الأسنان.
لذلك، يُنصح بعدم تناول الحوامل وصغار السن للمضادات الحيوية المحتوية على التيتراسيكلين، لأنها تؤدي إلى اصفرار الأسنان. ناهيك عن ذلك قد يساهم في تشويش نمو الأسنان والعظام لدى الأجنة.

5. تناول سوائل معالجة السعال قبل النومإذا كنت تعاني من السعال، خاصة في فصل الشتاء، فإنك تلجأ – كالكثيرين – إلى أدوية معالجة السعال، التي عادة ما تكون على شكل شراب يهدئ من حدة السعال ويضمن نوماً هادئاً. لكن هذا السائل قد يؤذي الأسنان، لأنه يلتصق بالأسنان، فيما يعمل السكر والكحول الموجود فيه على تجفيف الفم، وبالتالي لا يمكن إنتاج كميات كافية من اللعاب، والذي يعتبر منظفاً طبيعياً للأسنان.
لهذا السبب يُنصح بعدم تناول شراب السعال في الليل، وإن تعذر ذلك، فيستحسن تنظيف الأسنان بعد تناول هذا الشراب.

6. تناول الأقراص المحتوية على الحديدإذا كنت ممن يعانون من نقص في الحديد، فإنك مضطر لتناول أقراص لتعويض هذا النقص. لكن الحديد الموجود في هذه الأقراص قد يتفاعل مع كبريتيد الهيدروجين، الذي تقوم بكتيريا الفم بإنتاجه، لإنتاج مادة كبريتيد الحديد ذات اللون الأسود، والتي تصبغ الأسنان.
لذلك، ينصح  أولئك الذين يتناولون مركبات الحديد على شكل أقراص فوّارة بشربها عن طريق مصاصة، وذلك لتقليل احتكاكها بالأسنان. وإذا ما توقفت عن تناول أقراص الحديد، فإن بياض الأسنان سيعود مجدداً عن طريق التنظيف الدوري والمستمر للأسنان.  ( الحور العين )

أناقة جمالك انوثه وجمال بشرتك تهمنا جمالك رشاقه صحة الطفل والام صحة عامة صحتك تهمنا

بواسطة ADMIN فى قسم أناقة جمالك, انوثه وجمال, بشرتك تهمنا, جمالك, رشاقه, صحة الطفل والام, صحة عامة, صحتك تهمنا

أسباب لن تخطر على بالك لاصفرار الأسنان

تعالي شوفي ليه ابنك مياكلش قبل 6 شهور

 ( الحور العين ) هتقولك ليه الطفل مايأكلش قبل ٦ شهور 

مساء الخير عليكم ....
كل كلمه فالبوست ده تعتبر من المسلمات .. تسمعيها وتنفذيها مادام بتثقي فينا ومادام حضرتك أم عصريه ومتحضره ممكن تدخلي على جوجل وتعملي بحث عنها بس من مواقع طبيه محترمه مش رغي وفتاوى ستات
 اما باه لو حضرتك مبتثقيش فينا يبقى ريبحي دماغك وفكك مننا احنا حبه عالم فاضيه من كتر ماهما موارهمش اي حاجه حبو يشتغلوكم !!!!
كده الي مكمل معانا امهات وثقوا فينا وعرفوا اننا همنا مصلحه العيال ونفسنا نعمل تغيير في الفكر المصري الاصيل الي مودينا فداهيه .... احنا بنحارب الجهل المتأصل في عقولنا مع اننا معانا اعلى شهادات ...
اولا ....
 الطفل من اول ساعه بيتولد بتبدئي رضاعه طبيعيه وانتي متبنجه ومش قادره واهلك هيساعدوكي على كده وهتستمري على الرضاعه الطبيعيه فقط لاغير لمده ٦ شهور ملكيش دعوه بالجو الحر ولابالجو البرد ربنا مهيأ لبنك لكل الظروف مش انتي الي هتخافي عليه اكتر من الي خلقه  حصل وربنا كرمك بدكتور كاتبلك صناعي وانتي استسهلتي وعملتيلي فيها ام مودرن ماشيه بالببرونه الشيكو واللبن الغالي ومقسم الرضعات يبقى كفايه كده ع العيل وخليكي برضه ع الصناعي لمده ٦ شهور بس هنا هنشرب ميه ٦٠ مل يوميا.
ثانيا ... 
ابنك كبر كده واحلو وبقى بيقعد ع رجل جدو والي حابب يلاعبه يباصيله من الي بياكله ويقولك اصل عينه ع الاكل حرام عليكي .. والواد يدوب عنده ٤ شهور .. بصي باه
ان احنا بناجل الاكل للسادس مش ساديه ع فكره ولا غاويين ننكد عليكم .. .في منظمه حلوه كده بتهتم للاسف بصحتنا اسمها منظمه الصحه العالميه دول باه عالم فاضيه بيقعدوا يجيبو عيال كتير ويعملوا عليهم ابحاث كتير ومتابعات عشان يطلعولك بنتيجه وبيسموها توصيه من ضمن توصياتها باه بتقول ان الطفل يرضع رضاعه طبيعيه فقط لاغير لمده ٦ شهور
طيب نفهم باه ليه ... الجهاز الهضمي بتاعنا ده حاجه عظيمه اوي ربنا خلقله كل حاجه بتاعته هو بس دونا عن كل اجهزه الجسم له تركيبته الخاصه وله تغذيته الدمويه والعصبيه الخاصه وله نظام المناعه الخاص بتاعه .... نظام المناعه بتاعه ده بقى بيعتبر اهم واكبر مناعه في جسم الطفل والكبير برضه على قد ماهو كبير وعظيم كده على قد ماهو بيتاثر باقل حاجه شوفي كده انتي لما بتبقى زعلانه بيجرالك دربكه فبطنك قد ايه !!!! فاحتراما لتركيبه الجهاز ده واحتراما لمناعه ابنك اكتشفوا ان الرضاعه الطبيعيه افضل غذام ممكن يقدم للطفل على الاطلاااااااق والوحيد الي بيحافظ على سلامه هذا الجهاز فاهم فتره في حياه الطفل وبيمنع حدوث النزلات المعويه وبيحافظ على توازن البكتيريا الضاره والنافعه فيه والي هيا المايسترو بتاع كل حاجه .... طيب ابنك بيرضع طبيعي وزي الفل وكمل ٦ شهور وهنبدا ناكل مينفعش ابلدا اديله صوباع محشي !!! ولا لقمه فول لا ده احنا هنبدا تاتا تاتا وهنقعد نجرب ونختبر بطن الطفل ده بتستحمل ايه ومتستحملش ايه
طيب ايه الاضرار الي ممكن تحصل لما تاكلي ابنك بدري ... ماانتي مامتك اكلتك وانتي ٤٠ يوم واديكي ام زي الفل اهوه !!! اقولك انا باه
في اضرار ع المدى القريب بتحصل ... زي الاسهال بسبب التحسس من الاكل او النزلات المعويه الي مالهاش اخر .... والترجيع باه وغيره.
الاضرار باه الي ع المدى البعيد هيا الي بنحاول نتفاداها والي الناس للاسف مش واخده بالها منها ... زي حساسيه الصدر والانف والجلد ، السمنه المفرطه فالاطفال ، مرض السكري النوع الاول ، ارتفاع ضغط الدم ، وبعض انواع الاورام الخبيثه
كل الامراض الي انا قلتها دي موجوده حاليا في سن الشباب والاطفال من سن ١٠ سنين وبمعدلات مخيفه ... عشان كده لازم نفوق ونعرف فين الصح ونعمله .
بيتهيئلي كده هتعرفي تردي ع مامتك وحماتك لما يمسكو فخناقك عشان مبتاكليش ابنك
ثالثا ...
وقفنا الاكل فاول ٦ شهور وبدئنا ناكل من اول يوم فالسادس تمام اوي ... تاكلي ابنك وتعمليله نظام غذائي تلتزمي بيه وتثبتي مواعيده عشان الطفل يتندرب ع كده وهو كمان يحترم مواعيده  ( الحور العين )

صحة الطفل صحة الطفل والام صحة عامة صحتك تهمنا كل ما يخص الأسرة

بواسطة ADMIN فى قسم صحة الطفل, صحة الطفل والام, صحة عامة, صحتك تهمنا, كل ما يخص الأسرة

تعالي شوفي ليه ابنك مياكلش قبل 6 شهور

حلول لتخفيف الوحم اثناء الحمل

( الحور العين ) هتقولك حلول للتخفيف من الوحم 

قد لا تكون هنالك أسباب واضحة علمياً لشعور الحامل بالوحم، ولكن التغيرات الهرمونية وارتفاعها خلال فترة الحمل تلعب دوراً أساسياً به، أو الحمل بالتوائم، أو نقصان حركة القناة المعدية المعوية مع تباطؤ تفريغ محتويات المعدة، أو حتى انخفاض الوزن كثيراً أو بسرعة، كلها قد تكون مسببات للوحم. وتشرح لك الدكتورة ريهام البلوي، أخصائية النساء والولادة، بعض الأمور الغامضة.

الوحم، أي الغثيان، أمر شائع جداً تصل نسبته إلى 90%، وتختلف حدته ومدته من أم إلى أخرى. وفي حال ازدياد حدته لابد من المبيت في المستشفى وتلقي العلاج اللازم. وفي الغالب ينتهي الوحم منذ الأسبوع الثاني عشر، وحتى الثالث عشر عند معظمهن، وفي حالات أخرى ينتهي عند الأسبوع العشرين، وفي حالات نادرة جداً يستمر الوحم طوال فترة الحمل.

كيفية التغلب عليه:

- تناولي وجبات صغيرة من الطعام غالباً.

- تناولي شيئاً من الطعام قبل أن تقومي من السرير، مثل البسكويت، ومن الجيد أحياناً تناول الطعام في الليل، أو قبل الخلود إلى النوم.

- قومي من السرير ببطء، مع حركة متأنية للوقوف وليس بسرعة.

- لا تنظفي أسنانك بعد الأكل مباشرة، فكثير من الأمهات الحوامل يشعرن بالغثيان بعد استخدام المعجون.
- تناولي الأكلات التي تحبينها، والتي لا تحتوي على دهون، وغالباً ما ترتاح الكثيرات لتناول الأرز والمعكرونة والبيض والدجاج والسمك.
- تناولي الفواكه الطازجة، ومن الممكن تناولها كعصائر.

- حافظي على الراحة الكافية، وكذلك الحركة الخفيفة، والخروج من المنزل قدر المستطاع.

- تجنبي الاستلقاء على الظهر باستقامة، بل يجب أن يكون الرأس مرفوعاً لتقليل الحموضة.

- قد يتطلب الأمر أحياناً لاستخدام علاج مقاوم للغثيان، فلا تخافي من استخدامه أثناء الحمل، وتناوليه بانتظام.             ( الحور العين )

الحياة الزوجيه المرأة صحة الحامل صحة الطفل والام

بواسطة ADMIN فى قسم الحياة الزوجيه, المرأة, صحة الحامل, صحة الطفل والام

حلول لتخفيف الوحم اثناء الحمل

يا ام رجل المستقبل

 ( الحور العين ) بتقولك عزيزتي يا أم رجل المستقبل عشان تربي راجل بجد يعرف يفتح ببت مش مجرد ذكر للتزاوج :

1- متتكلميش مع ابنك بالزعيق والشخط ..هيبقى صورة منك وهيبقى أسلوب حياته ..وأول واحدة بيتعلم يشخط فيها أنت وتاني واحدة مراته اللي لا حول لها ولا قوة غير بلاها بيه 

2-متضربيش ابنك باديك أو أي حاجة .. بتربيلنا طاقة غضب كامنة جاهزة للانفجار في الخناقات معاك وفي الشارع ومع أهل بيته في أي وقت
3- علميه من صغره "يقولك يا حبيبتي" وكلمة "بحبك "و"وحشتيني"
4-لما يجي عيد او مناسبة حلوة قوليله أنا زي كل الستات بحب الورد ..وافرحي أما يجيبلك ورد ..عشان تعلميه يهادي بالورد ...لقد اصبحت الجملة الطليقة على ألسنة الستات المصريات "مبيجبليش وردة"
5- لما تختلفوا قبل أما تناموا ..روحي اتكلمي معاه بالراحة ضبطي معاه الدنيا ... علميه مينامش وبينه وبين اللي عايشين معاه في البيت خلاف
6- لله وللوطن اعتذري لما تغلطي في حقه وعلميه يعتذر ...لقد سئمنا من بلاء الرجل اللي نفسه عالية الذي لا يعتذر
7- بلاش العتاب واللوم والملامة مع كل غلط على الفاضية والمليانة... خلي فيه مساحة من الخطأ والتسامح بعد الاعتذار عن الخطأ ... علميه التسامح
8- مش لازم تبقى دراكولا وأنت بتستقبلي وبتحلي المشاكل ..عشان متربلناش دراكولا تاني ..اهدي شوية عشان تعلميه هدوء وحكمة التصرف ..ومتقبليش منه الصوت العالي في أي مشكلة ..وقوليله الستات مبنتكلمش معاهم كده حتى لو غلطانين
9- علميه يلبس لبس مهندم في البيت .. مش طول النهار قاعد بالفانيلة والبوكسر ... لقد أصبحت الفانيلة البيضاء أسلوب حياة الرجل المصري كأنه قاعد في مستشفى بيونيفورم
10- قوليله اختار مكان فسحني وأكلني ايس كريم ومشيني شوية ... مش أنت اللي تعمليله كده ...عشان يتعلم يعمل كده مع بنت الناس اللي هيعاشرها
11- علميه ان البيت عشان يشارك اللي موجودين في حياتهم ..خلي فيه حاجات مشتركة بتعملوها سوى حتى ولو تقطيع البطيخ ..عشان ميبقاش البيت بعد كده أكلة ونومة وقاعدة على النت ودمتم
12 _ علميه لما يلاقي نفسه متضايق يعمل حاجة يتخلض بيها من ضيقه (جيم - مشي - رياضة - لعبة - تليفزيون - بلاي استيشن ....) المهم ميطلعوش على اللي حواليه
13 -احضني ابنك وبوسيه ..ولما يكبر شوية ويقولك هاتي بوسة ولا يجي يعاكسك ولا يحضنك متقوليلوش امشي يا واد من هنا ... سيبيه يحضنك ويبوسك وانبسطي بتعبيراته ..متقفلهوش .. متقفلهاش للي جاية وراكي تعاشره
14- اسمعيه أما يتكلم وعلميه يسمع
15- أما يجيبلك طلبات ولا يعملك حاجة اشكريه عشان يستمر ...وقوليله لو كل الناس في حنيتك كده كانت الأمهات كلها بقم سعده ومبسوطين
16-بلاش الكلام عن أبوه بطريقة سلبية ولا تنمرية ولا استحلافية حتى لو مش طايقاه ومطلع عنيك.. بتكرهيه في الستات والجواز وسنينه
17- بلاش الحلفان المتحكم والمسيطر واللي أقوله لازم يتسمع ويتعمل ... بتربيلنا بسي سيد نكدي بالدرجة الأولى
18 - صبحيه بكلمة حلوة وعلميه يقول الكلمة الحلوة على الصبح
19- سيبيه يفرح وينبسط في البيت و افرحي معاه ..مش عيب ولا حرام على فكرة ..كفاية نكد
20- ألعبوا سوى ..وهو صغير وهو كبير ... اللعب مش حرام برضه ..عشان تعلميه يلعب مع أهل بيته

بلاش تربي رجل يبقى ابتلاء في حياة مراته وولاده
متخليش بنت الناس اللي هتتبلي بيه تدعي في يوم عليه وعلى اليوم اللي عرفته فيه وعليك
كفاية صوت عالي وزعيق وشخط وعصبية وخناقات ..ده أصبح طريقة وأسلوب الناس في التعامل في كل حتة وكل مكان وأصله تربية أم
الرقي والهاي كلاس أسلوب وطريقة تعامل مش مراكز ومناصب وبرستيج ( الحور  العين )

المرأة صحة الطفل والام صحة عامة كل ما يخص الأسرة للرجال

بواسطة ADMIN فى قسم المرأة, صحة الطفل والام, صحة عامة, كل ما يخص الأسرة, للرجال

يا ام رجل المستقبل

كيف اتعامل مع زوجي العصبي

( الحور العين ) هتقولك نصيحة في حال كان زوجك من الرجال الذين تصيبهم نوبات من العصبية والغضب، وهي أن تتمالك نفسها إلى أقصى الحدود؛ لكي لا يكون البركان الذي بجانبها مدمراً. وقد تكون هناك حاجة لقرار صعب من جانبها؛ وهو أن تضع «الأنا» جانباً لبعض الوقت إلى حين توقف البركان من قذف حممه.

فهم الموقف
أضافت الدراسة أنه من أجل التعامل مع الزوج الغاضب والعصبي فإنه على المرأة أن تفعل ما هو في صالح الطرفين، وكذلك يمكنها أن تسلح نفسها بعقل ومنطق قويين يتفوقان على غضب وعصبية الزوج. ولكي يكون تعاملها فعالاً مع مثل هذا الموقف فإن عليها أن تتفهم بعض الحقائق، وتتبع بعض النصائح التي تفيد إلى حد كبير في حل اللغز والوصول لهدف الهدوء. فما هي هذه المواقف والتصرفات؟

أولاً، لا تخافي من الغضب ذاته
الغضب والعصبية لهما نفس الجذور، وهما ناجمان عن الافتقار للقوة؛ وذلك لأن عدم تحكم الإنسان بنفسه ساعة الغضب إنما هو دليل ضعف. وعليك هنا اعتبار ذلك الغضب بمثابة بكاء طفل وليس زئير أسد. فعندما تظهرين هذا الموقف فإن الرجل يمكن أن يشعر بأنه غاضب مع نفسه وليس معك، وهذا يساعده على الهدوء بعد لحظات من ثورته.

ثانياً، لا تتخلي عن الأمل في التحكم بعصبيته
أكدت الدراسة أن للمرأة قوة عاطفية كبيرة، وهي بذلك يمكن أن تتحكم بكثير من الأشياء، منها احتواء غضب وعصبية زوجها. كل شيء بالنسبة للرجل الغاضب هو أنه يستطيع أن يفعل كل شيء بينما زوجته لا. هنا ينبغي على الزوجة أن تنتبه إلى رد فعلها؛ لكي لا يسير الموقف باتجاه منعطف خطير. فهو ربما يرمي النار، وعليك أن تحمي نفسك من دون أن تحترقي.


ثالثاً، اعرفي إن كان غضبه عادة من عاداته
كثير من الرجال يملكون عادة الشعور بالغضب والعصبية ربما لأسباب تافهة، ولكن الغرض من ذلك هو إظهار رجولته وتفوقه على المرأة في الطباع الحادة. هنا عليك أن تتفهمي هذه الناحية، فهي يمكن أن تحميك من الآثار السلبية لهذا الغضب.

رابعاً، حاولي أن تعرفي إن كان لك ذنب في ذلك
يجب عليك أن تكوني صادقة في هذه النقطة؛ لأن ذلك سيساهم في وضع الأولويات من أجل حل الموقف، فاعترافك بدورك في إثارة غضب الرجل وعصبيته أمر يساعد على إزالة سوء التفاهم.

خامساً، افهمي بأن الغضب هو ضعف
قالت الدراسة إن الرجال الأقوياء لا يصرخون ولا ينفعلون؛ لأن لديهم القوة العقلية للتحكم بأنفسهم، ويكون عندهم عادة ردود أفعال ذات مغزى عندما يصابون بنوبة من العصبية أو الغضب الناجمين عن مواقف الآخرين. ولكن من لا يملك القوة للدفاع عن نفسه ويفتقر للمنطق فهو الإنسان الذي يبعبع كثيراً في أذني زوجته، من دون أن يكون لذلك مفعول كبير عليها.

تكتيكات للتعامل مع الزوج الغاضب
ذكرت الدراسة أن هناك كثيراً من الرجال يشعرون بالغضب من زوجاتهم بسبب إظهار عواطفهن؛ لأنهم لا يستطيعون ذلك. وذلك يعتبر عاملاً نفسياً يوضح الاختلافات بين طبيعة الرجل والمرأة من حيث العواطف والمشاعر وإمكانية إظهارها. ولكن هناك تكتيكات تستطيع المرأة اتباعها للتعامل مع الزوج الغاضب، فما هي؟

أولاً، ضرورة التسامح
التسامح مع الآخرين مطلوب في الحياة مع الجميع، ويجب أن يكون هذا التسامح أوسع بين الزوجين. فوجوده يحل الكثير من المشاكل التي لا ضرورة لها. كما أن الزوج يشعر بأنه المنتصر إذا لم ترد الزوجة على إهاناته بالمثل، اعتبري ذلك تسامحاً منك، ودعيه يفكر كما يشاء.


ثانياً، تحدثي معه عن غضبه عندما يكون هادئاً
من المهم أن تتحدثي مع زوجك عن حالة الغضب والعصبية المصاب بها، ولكن ذلك يجب أن يتم عندما يكون في هدوء تام، ومنفتح للحديث عما جرى.

ثالثاً، رسم الحدود
ينبغي عليك أن تضعي أو ترسمي حدوداً لنفسك، ولا تتخلي عنها. فغضب الرجل وعصبيته ينجمان أحياناً من شعوره بأن زوجته قد تجاوزت حدودها في أمر ما. فإذا لم يكن يحب أن تضحكي بصوت عال، وبخاصة أمام الآخرين، فمن المفيد أن تلتزمي بذلك؛ لأن الزوج لا يحب أن يرى زوجته تضحك بصوت عالٍ أمام الآخرين.

رابعاً، لا تصبي الزيت على النار
يكون الغضب أحياناً مضحكاً، وبخاصة إذا حدث لأسباب تافهة، ولذلك فإذا شعرت بأن زوجك غاضب من شيء تافه فلا تحاولي الضحك أو الاستهزاء به؛ لكي لا يتضخم غضبه. ( الحور العين )

الحياة الزوجيه المرأة صحة الطفل والام كل ما يخص الأسرة للرجال

بواسطة ADMIN فى قسم الحياة الزوجيه, المرأة, صحة الطفل والام, كل ما يخص الأسرة, للرجال

كيف اتعامل مع زوجي العصبي

انسب وقت للاقلاع عن التدخين

( الحور العين ) هتقولك الوقت المثالي للاقلاع عن التدخين :

• الفترة الخالية من التوتر النفسي تعد وقتا مثاليا للإقلاع عن التدخين؛ لأنه يصعب على المدخن القيام بذلك، إذا كان يواجه مشاكل في العمل أو مع شريك الحياة.
•  في حال اتخاذ قرار الإقلاع عن التدخين، فينبغي تطبيقه على الفور وبشكل صارم؛ لأن كل سيجارة يتم تدخينها تحفز ما يعرف “بذاكرة الإدمان”.
• وكي يصمد المدخن أمام الإغراءات، فينبغي عليه إخبار أقاربه وأصدقائه ومعارفه بقراره وأن يطلب من المدخنين منهم عدم التدخين في وجوده.
• ويمكن مواجهة الرغبة الملحة في التدخين في المواقف اليومية، التي يحتاج فيها المدخن إلى تدخين سيجارة، من خلال الإلهاء خلال ثلاث دقائق، وهي المدة، التي تستغرقها هذه الرغبة في المتوسط. ولهذا الغرض، يمكن مثلا تشتيت الانتباه خلال هذه المدة بتشغيل الراديو واحتساب عدد المرات، التي ذكر فيها المذيع كلمة “أنا” أو “هو”. 
• وللمساعدة على الالتزام بقرار الإقلاع عن التدخين، يمكن في البداية اللجوء إلى لاصقات النيكوتين لمواجهة الآثار النفسية والجسدية المترتبة عليه، مع الانتباه إلى ضرورة استعمالها لبضعة أسابيع فقط؛ نظرا لخطر وقوع المدخن السابق فريسة للإدمان الجسدي لها.

  ( الحور العين )

الحياة الزوجيه المرأة جمالك صحة الحامل صحة الطفل والام صحة عامة صحتك تهمنا كل ما يخص الأسرة للرجال

بواسطة ADMIN فى قسم الحياة الزوجيه, المرأة, جمالك, صحة الحامل, صحة الطفل والام, صحة عامة, صحتك تهمنا, كل ما يخص الأسرة, للرجال

انسب وقت للاقلاع عن التدخين

تعالي شوفي ازاي ترضعي طفلك صح

( الحور العين ) تجهل الكثير من الأمهات الجديدات طريقة إرضاع المولود وعدد الرضعات، فدرجة توترهن قد تجعلهن ينتظرن نصائح كبيرات السن في العائلة

 الحور العين بتنصح الأمهات بالآتي:

- على الأم أن تضع مولودها على صدرها بعد مرور ثلث ساعة من الولادة، سواء كانت هذه الولادة طبيعية أم قيصرية، وحتى وإن كانت تحت تأثير المخدر بعد العملية القيصرية.
- يجب أن لا يتناول الطفل غير لبن الأم فقط حتى يتم شهره الخامس.
- مع بداية الشهر السادس أو قبله بقليل ينصح بأن يتناول الطفل الماء، بالإضافة إلى وجبات تكميلية بجانب الرضاعة الطبيعية من الأم.
- خلال الشهر الثامن يضاف إلى غذائه نوعان جديدان من الطعام، وهي اللحوم البيضاء والبقول.
وخلال الشهر التاسع يبدأ إضافة اللحوم الحمراء لغذائه بعد سلقها وضربها في الخلاط، أو تقطيعها إلى شرائح عكس اتجاه النسيج.
- في السنة الثانية من عمر الطفل يجب تخفيض عدد الرضعات من ثلاث إلى رضعتين فقط قبل النوم ظهرًا ومساءً؛ لأن زيادة عددها سيؤثر على تناوله للوجبات الأخرى، ويُراعى أن تكون جميع الأطعمة التي يتناولها الطفل في حالة سائلة.
- الطفل من الثالثة يكون قد كوَّن أسنانه، ويستطيع أن يتناول الطعام الذي يتناوله الكبار، لكن يجب مراعاة أن تقسم وجبات اليوم على أربع وجبات في مواعيد ثابتة.( الحور العين )

أحدث الاكتشافات العلمية المرأة صحة الطفل والام كل ما يخص الأسرة

بواسطة ADMIN فى قسم أحدث الاكتشافات العلمية, المرأة, صحة الطفل والام, كل ما يخص الأسرة

تعالي شوفي ازاي ترضعي طفلك صح

طريقه عمل البيتزا بالبيت

( الحور العين ) هتقولك ازاي تعملي بيتزا بطريقه سهله وبسيطه

مقادير اتنين

• 4كوبيات دقيق
• 4معالق خميره فوريه بس بمعلقه الشاي
• معلقه ملح 
• 4 معالق سكر 
• كوب الا حاجه بسيطه زيت
• ماء فاتر للعجن ع حسب ما تظبط معاكي

الطريقه:

• بتحطي كل المقادير الجافه مع بعض وتنزلي الزيت وتضيفي ماء حسب الاحتاج
• ولو لزقت منك ضيفي دقيق 
• وتعجنيها لحد ما تبقي متماسكه
• بعدين حطيها ف كيس واقفلي كويس وسبيها تخمر ساعه
• الحشوه زي ما تحبي انا عملت لحمه مفرومه وجبن
•  بعدين لما تخمر افرديها مدور ع قد الصينيه وادهنيها بالصلصه وبعدين الحشوه وبعدين عيدان فلفل وطماطم وزتون زبعدين موتزريلا
• بتدخليها الفرن تكوني مسخناه قبليها وتدخليها ع 200 لحد ما تلاقي الحروف بقى لونها دهبي اطفي من تحت وشغلي الشوايه تاخد لون معاكي وبالهنا والشفا  ( الحور العين )

الحياة الزوجيه المرأة المطبخ جمالك صحة الطفل والام صحة عامة صحتك تهمنا كل ما يخص الأسرة

بواسطة ADMIN فى قسم الحياة الزوجيه, المرأة, المطبخ, جمالك, صحة الطفل والام, صحة عامة, صحتك تهمنا, كل ما يخص الأسرة

طريقه عمل البيتزا بالبيت