ازاي تداري الهالات السوداء بالمكياج

 ( الحور العين ) هتقولك ازاي نداري الهالات السودا بالمكياج خطوة بخطوة

 

في بنات كتير بيعانوا من مشكلة الهالات السودا ولما بيحطوا المكياج بتكون باينة تحت عيونهم الهالات وبتضايقهم وده بسبب اننا مش بنعمل الطريقة الصح عشان نداري الهالات السودا عشان كده احنا النهاردة جيبنالكم طريقة اخفاء الهالات السودا بالمكياج خطوة بخطوة.

ياللا نعرف مع بعض بالخطوات ازاي نداري الهالات السودا بالمكياج ؟

1- الخطوة الاولى:

اول خطوة هي ترطيب البشرة تحت العين عشان الكريم المرطب هيخلي المكياج بتاعك يتفرد على البشرة كويس وميتكتلش ويثبت لفترة طويلة.

2- الخطوة التانية:

هنحط تحت منطقة العين البرايمروهو بيسهل فرد ودمج كريم الاساس على البشرة وبيحمي بشرتك يعني بيكون زي طبقة عازلة بين المكياج وبشرتك.

3- الخطوة التالتة:

الخطوة التالتة اللي هنعملها  الكونسيلروهي الخطوة دي مهمة جدا جدا لانه هي بيعتمد عليها نجاح المكياج واخفاء الهالات بشكل صح وناجح اختاري لون الكونسيلر اللي يمشي مع لون بشرتك واللون يكون اغمق من لون البشرة بدرجة او درجتين عن لون بشرتك, اتكلمنا قبل كده عن ألوان الكونسيلروموضح تحت صورة خريطة ألوان الكونسيلر وإن اللون المناسب عشان نخفي الهالات اللي لونها بيبقي اسود أو ازرق إننا نختار كونسيلر لونه روز او بينك أو خوخي برتقالي وتأكدي انه هيخفي الهالات لان في بنات كتير بيقعوا في غلطة بيختاروا لون كونسيلر فاتح وبيفتكروا ان كل ما كان اللون افتح كل ما دارى الهالات لكن ده غلط جدا لو انتي بشرتك بيضا او فاتحة انسب لون كونسيلر عشان الهالات هو الخوخي المتوسط, ولو بشرتك متوسطة او سمرا يبقى انسب لون كونسيلر هو الخوخي الغامق او اللون البرتقاني, ولما نيجي نحط الكونسيلر نحط طبقة خفيفة منكترش عشان ميتكتلش تحت العين ويعمل خطوط.

 4- الخطوة الرابعة:

بعد الكونسيلر هنيجي للخطوة الرابعة كريم الاساس وهي هنستخدم بردو لون كريم الاساس القريب من لون بشرتنا ونحط منه طبقة خفيفة وندمجة كويس مع الكونسيلر بالسفنجة.

5- الخطوة الخامسة:

اخر خطوة  البودره هنحطها هي اللمسة الاخيرة للمكياج بتاعنا عشان نثبت بيها المكياج.

6- الخطوة السادسة:

الخطوة دي اختيارية يعني ممكن تعمليها او لا وهي الهايلايت عشان تدي اضاءة تحت العين اختاري هايلايت يكون افتح من لون البشرة بدرجة واحدة وافضل نوع هايلايت هو القلم لانك بتقدري تتحكمي فيه اكتر وفي الكمية وانتي بتحطيها, وممكن تستخدمي قلم الهايلايت تعملي بيه اضاءة على منطقة فوق عضمة الخد حطي بس نقطتين وارسمي بيهم مثلث مقلوب في المنطقة اللي تحت العين لحد عضمة فوق الخد وادمجيه كويس على بشرتك ده هيزود الاضاءة تحت العين وهيخفي الهالات, وعشان تزودي الاضاءة اكتر كمان وتوسعي العين ممكن تحطي ايشادو لامع على الجزء الداخلي للجفن باللون العاجي او البيج هيضيء العين اوي وهيظهرها اوسع. ( الحور العين )