تعالي اعرفي ازاي تخلي شعرك روعه .... في 3 شهور

( الحور العين ) هتقولك النهارده هنتكلم عن الشعر وازاى نخلى شبه الهنود واحسن

لكل بنات الحور العين هنبدا نظام هغير شعرك 180 درجه "

مين هتبدا معانا ومتكسلش شهرين ع اقل " بصي الاخر يا ستي انتي وهي باذن الله هديكي 12 خطوه تمشي عليهم من غيرووصفات وخلطات وزيوت وبيض و مايونيز طول فتره العلاج دى والله الخطوات وتجارب ناس كتير وجابت فعلا نتيجه خطيره

اعملي الخطوات دي كلها مع بعض وان شاء الله شعرك يتقل ويطول ويبقى زي الفل باذن الله المهم تستمري على الاقل تلات شهور .

اشمعنى تلات شهور؟ 

لان الشعرايه مش بتبتدي تتأثر باي حاجه قبل على الاقل تلات شهور علشان دوره تجديد الشعر ...

وبعدين مش فتره طويله على فكره ما شعرنا مبهدلينه ومطلعين عين اهله بقالنا سنين ..

وبعدين ياما جربنا خلطات وزيوت وعك كتير وبقالنا سنييييييييين طويله بنعك مخنوقة

يبقى نصبر على الاقل تلات شهور وياريت يبقى اكتر كمان ويبقى ده اسلوب تعاملنا مع شعرنا ..

الخطوات كالتالي (مهم تعمليها كلها مع بعض ولو مقدرتيش يبقى معظمهااااا )

الخطوه الاولى

اتأكدي ان مفيش عندك انيميا لو في عالجيها الاول لانه عمره ما هيتقل لو عملتي ايه وفي انيميا.. وكمان مهم اوي الحاله النفسيه تبقى كويسه لان التعب النفسي بيوقع الشعر بهبل وعن تجربه .. طبعا بيبقى غصب عننا .. لكن اهو نحاول .. وربنا يعينا

الخطوه التانيه

ارمي فرش الشعر اوعي تستخدميها خااااالص الفرش بكلام الدكاتره بتقطع الشعر وهي بتسرحه وبلاش الامشاط البلاستيك هاتي مشط خشب حلو كده سنانه واسعه واستعمليه وبلاش ابو ايد ده استعماله صعب هاتي المشط العادي واسنانه تكون معقوله لا واسعه اوي ولا ضيقه اوي .. وفي انواع بتبقى مقسومه نصين نص واسع ونص ضيق هاتي ده لو عاوزه

هتقولي بيقطعلي شعري يبقى نوعه وحش خشبه خشن هاتي نوع الخشب بتاعه ناعم بيبقى كأنه مطلي كده علشان ميمسكش الشعر ويقطعه هتقولي مش بعرف استعمله هقولك اتعودي .. بجد والله يابنات بيفرق

الخطوه التالته

هاتي من الصيدليه حاجه اسمها لوسيون الو بانثين

ده لوسيون للشعر ترجيه كويس وبعدين تبلي صوابعك منه كل يوم قبل النوم وتدلكي فروه راسك ولو عندك بخاخه تحطيه فيها يبقى افضل اهم حاجه ترجيه كويس قبل الاستخدام وترشيه في فروه راسك وتدلكي بالراحه الله يكرمك دلكي كويس خمس دقايق كده كل ليله قبل النوم وبعدين سرحي شعرك وشوفي اذا كنتي بتلفيه او بتعملي فيه ايه اهم حاجه ميكونش مشدود وبلاش تغطيه بحاجه خليه متهوي عادي
هو من اي صيدليه سعره حوالي 9 جنيه وبيكفي كتييييير بتاع اربع خمس شهور يعني متستنيش نتيجه قبل ما تخلصي العبوه كلها

الخطوه الرابعه

لو بتخرجي ومغطيه شعرك كتير لاااازم تحطي تحت الطرحه بندانه قطن لااااااااازم بقولك اهو هاجي افتش وراكي.. وبلاش الله يكرمك السبعين الف طرحه دول الصيف جاي وشعرنا حرااااام اللي بنعمله فيه .. طرحتين كفايه اوي بلاش ابوس ايديكو عمة سندباد اللي بشوفها دي

الخطوه الخامسه

اول ما تروحي البيت فكي شعرك وسيبيه يتنفس بلاش تربطيه او تعمليه كحكه والحاجات الغريبه اللي بنعملها احنا المصريين في شعرنا دي والله حقه يقع ويسيبنا ويطفش فكيه وهويه ولو بتدايقي منه وهو مفكوك اعمليه ضفيره مهويه كده بلاش تشديه المهم يبقى مفكوك ومتهوي على اد ما تقدري

الخطوه السادسه

وانتي خارجه تحت الطرحه او وانتي في البيت كل يوم افرقي شعرك من ادام فرق مختلف يعني يوم هاتيه من قدام على جنب ويوم الناحيه التانيه يوم على ورا يوم على ادام كده يعني علشان لما بنعمله على طريقه واحده كل يوم الشعر بيتنحل ويبقى خشن اوي نتيجه احتكاكه بالطرحه او بالمخده او او ..
 والدليل على كده ان شعرك من تحت من عند رقبتك لو قلبتيه هتلقيه ناعم اوي انعم من ادام .. لو لقيتي الحركه دي اعرفي انك بهدلتي شعرك من ادام اوي ..

الخطوه السابعه

ودي مهمه اووووووي لما تيجي تغسلي شعرك متحطيش الشامبو على شعرك مباشره

لا خودي معاكي كوبايه فاضيه او ازازه شامبو فاضيه اي حاجه وحطي فيها شويه شامبو وخففيه بالميه ورجيه كويس لحد ما يعمل رغوه وبعدين بلي شعرك كويس اوي
 وحطي عليه الشامبو المخفف ده والله يا بنات دي نصيحه دكتور اجنبي وطبقتها هتفرق معاكى كتييييييير حتى لو عامله حمام زيت الشعر بيرغي من اول مره ومش بحتاج اغسله تاني غير طبعا انه بيوفر في الشامبو

الخطوه الثامنه

نوقف السشوار والمكواه والفرد والصبغه والحنه والمايونيز والزيوت والبيض والجرجير والخلطات والعك والحاجات دي كلها وقفيها بس فتره العلاج دي

الخطوه التاسعه

هاتي فيتامينات اسمها فيتازنك العلبه بخمسه جنيه فيها تلاتين حبايه خدي واحده كل يوم بعد الغدا يعني كورس شهر وبعدين وقفي شهر وهكذا (اختياريه الخطوه دي بس بتفرق .. يعني لو واحده بتاخد فيتامينات معينه او الدكتور كاتبلها حاجه معينه يبقى تستمر عليها)

الخطوه العاشره

ودي مهمه اوي بردوانك يوميا تاخدي معلقة زيت زيتون على الاكل بتاعك حطيه بقى على سلطه ابلعيه كده انتي حره المهم انه يتاخد على البارد يعني ميتسخنش ولا يتحط مع اكل سخن ممكن تقولي طيب ما احطه على شعري علطول هقولك علميا فوايد اي حاجه لما بتحط على الشعر او البشره بتوصلنا منها فقط 111% من فايدتها لما بتتاكل

 طيب ما ابلعها احسن .. وكمان اخذ ملعقة زيت زيتون ع البارد يوميا يحسن الشعر جدااااااا ويعطيه ليونه ولمعه طبيعيه

وكمان لو قدرتي تاخدي فص ثوم متقطع قطع صغيره وتبلعيه زي حبوب الدوا كده يبقى ممتاااااز
لو بتحبي الثوم متقطع على السلطه يبقى بردو كويس المهم انه بردو ميطبخش ولا يتقطع قبل اكله بفتره طويله

ايه فايده الثوم
 بيتقل الشعر بدل ما تحطيه على فروه الراس ويعمل ريحه وحشه ويعمل التهاب في فروه الراس ومش بنستفيد منه الا 11 % يبقى ابلعيه احسن
 طبعا غير انه مضاد حيوي قوي جدا ومفيد لازاله حبوب الوجه .. وليه فوايد بالهبل مش وقتها دلوقتي تقدري تعملي عنها سيرش وهتزبهلي لما تقريها ...
 المهم حاولي ومتقلقيش مش هتحسي بطعمه ولا هيبقاله اي ريحه لو قطعتيه واخدتيه بشويه ميه كأنه دوا

الخطوه الحاديه عشره

ودي بقى اهم اهم اهم خطوه اشربي ميه بالهبل ميه كتيييييييير جدا وحده سألت مره دكتوره علا حسام اللي بتطلع مع امينه شلبايه عن علاج لتقصيف الشعر قالتلي بنات كتير بييجوا يكشفوا علشان تقصيف وهيشان الشعر وتساقطه ولولا انهم هيقولوا عليا نصابه ومكتبتش على دوا .. كنت قلتلها علاجك بس تشربي ميه .. مش اقل من لترين ميه في اليوم ..!!

 ليه بقى .. الشعرايه زي الزرع .. لما مبتشربش ميه من جذورها بتنشف والبصيله تموت وتقع .. والاطراف تتقصف وتهيييييييش .. يبقى نشرب ميه كتيييييير سهله وحلوه اهي .

الخطوه الثانيه عشر:

مهم جدا ترطبي شعرك بحمام كريم بعد كل مره تغسليه .. بلاش بلسم خليكي في حمامات الكريم احسن الف مره.. ممكن تستخدمى كريم فاتيكا بالنسبه للمنتج للشعر وحلوه جدا عن تجربه

( الحور العين )

انوثه وجمال جمالك صحة عامة

بواسطة ADMIN فى قسم انوثه وجمال, جمالك, صحة عامة

تعالي اعرفي ازاي تخلي شعرك روعه .... في 3 شهور

ازاي تتخلص من الطاقه السلبيه

( الحور العين ) هتقولك معلومات تهمك كثيرا عن الطاقه السلبيه  

بعض الأمور التي تساعد على التخلص من الطاقه السلبيه و تضعف الشياطين داخل المنزل ...

1- نظافة دورة المياه لابد أن تنظف بشكل مستمر و التخلص من الروائح الكريه .

2 - تنظيف دورة المياه و تطهيرها قبل النوم .

3 - الحرص على إغلاق باب دورة المياه بإستمرار .

4 - عدم تعليق الملابس في دورة المياه
 فإبقاء الملابس ليلة كامله في دورة المياه ستمتلئ بالطاقه السلبيه و بالتالي يصعب التخلص منها الا بعد و ضعها مدة في الشمس .

5 - الملابس المتسخه يجب أن تكون في سله خارج دورة المياه .

6 - يجب إبعاد العطور عن دورة المياه و عدم تبخير دورة المياه

7 - عدم التحدث داخل دورة المياه لأي سبب كان .

8 - لكل فتاة ( تبكي بالحمام ) ..
 اعلمي عزيزتي بكاؤك في دورة المياه بمثابة دعوة منك و ترحيب لدخول الشياطين و تلبس الجن بجسمك و بالتالي تأخر في رزقك و زواجك و متاعب في حياتك وكثرة المشاكل و الأحساس بالحزن من دون اي سبب و لربما كان سبب للأصابة بالصرع .

9 - كل ثلاثه أيام افتحو الأبواب و النوافذ و شغلو ( سورة البقرة ) و سوف تلاحظون فرق بنفسك و بأهل البيت من ناحية االامور النفسية و التعامل .

10 - بخروا المنزل بالحبه السوداء لتطرد الشياطين و الجراثيم كما وصى المصطفى عليه الصلاة والسلام .

11 - لا تجمعوا الأغراض أبداً تحت السرير أو فوق الدولاب بل رتبوها داخل أدراج مغلقه .

12 - لا تبخروا المنزل و النوافذ مغلقه بل افتحوها .

13 - لا تكثروا من المرايا في المنزل و إن و جدت مرايا فأفضل مكان لها عند المدخل .

14 - لا تجلسوا في مكان قد قام منه صاحبه لتوه .

15 - تنفسوا تنفس عميق عند إستيقاظكم من النوم و قبل النهوض انطقو البسمله و قولوا لا اله الا الله محمد رسول .

16 - اجعلو وقت النوم ثابت منتظم و ان يكون في الليل .

17 - لاتتركوا قراءة سورة الملك قبلالنـوم
 فهنيئا لمن جعل قراءتها عادة له فإحرصوا عليها لأنها تنجي من عذآب القبر"آخبروا بها من تحبون و لأني أحبكم آخبرتكم بها .

18 - هل تعلِم ..
عند قرآءة آية الكرسي بعد كل صلآة بعد ان تكبر الله 33 و تحمد الله 33 مرة و تسبح الله 33 مرة لا يصبح بينك وبين الجنه ألا الموت .

((اللهم اجعلها صدقه جاريه عني و عن و عن كل من يطبقها ))

( الحور العين )

الحور العين

أعجبني

أحببته

هاهاها

وااا

صحة عامة صحتك تهمنا كل ما يخص الأسرة

بواسطة ADMIN فى قسم صحة عامة, صحتك تهمنا, كل ما يخص الأسرة

ازاي تتخلص من الطاقه السلبيه

فوائد الفول الحراتي

( الحور العين )
فوائد الفول الحراتي
الامساك ، بقشور الفول .
التهاب الكلى ، بماء الفول الاخضر المغلي .
حصوات الكلى ، بماء الفول الاخضر المغلي .
التهاب المثانة ، بماء الفول الاخضر المغلي .
التهاب الصفراء ، بماء الفول الاخضر المغلي .
القيء .
تجاعيد الوجه .
اعراض الشيخوخة .
تشنج العضلات .
اوجاع الظهر والفقرات المتشنجة .
النزيف الدموي .
مرض السل .
السمنة وزيادة الوزن .
النمش والكلف .
تحذيرات :
يحذر من اكل الفول مرضى عسر الهضم واضطرابات المعدة .
يمنع اكل الفول لمن لديهم حساسية من الفول ولمرضى تفول الدم .
( الحور العين )

الطب البديل صحة عامة

بواسطة ADMIN فى قسم الطب البديل, صحة عامة

فوائد الفول الحراتي

ازاي تتخلص من الطاقه السلبيه

( الحور العين ) ازاي تتخلصي من الطاقه السلبيه 

لكل بنات الحور العين نقدم لكم معلومات تهمك كثيرا في الأمور التي تساعد على التخلص من الطاقه السلبيه و تضعف الشياطين داخل المنزل ...

1- نظافة دورة المياه لابد أن تنظف بشكل مستمر و التخلص من الروائح الكريه .

2 - تنظيف دورة المياه و تطهيرها قبل النوم .

3 - الحرص على إغلاق باب دورة المياه بإستمرار .

4 - عدم تعليق الملابس في دورة المياه
 فإبقاء الملابس ليلة كامله في دورة المياه ستمتلئ بالطاقه السلبيه و بالتالي يصعب التخلص منها الا بعد و ضعها مدة في الشمس .

5 - الملابس المتسخه يجب أن تكون في سله خارج دورة المياه .

6 - يجب إبعاد العطور عن دورة المياه و عدم تبخير دورة المياه

7 - عدم التحدث داخل دورة المياه لأي سبب كان .

8 - لكل فتاة ( تبكي بالحمام ) ..
 اعلمي عزيزتي بكاؤك في دورة المياه بمثابة دعوة منك و ترحيب لدخول الشياطين و تلبس الجن بجسمك و بالتالي تأخر في رزقك و زواجك و متاعب في حياتك وكثرة المشاكل و الأحساس بالحزن من دون اي سبب و لربما كان سبب للأصابة بالصرع .

9 - كل ثلاثه أيام افتحو الأبواب و النوافذ و شغلو ( سورة البقرة ) و سوف تلاحظون فرق بنفسك و بأهل البيت من ناحية االامور النفسية و التعامل .

10 - بخروا المنزل بالحبه السوداء لتطرد الشياطين و الجراثيم كما وصى المصطفى عليه الصلاة والسلام .

11 - لا تجمعوا الأغراض أبداً تحت السرير أو فوق الدولاب بل رتبوها داخل أدراج مغلقه .

12 - لا تبخروا المنزل و النوافذ مغلقه بل افتحوها .

13 - لا تكثروا من المرايا في المنزل و إن و جدت مرايا فأفضل مكان لها عند المدخل .

14 - لا تجلسوا في مكان قد قام منه صاحبه لتوه .

15 - تنفسوا تنفس عميق عند إستيقاظكم من النوم و قبل النهوض انطقو البسمله و قولوا لا اله الا الله محمد رسول .

16 - اجعلو وقت النوم ثابت منتظم و ان يكون في الليل .

17 - لاتتركوا قراءة سورة الملك قبل النـوم
 فهنيئا لمن جعل قراءتها عادة له فإحرصوا عليها لأنها تنجي من عذآب القبر"آخبروا بها من تحبون و لأني أحبكم آخبرتكم بها .

18 - هل تعلِم ..

عند قرآءة آية الكرسي بعد كل صلآة بعد ان تكبر الله 33 و تحمد الله 33 مرة و تسبح الله 333 مرة لا يصبح بينك وبين الجنه ألا الموت . ( الحور العين )

أمردينى صحة عامة كل ما يخص الأسرة

بواسطة ADMIN فى قسم أمردينى, صحة عامة, كل ما يخص الأسرة

ازاي تتخلص من الطاقه السلبيه

معلومات مهمه جدااا لكي سيدتي

( الحور العين ) هتقولك معلومات مهمه جدا لحياتك

بصوا يا بنات الحور العين  انتي وهي  و خصوصاً اللي متجوزه جديد أو لسه هتتجوز تبص أوي  وتفهم لي هقولو خبرا سنين

هقولك علي شويه حاجات تنفعك غير الكريمات و البرفنات و المكياچ و الحاجات دي 

١- حافظي أوي علي صحتك و ماتجيش علي نفسك علشان محدش هينفعك ، ماما ربنا يديها الصحه والعافيه ياما قالتلي الجمله دي بس أنا مكنتش فهماها في الاول (( الصحه يا هبله )) واري الراجل ركبتك ومش توري لقمتك بس فهمت دلوقت معناها ايه 

٢- (( جوزك يحبك عفيه )) صح أوي الجمله دي ، أصله عايزك ديما العروسه الجديده اللي بتتنطط و رايحه جايه مابتقولش آه أبدا

٣- محدش أبدا هيشيلك لما تتعبي و لا يقعد بيكي ، لا أمك قادره و لا أخواتك فاضيين لك و لا جوزك طبعا هيعبرك فخدي بالك من صحتك أوي هي اللي هتنفعك

٤- لو فاكره انك لما تتعبي جوزك هيقعد جنبك يبوس في إيدك و يعيط علشانك و كل يوم يجيب لك ورد و هو راجع من الشغل تبقي بتحلمي يا قطه ، لو ربنا كرمك هيوديكي لدكتور و هو بينفخ و مش طايق نفسه علشان حاسس انك بدأتي أهو في مشاوير الدكاتره و العيا و هتقرفيه

٥- شغل هيركليز ده بلاش منه و اشتغلي في بيتك علي ادك و اللي مايخلصش النهارده يخلص بكره و لا ان شالله عنه ما خلص

٦- ديما اهتمي بأكلك الصحي و اشربي ميه و سوايل كتير و حاولي تنامي بدري علي قد ما تقدري علشان بشرتك و عيونك و نضارتك

٧- ماتهريش و تنكتي علي كل حاجه منه و من أهله ، اهدي علي نفسك كده و فكري قبل ماتتصرفي و كيديهم بهدوءك و ابتسامتك

٨- وما تستنيش المحروس يجيبلك هديه و تفتكري انه واخد باله من كل المناسبات و الحاجات اللي نفسك فيها و هيجيبهالك ،، دلعي نفسك و هاتي اللي نفسك فيه و لو هو كمان جاب لا قدر الله و ماله زيادة الخير خيرين

٩- ماتكتميش في نفسك علشان ترضيه و خلاص ، لو ليكي حق خديه لانك كده أو كده مش هتستحملي طول عمرك و هيجيلك وقت و تنفجري بس هيكون الوقت المناسب فات و اللي ركب يا حبيبتي مابينزلش

١٠- أخيراً اوعي تفرحي حد فيكي و اشتكي بس للي خلقك و اطلبي منه يقويكي و يحميكي و خليهم كلهم يشوفوكي قويه و ضهرك مفرود و راسك مرفوعه فماحدش هيعرفك يكسرك و لا يمسك عليكي ذله و لا نقطه ضعف ( الحور العين )

المرأة رشاقه صحة عامة صحتك تهمنا

بواسطة ADMIN فى قسم المرأة, رشاقه, صحة عامة, صحتك تهمنا

معلومات مهمه جدااا لكي سيدتي

برنامج الاهتمام بالمنطقه الحساسه

( الحور العين ) هتقولك برنامج الاهتمااااام اليومى فى البيت بالمنطقه الحساسه 

بصى ياستى اول حاجة الغسول بتاع المنطقة دى يكون ايه انا مش حقولك هاتى سيتال او كير فرى او اى غسول تانى عشان غاليين وفى ناس مش مقتدرة 

 بصى فى غسولات حلوة ورخيصة فى نفس الوقت ززززززى دول كدة _بيتادين ((وده بفضله وقت البريود)) اكتررر

_رايت

_مالفا بكتات او غسول

او الاختراااااع الاكتر من رائع ده

 _الغسول المطهر ده اللى من افتكاساتى عبارة عن (مرة+بابونج) وكله من عند العطار الطريقة (تنقعى المرة فى برطمان عليها مية مغلية وتسبيها 4 ايام وترجها كل شوية وبعد كدة تصفيها وتاخدى ميتها ونفس النظام للالبابونج وتضيفهم فى مية دافية وتتشطفى بيهم عادى وتحطيهم فى برطمان زجاج فى التلاجة علشان ميفسدش

وجربووووووووه وحتدعوولى يابنااااااات
والتشطيف يكون مرتين او 3 مرات فى اليوم

بعد ماتخلصى تشطييف عادى تنشفى كويس اووووووى
وترطبى اما بزيت جونسون او اى كريم تحبيه
 او من اللى زكرتهم فوق

ومننساااااش الاندر يكون قطن فقط ومريح مش ضيق

ومحدش يسالنى عن كريمات تقتتيح لان مافيش
حاجة اسمها كدة انتى لو عملتى الروتيين ده
بظبططططط يوميا واهتميتى بنفسك صححح
 وبطلنا كسسل المنطقة اضمنهالك سووبر لوووووووووكس هتلمع وبتفتتتح وبتنعم وبتبقى حاجة تانية خاالص يعنى روتيين نظافتك الشخصية هو عنوان جمالك وجمال المنطقة وهو سررر بياضها ونضارتها وعدم التهابها
ونعومتهااااا هو كل الاسرااار
مش تقوليلى كريم يفتح هو مش سحرر ده روتتين
بتمشى عليه ويوميا بتبان النتيجة
وعلشان برده اريحكم ممكن تستعملى
 (زيت الورد) مرتين يوميا بيفتح وجمييل +الروتيين بتاعنا عاااااااااااااادى

( الحور العين )

الحياة الزوجيه بشرتك تهمنا صحة عامة

بواسطة ADMIN فى قسم الحياة الزوجيه, بشرتك تهمنا, صحة عامة

برنامج الاهتمام بالمنطقه الحساسه

اعرفوا الفوائد العظيمه لعصير القصب

( الحور العين ) هتعرفك فوائد عصير القصب للجسم

في هذا المقال الحور العين هتعرفك فوائد عصير القصب للجسم التي  لا يعرفها احد وهي كما يلي :

• يخفض نسبة الكوليسترول.
• يحمي من أمراض القلب والأوعية الدموية وتصلب الشرايين، ويمنع النوبات والسكتة الدماغية.
• علاج ممتاز للأنيميا وفقر الدم لأنه غني بالحديد.
• يدخل في علاج أدوار البرد والأنفلونزا.
• يحافظ على سلامة وصحة الكبد والكلى.
• يحسن من كفاءة حرق الدهون في الجسم.
• يعالج أمراض إلتهابات العظام والمفاصل بفضل مضادات الأكسدة.
• يمنع هشاشة العظام ويقويها ويحافظ على صحة الأسنان والأظافر.
• يخلص الجسم من السموم عن طريق إدار البول، ويمنع مشاكل المثانة
• يحارب الجذور الحرة المسببة للسرطان ويقي منها خاصة سرطان الثدي والبروستاتا.
• يمنع الإمساك وينظم حركة الأمعاء والجهاز الهضمي.
• ينظم مستويات السكر في الدم.
• مضاد للإكتئاب ويحسن المزاج، ويساعد على الإسترخاء وهدوء الأعصاب.
• يحافظ على صحة الجلد فيؤخر ظهور علامات تقدم العمر والشيخوخة ويزيد من نضارة البشرة.
• يعزز الجهاز المناعي ضد العدوى بالفيروسات والأمراض.
• ينشط الجسم ويجعله مفعوم بالحماس والحيوية.
•  يزيد التركيز ويحافظ على خلايا المخ والذهن ويحمي من الزهايمر. ( الحور العين )

انوثه وجمال بشرتك تهمنا صحة عامة صحتك تهمنا

بواسطة ADMIN فى قسم انوثه وجمال, بشرتك تهمنا, صحة عامة, صحتك تهمنا

اعرفوا الفوائد العظيمه لعصير القصب

عادات مضره بمظهرك لازم توقفيهم فورا

( الحور العين ) هتعرفك 15 عادة بتعمليهم ممكن يضروا مظهرك وجمالك !

يوميا في خلال اهتمامنا بنفسنا وبمظهرنا في حاجات من اللي احنا متعودين نعملها كل يوم ممكن تضر مظهرنا دلوقتي او على المدى البعيد واحنا بنعملها دايما ومنعرفش انها ممكن تضرنا, والنهاردة هنقول لكل بنات حوا مجموعة عادات بتضر مظهرك وجمالك ممكن تكوني بتعمليها يوميا.

1- تسريحة ديل الحصان بشكل يومي:
مافيش شك ان تسريحة ديل الحصان من التسريحات السهلة والعملية اللي بتدي لوك حلو ومفضلة عن كتير من البنات, لكن بالرغم من ده الافضل انها متبقاش تسريحتك الدايمة بشكل يومي لان سحب الشعر وشده من الجذور باستمرار ده بيأدي على المدى الطويل لتراجع الشعر وبيسبب الصلع في المستقبل, الافضل انك تغيري التسريحة وتدي شعرك حريته شوية وتعملي تسريحات مرنة مش بتحتاج شد للشعر بشكل قوي يأثر عليه.

2- بتشربي لبن كتير:
اكيد اللبن من الحاجات المفيدة لصحتنا ولكن شربة كتير زيادة عن اللزوم ممكن يأثر علينا بشكل سلبي لان اللبن بيحتوي على الاندروجينات اللي بتثير او بتنشط وظايف الغدة الدهنية وبتكون النتيجة زيادة افراز الدهون في البشرة اللي بتسد المسام وبتسبب ظهور البثور والحبوب وبتخلي البشرة شكلها باهت وتعبان.


3- بتحطي واقي الشمس على وشك بس:
واقي الشمس اكيد من الحاجات المهمة اللي لازم نستخدمها طول السنة عشان نحمي بشرتنا, لكن دايما لما بنحط الواقي بنحطه على الوش بس وبننسى الايد, والايد بتبقى حساسة اكتر للشيخوخة وبتتأثر بسرعة وده اللي بيخلي شكلها يعجز وتظهر فيها عروق بشكل واضح, عشان كده متنسيش تحطي الكريم الواقي على ايدك وخصوصا لو بتسوقي وايدك دايما متركز عليها الشمس, وكمان على الرقبة والصدر لو معرضين للشمس.

4- بتقعدي حاطة رجل على رجل:
لو بتقعدي دايما حاطة رجل على رجل يبقى لازم تغيري القعدة دي لانها واحدة من الاسباب الاساسية لدوالي الساقين لانها بتضغط على الاوعية الدموية وبتسبب اضطرابات الدورة الدموية, كمان بتسبب تراكم الدم في منطقة الحوض اللي بتكون مضره جدا للبنات والستات ومضرة جدا جدا للحوامل بشكل خاص, عشان كده حاولي على قد ما تقدري تتجنبي القعدة دي.

5- بتسرحي شعرك وهو مبلول:
اتجنبي انك تسرحي شعرك وهو مبلول خصوصا بفرشة او مشط ضيق لان ده بيسبب تقصف وتلف وانقسام الشعر, عشان كده الافضل انك تنشفيه كويس الاول بالفوطة او بالسيشوار على حرارة منخفضة وبعد كده تبدأي تسرحيه.

6- تنضيف الحواجب قبل وضع المكياج:
لو هتنضفي حواجبك بالملقاط اعملي ده من بالليل بعد غسل وشك لكن اتجنبي انك تنضفيهم قبل وضع المكياج على طول لان ساعتها المسام هتبقى متفتحة وممكن تدخل فيها بكتيريا تتسبب في تهيج البشرة حوالين الحواجب وظهور الحبوب والبثور.

7- استخدام السيشوار على اعلى درجة حرارة:
تعرض الشعر لدرجة حرارة عالية اوي سواء بالسيشوار او بالمكوى بيضر الشعر جدا لانه بيعمل فقاعات صغيرة جوه جذع الشعرة والفقاعات دي بتخلي الشعر جاف وسهل التكسر, وعشان تتجنبي ده خلي دايما درجة الحرارة متوسطة وخلي السيشوار بعيد عن الشعر بمسافة 15 سم.

8- فرك العين:
من العادات السيئة جدا هي فرك العين لانها ممكن تسبب ضرر للرموش وهتخليها ضعيفة وتقع بسهولة, وكمان ممكن تسبب ضرر للبشرة تحت العين وتخليها حمرا وشكلها مجهد, استبدلي عادة فرك العين بطريقة “20-20-20” وهي انك تبصي لبعيد لمدة 20 ثانية كل عشرين دقيقة الطريقة دي بتريح العين جدا من غير ما تسبب لها اي ضرر.

9- تشيلي في قلبك كره لحد:
اثبتت الدراسات ان في علاقة بين التسامح والصحة البدنية, لان شعور الكره او الضغينة ناحية حد ده بيسبب شيخوخة مبكرة ويخليكي تظهري اكبر من عمرك لان هرمون التوتر “الكورتيزول” بيتراكم في الجسم وبيسبب ارتفاع ضغط الدم ومستويات السكر في الدم وبيزود خطر الاصابة بمرض السكر, وكمان ممكن يسبب زيادة في الوزن, عشان كده حاولي تبقي دايما متسامحة.

10- لمس الوش:
لمس الوش بشكل مستمر او طول ما انتي قعدة بتحطي ايدك على خدك او تفركي دقنك او انفك, ده مضر جدا للبشرة لانه بيسبب خطوط وتجاعيد مبكرة في البشرة, وكمان ممكن يسبب حب الشباب لان اي بكتيريا او جراثيم على الايد هتتنقل لوشك لما تلمسيه, حاولي انك تتجنبي العادة دي وكل ما تلاقي نفسك هتلمسي وشك افتكري انك هتضريه ومع الوقت هتتعودي انك متلمسيهوش.

11- بتستخدمي بودرة كتير:

البودرة الكتير على البشرة بتضرها جدا وبتسبب انسداد المسام, فلو انتي بشرتك دهنية ومحتاجة انك تطفي لمعان البشرة باستمرار خلال اليوم بدل استخدام البودرة اكتر من مرة استخدمي الBlotting paper الخاص بامتصاص الدهون من البشرة او ورق الزبدة.

12- بتشيلي حاجات كتير في شنطة ايدك:

طبعا بنات كتير شنطة الايد بالنسبة لهم بتبقى دولاب متنقل :Dبيحطوا فيها كل حاجة وخصوصا لو هتقضي يومك كله بره, وتقل الشنطة ده بيأثر بشكل سلبي على الكتف, عشان كده متنسيش دايما تبدلي مكان الشنطة من ايد لايد او من كتف للكتف التاني عشان ميبقاش التركيز على جنب واحد بس ويتعبك

13- استخدام كريم البشرة بكمية كبيرة:

اكيد الاهتمام بالبشرة بالكريمات المناسبة حاجة مهمة جدا لكن كمان الحاجة اللي بتزيد عن حدها بتضر البشرة, عشان كده لما تيجي تستخدمي اي كريم مغذي للبشرة حطي منه طبقة رقيقة بس لان الطبقة السميكة هتبقى عاملة زي القناع على البشرة وهتخليها متعرفش تتنفس وهتضرها وبالتالي ده ممكن يسبب تورم البشرة وهالات سودا تحت العين وبخلي لون الوش مش صحي, ولو حسيتي انك حاطة طبقة سميكة ممكن تشيلي الزيادة بمنديل ورق.

14- ممارسة الجري كتير زيادة عن اللزوم:

اكيد الجري من الرياضات المفيدة الصبح, لكن كمان لما تكون زيادة عن اللزوم ممكن تضر وتسرع شيخوخة الجلد, عشان كده الافضل انك الصبح تمارسي جري خفيف هيكون افيد.

15- شرب العصير كتير:

اكيد عصير الفاكهة والخضروات الطازة غني جدا بالمواد المضادة للاكسدة اللي بتحارب الجذور الحرة, لكن مع ذلك العصاير بتحتوي على كمية كبيرة من الفركتوز او جزيئات السكر اللي بتمر في مجرى الدم لجميع خلايا الجسم وبتتحد مع الدهون والبروتينات ولما السكر بيتحد مع الكولاجين في الدم بيسبب تجاعيد البشرة, عشان كده الافضل انك تستبدلي العصاير اللي فيها سكريات بعصير الكرنب او العصير الاخضر اللي من الخضروات الخضرا بشكل عام لانها بتحتوي على كمية كبيرة من مضادات الاكسدة والزنك اللي بتمنع التجاعيد. ( الحور العين )

المرأة أناقة جمالك بشرتك تهمنا جمالك صحة عامة صحتك تهمنا

بواسطة ADMIN فى قسم المرأة, أناقة جمالك, بشرتك تهمنا, جمالك, صحة عامة, صحتك تهمنا

عادات مضره بمظهرك لازم توقفيهم فورا

ازاي تختاري تونر البشره

( الحور العين ) هتعرفك افضل انواع تونر البشرة .. وازاي تختاري اللي يناسبنك بالماركات والأسعار

كتير مننا بيسمع عن التونر لكن منعرفش ايه فايدته بالظبط للبشرة ولا ازاي نستخدمه, التونر هو بيكون عبارة عن سائل خفيف شفاف بيساعد على اعادة توازن البشرة وبينعمها, وهو مشب بديل للغسول لكن بيتحط على البشرة بعد غسلها بالغسول المناسب, واحنا من خلال مقالنا النهاردة هنقولكم ايه هي فوايد التونر للبشرة, وازاي تختاري اللي يناسبك حسب نوع بشرتك,وافضل انواع التونر من الماركات المختلفة.

– تعالوا نتعرف مع بعض على فوايد التونر للبشرة:

1- بيساعد على تنضيف البشرة من الاتربة وبقايا المكياج, وبيقفل المسام الواسعة وده بالتالي بيقلل افراز الدهون الزيادة في البشرة وبيقلل ظهور الحبوب والبثور.

2- مغذي ومجدد لخلايا البشرة, وبينشط الدورة الدموية, وبيقلل من الجذور الحرة اللي بتسبب التجاعيد وتلف البشرة لانه بيحتوي على فيتامينات A,B,H.

3- بيساعد على تعديل حموضة البشرة وبيحافظ على توازنها وبالتالي بيخليها صحية, وبيحافظ على خلايا البشرة من التلف اللي ممكن يحصلها بسبب استخدام الصابون العادي او عدم العناية بيها بشكل صحيح.

4- بيساعد على تقشير البشرة وازالة الجلد الميت.

5- بيساعد على انعاش البشرة من حرارة الجو وشدها.

– ازاي تختاري التونر المناسب لنوع بشرتك:

– للبشرة الدهنية :
 اختاري انواع التونر اللي بتحتوي في مكوناتها على الالفا هيدروكسين, وحمض الساليسيليك.

– للبشرة المختلطة والعادية : 
انواع البشرة المختلطة والعادية تقريبا بيمشي معاهم كل انواع التونر, اختيار النوع بيكون حسب حرارة الجو يعني لو الجو حر اختاري انواع تونر منعشة للبشرة, ولو الجو برد اختاري انواع التونر المرطبة للبشرة عشان نحافظ عليها من الجفاف.

– للبشرة الجافة والحساسة : 
ابعدي عن انواع التونر اللي بتحتوي على كحول لانها ممكن تسبب جفاف البشرة, واختاري الانواع اللي بتحتوي على مواد مرطبة زي خلاصة البندق البري.

ولكل انواع البشرة هنحطه عليها بعد ما نغسلها كويس بالغسول المناسب للبشرة, هنجيب قطنة ونحط التونر ونمسح بيه البشرة ونسيبه لحد ما تمتصه.

– نصايح عند استخدام التونر:

– اتجنبي على قد ما تقدري انواع التونر اللي بتحتوي في مكوناتها على الكحول, يعني قبل ما تشتري اقري المكونات كويس لان المكونات دي هي اللي هتساعدك تختاري النوع المناسب لبشرتك.

– احتفظي بالتونر في التلاجة لان ده هيساعد ان يحافظ على الخواص اللي فيه اللي بتساعد على انعاش وشد البشرة.

– لو حاسة ان بشرتك شكلها شاحب وباهتة اختاري الانواع اللي بتحتوي في مكوناتها على كافيين لانها بتساعد على انعاش البشرة وبتخليها نضرة وشكلها صحي.

– لو بشرتك دهنية ومعرضة لحب الشباب استخدمي الانواع اللي بتحتوي على حمض الساليسيليك لانه بيساعد على حماية البشرة من حب الشباب.

– افضل انواع التونر:

1- تونر نيتروجينا Neutrogena Deep Clean Blackhead Cooling Toner:

بيساعد على التقليل من حجم المسام الواسعة, ومهديء للبشرة, وبيقلل من الرؤوس السودا في البشرة, ويعتبر مناسب كمان للبشرة الحساسة, لكن النوع ده مش خالي من الكحول بشكل كامل فيه نسبة من الكحول.

2- تونر نيتروجينا Neutrogena Alcohol Free Toner:

مناسب جدا للبشرة الجافة بشكل خاص والبشرة الحساسة, بينضف البشرة, وبيمنع ظهور الرؤوس السودا, وبيحمي البشرة من حب الشباب والبثور, خالي من الكحول.

3- تونر بودي شوب The Body Shop Vitamin E Hydrating Toner:

مناسب للبشرة الجافة, بيساعد على ترطيب وتغذية البشرة لانه بيحتوي على فيتامين E , خالي من الكحول.

4- تونر نيفيا Nivea Visage Oil Regulating Toner:

مناسب للبشرة الدهنية, بيساعد على قبض المسام, وبيحتوي على مواد مرطبة ومغذية للبشرة, بيساعد على التخلص من الدهون الزيادة واثار المكياج, وبيساعد على تنقية البشرة وتنعيمها.

5- تونر نيتروجينا Neutrogena Pore Refining Toner:

مناسب للبشرة الدهنية, بيساعد على تقليل المسام الواسعة, كمان بيحتوي على مواد مرطبة ومغذية للبشرة, وبيساعد على تنقية البشرة وتنعيمها, بيساعد على التخلص من الدهون الزيادة واثار المكياج.

6- تونر بيوديرما Bioderma Laboratoire Dermatologique Sebium H2O:

مناسب للبشرة الدهنية, بيقلل المسام والزيوت الزيادة في البشرة, بيحمي البشرة من حب الشباب.

7- تونر كلين اند كلير Clean And Clear Deep Cleaning Astringent:

مناسب للبشرة المختلطة والحساسة, بينقي وبيصفي البشرة, وبيساعد على ترطيبها.

8- تونر كلين اند كلير Essential Deep Cleaning Astringent:

مناسب للبشرة الدهنية, بيقلل المسام, وبيحمي البشرة من البثور وحب الشباب.

9- تونر ايفون Avon Clearskin Blackhead Elimination Daily Astringent:

مناسب للبشرة الدهنية, قابض لمسام البشرة وبيقلل من الزيوت على البشرة, بيزيل اي اثار اوساخ او مكياج, بيحمي البشرة من الحبوب والبثور, بيساعد على تنقيتها وترطيبها, بيقلل من الرؤوس السودا.

10- تونر اوريفليم Oriflame Love Nature Tea Tree Face Toner:

مناسب للبشرة الدهنية, بيقلل من مسام البشرة, بيقلل زيوت البشرة, بيحمي البشرة من البثور وحب الشباب.

11- تونر اوريفليم Oriflame Pure Skin Blackhead Toner Deep Action:

مناسب للبشرة الدهنية, بيقلل من المسام الواسعة, بينقي البشرة, بيقلل الرؤوس السودا.

12- تونر اوريفليم Oriflame Optimals White Purifying Toner :

مناسب للبشرة الدهنية, بيقلل المسام والزيوت الزيادة على البشرة.

13- تونر لوريال L’Oreal White Perfect Toner:

مناسب تقريبا لكل انواع البشرة, بيقلل المسام الواسعة, بيساعد على تفتيح البشرة لانه بينظم انتاج الميلانين وبيحتوي على فيتامين C, وبينقي البشرة من البقع, بيساعد على تقشير البشرة وتنعيمها.

14- تونر اولاي Olay Gentle Cleansres Refreshing Toner:

مناسب لكل انواع البشرة, مرطب للبشرة لانه بيحتوي على الخياروالصبار, بينضف البشرة من الاوساخ واثار المكياج.

( الحور العين )

المرأة انوثه وجمال بشرتك تهمنا صحة عامة

بواسطة ADMIN فى قسم المرأة, انوثه وجمال, بشرتك تهمنا, صحة عامة

ازاي تختاري تونر البشره

تعالي اعرفي ايه هيه المشروبات الصحيه للفطار

( الحور العين ) هتعرفك المشروبات الصحيه للفطار :

اكيد مافيش خلاف ان الفطار هو اهم وجبة في اليوم لانه هي الوجبة اللي بتدينا طاقة لباقي اليوم, لكن مش وجبة الفطار بس هي المهمة كمان اختيار المشروب هو بنفس اهمية اللي هتاكلية, لان الجسم بيحتاج لترطيب بعد فترة النوم والمشروب كمان هيهيء الجسم للاكل, والنهاردة هنقولكم على قايمة فيها مجموعة مشروبات صحية للفطار الافضل انك تبدأي بيها يومك.

1- المية:

المية من اكتر الحاجات الصحية اللي هيكون مفضل تبدأي بيها يومك, اولا المية خالية تماما من السعرات الحرارية وبتلعب دور مهم في تقليل آلام العضلات والمفاصل, كمان بيعزز الايض او عملية التمثيل الغذائي في الجسم وممكن تخليها فعالة اكتر لو ضيفتي لها شرايح ليمون طازة.

2- عصير الفاكهة:

عصير الفاكهة من الحاجات المفيدة جدا اللي ممكن تبدأي بيها يومك لانه غني جدا بالفيتامينات المهمة لصحة الجسم, ولو عايزة سعرات حرارية اكتر تبدأي بيها يومك ممكن تضيفي لعصير الفاكهة اللي هتختاريه بذور الكتان, او الزبادي قليلة الدسم, وده هيديكي تقريبا 185 سعر حراري, و8 جرام الياف, و5 جرام دهون غير مشبعة, و6 جرام بروتين, و17% من الكالسيوم اللي بيحتاجه الجسم بشكل يومي.

3- النعناع:

مشروب النعناع او شاي النعناع من المشروبات المفيدة جدا اللي ممكن تبدأي بيها يومك لتخفيف التقلصات وعسر الهضم, وكمان مضاد للتشنج, وبيساعد الجسم يكون اقوى وبيتحمل اكتر لو بتمارسي تمارين رياضية, والميزة انه خالي من السعرات الحرارية وبيعزز حركة الطعام وده بالتالي بيحسن عملية الهضم.

4- عصير البرتقان:

عصير البرتقان غني جدا بفيتامين سي ومضادات الاكسدة, وكوباية من عصير البرتقان على الفطار ممكن تحمي الجسم من السرطان, وتحسين النظر, وفيتامين سي بيمنع الضرر التأكسدي اللي ممكن يسبب السرطان, وبيحسن من وظيفة الخلايا المناعية, وبيخليكي جسمك عنده مناعة اقوى للامراض او اي عدوى, كمان يعتبر مصدر لحمض الفوليك, وكوباية عصير البرتقان بتحتوي تقريبا على 115 سعر حراري بس.

5- مشروب الفلفل الاحمر:

المشروب ده بشكل خاص للي بيحبوا التوابل والحاجات الحراقة, لو عايزة تخسي وتخسري وزن بشكل اسرع ضيفي شوية من الفلفل الاحمر “الشطة” لاي مشروب انتي بتشربيه على الفطار يعني ممكن تضيفي لاي عصير, ده بيعزز الايض اللي هي عملية التمثيل الغذائي اللي بتساعد على فقدان الوزن, وكمان بيطهر القولون وده بيساعد في تنظيم وزن الجسم.

6- عصير الطماطم:

عصير الطماطم كمان واحد من المشروبات الصحية اللي ممكن تشربيها على الفطار, كوباية واحدة من عصير الطماطم غنية جدا بعنصر الليكوبين, والمواد المضادة للاكسدة اللي بدورها بتقلل من خطر الاصابة بمرض السرطان, كمان بتحمي القلب والرئتين من التلف التأكسدي, وهتبقى مفيدة جدا للي حابين يخسروا وزن لان كوباية عصير الطماطم بتحتوي على 31 سعر حراري بس.

7- لبن قليل الدسم:

كوباية من اللبن بتحتوي على 120 سعر حراري لكن كمان بتمد الجسم بالدهون اللازمة والبروتين والكربوهيدرات اللي بيحتاجها جسمك عشان يفضل في صحة كويسة, وكوباية واحدة من اللبن الصبح كافية انها تقلل رغبتك في الاكل او تسيطر على شهيتك لانه غني بالكربوهيدرات والبروتين اللي الجسم بيمتصها ببطء وبالتالي معدتك بتفضل مليانة لفترة طويلة, وطبعا اللبن معروف انه من الحاجات المهمة جدا لصحة العضم لانه بيمد الجسم بالكالسيوم, ومفيد كمان انه بيحافظ على استقرار نسبة السكر في الدم.         ( الحور العين )

المرأة انوثه وجمال بشرتك تهمنا صحة عامة صحتك تهمنا كل ما يخص الأسرة

بواسطة ADMIN فى قسم المرأة, انوثه وجمال, بشرتك تهمنا, صحة عامة, صحتك تهمنا, كل ما يخص الأسرة

تعالي اعرفي ايه هيه المشروبات الصحيه للفطار