ازاي تكسبي قلب رجل برج الحمل

( الحور العين ) هتعرفك ازاي تكسبي قلب رجل برج الحمل

طموح ومتفائل وصريح كاريزمته قوية نشيط وقائد بطبعه هو ده رجل برج الحمل، صفاته مميزة وواضحة ومع ذلك التعامل معاه مش بالسهولة دي لأن شخصيته سريعة الملل ومحبه للتغير وبتكره الروتين بس احنا هنا حنساعدك تحطي شوية خطوط عريضة للتعامل مع الشخصية دي وحنساعدك تعرفي ازاي تكسبي قلب رجل برج الحمل.

1- ثقي في نفسك

مهم اوي لرجل برج الحمل انه يحس ان الانسانة اللي قدامه واثقة في نفسها وبتقدرها وبتحترمها وبالرغم من انه من الشخصيات المسيطرة اللي بتحب تاخد دور القائد لكن هو ما يحبش الشخصيات الضعيفة لأنه بيحس انها مستسلمه على عكس الشخصية القوية اللي بتحسسه بالتحدي.

2- اهتمي بمظهرك

المظهر من الحاجات اللي بتلفت انتباه رجل الحمل جدا وهو من الشخصيات اللي يحب يشوفك انثى يعني حتى لو استايلك كاجوال خلي اللمسات الانثوية فيه ظاهرة وواضحة عشان هو مش بيلفت نظره البنت اللي الكاجوال بزيادة اللي استايلها بعيد عن الانوثة.

3- العبي معاه قط وفار

رجل الحمل شخصيته مركبة جدا في النقطة دي لأنه بيحب يحس ان هو اللي وقع البنت في غرامه ولفت نظرها وفي نفس الوقت عمره ما حيتحرك ولا ياخد خطوة غير لما يحس انها معجبة به ومشدودة له، يعني بيحب يلعب شد وجذب، خليكي ذكية في التعامل معاه بمعنى انك ماتحسسيهوش بالرفض او بأنك مش مهتمه وفي نفس الوقت اوعي تبادري بأي خطوة صريحة او جريئة.

4- اتحاوري معاه

طبيعة رجل الحمل بتقدر الانثى الذكيه جدا ويحب يشترك معاها في حوارات على مستوى عالي من الذكاء والتحدي العقلي، اتناقشي معاه واعرضي وجهة نظرك وماتخافيش من روح التحدي او الجدال اللي حيزيد ويرتفع مستواه ما بينكم لأن الروح دي اللي مليانه بالتحدي والذكاء من اكتر الحاجات اللي تبجذبه وتشد انتباهه.

5- ركزي في التفاصيل

افتكري تعليقاته وكلامه وقوليهاله تاني في مواقف مختلفة وساعتها حتشوفي لمعة السعادة في عينيه لأن رجل برج الحمل بيحب جدا اللي يهتم بالتفاصيل وبيفتكرها وده بيعني له كتير اوي ومن اكتر المواقف اللي بتأثر فيه من جواه انه يحس بالاهتمام والتركيز في كلامه وافكاره.

6- اديله مساحة من الحرية

مش معنى كده انك تبعدي عنه او انك تاخدي جنب لكن زي ما قلنا ان رجل الحمل بيحب التجديد والتغير باستمرار بيحب يجرب حاجات جديدة وبيحب يدخل في مغامرات من وقت للتاني ومن غير ما يحس بالسيطرة او بأن وجودك في حياته بقى روتين، يعني حاول تشاركيه لحظاته بس سيبيله شوية مساحة للحرية وحسسيه انك واثقة في تصرفاته وواثقة فيه.

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج الثور، لكن دي محاولة مننا عشان نفهمك طبيعة رجل الثور وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…

( الحور العين )