لما تشتاق للنبي صلي الله عليه وسلم نعمل ايه

( الحور العين ) بتقولك  لما يشتاق للنبي ﷺ يعمل إيه؟

أولاً لما تشتاق للنبي ﷺ تحمد ربنا إن الشوق اللي في قلبك صُرف إلى رسول الله ﷺ ،
وإن سيدنا مُحمّد ﷺ الذي انتقل إلى ربه من 14 قرن هو اللي مسيطر لغاية دلوقتي على قلبك، لإن الشوق هو درجة من الدرجات العالية جدًا من التعلُّق إني مش قادر خلاص أعيش من غيره، 
فإذا اشتقت قول الحمد لله،
 ثم إذا اشتقت إلى رسول الله عليه الصلاة والسلام ابعتله السلام، وهو قال السلام بيوصلني بالاسم، صلِّ عليه كتير، الصلاة على رسول الله ﷺ بتعمل صلة روحية من ذاقها عرفها، ومن ذاق عرف ومن عرف اغترف، 
الحاجة الثالثة لو اشتقت لسيدنا محمد ﷺ فكر فيه كتير، تخيله، تخيله قدامك، اقرأ عن شكله، اقرأ عن طريقة كلامه اللي بيسموها كتب الشمائل،
 وأشهرها الشمائل المُحمّدية للإمام الترمذي، اقرأ عنه بحيث أما تشتاق تعرف تتخيل شكله، كأنه قاعد معاك .. قوله إنت واحشني وأنا نفسي أكون يوم القيامة عند حُسن ظنك، نفسي لو عُرضت أعمالي عليك يتجبر بخاطرك إنك إنت بعد ما مشيت في ناس كتير متعلقة بيك .. 
ولو قدرت تروح تزوره وتسلم عليه عنده قبره الشريف اعمل كده .. والله أعلم! ( الحور العين )