تعملي ايه لما اولادك يتخانقوا مع بعض

( الحور العين ) هتقولك تعملى ايه لو لقيتى ولادك بيتخانقوا مع بعض:

كل البيوت اللى فيها اطفال بيتخانقوا مع بعض مش انتى البيت الوحيد المشكلة انك انتى اللى فعلا بتفقدى حكمتك لما بتفقدى اعصابك ..من ابسط الحلول هو انك تكسبى واحد فيهم وتمدحى فيه هتلاقى الباقى عايز يقلده عشان تشكرى فيهم زيه...

1/مش كل خلاف بينهم مطلوب منك انك تتدخلى لازم الاطفال يتخانقوا عادى ممكن تتدخلى فى حالة واحدة بس لو لقيتى فى اصابة جدية هتحصل لحد فيهم لكن مش كل خلاف بينهم مطلوب منك تسكتيهم ..

2/متحوليش تسيطرى على خلافاتهم بشكل مستمر لانهم فى دقيقة اول ما تسبيهم هيتفاعلوا المشاكل ويتخانقوا تانى مع بعض للإنتقام..

3/خدى بالك من خلافاتهم لان ممكن يكون واحد فيهم حاسس بنقص او غيرة من اخوه وده لازم تشتغلى معاه من صغره لزرع حب اخواته فى قلبه.. وبرضة بلاش تقولى للطفل اخوك التانى وهو صغير مكنش بتاع مشاكل زيك كده عشان متربيش عدوه بينهم ولان كل طفل لى شخصيته وظروفة المختلفة عن التانى ..

4/مش كل اللى بيعيط يبقى هو اللى مظلوم ساعات الصغير بيحتمى فى صغره .. بلاش تنحازى لحد ضد حد وعرفى الكبير انه لازم يستحمل الصغير والصغير لازم تقوليله انه يحترم الكبير..

5/لو صوتهم عالى دايما حاولى تحفظيهم قران القران بيهدى النفس وبيشرح الصدر ..

6/الولاد فى الخلافات بيفهمواا نفسهم بيعرفوا ايه مواطن القوة والضعف لو شفتى بعينك حد فيهم هو اللى ضرب اخوه لازم الام تزعقله وبعدين تلوم الطرف الثانى وليس العكس..

7/اسمعهم بعد ما يهدوا ايه سبب المشكلة مش عشان توصل للحقيقة لانك مش هتفهم منهم مين بالتحديد عمل ايه ؟ لكن عشان تجعل كل طفل يحكى ما فى صدره وده هيخفف العنف اللى جوهم ..

8/ لو لقيتى الاطفال بيتخانقوا على شئ معين والشى ده بتاع حد فيهم نعطيه لصحابه ونعرفهم انهم لازم يستأذنوا منه وهو لى حرية الاختيار اذا كان يوافق تاخدوا اللعبة او لاء..وبرضة نعرف صحاب اللعبه انه شئ حلو انه يشارك اخواته بالعاب بتاعته..
 - اما لو الحاجة دى بتاعتهم كلهم اخدها منهم واقولهم ان عشان بيتخانقوا عليها محدش هياخدها الا لو اتفقوا مع بعض مين اللى هيلعب بيها الاول ومين اللى هيلعب بيها بعد كده ...
او اطلبى منهم يدخلوا غرفتهم وميخرجوش الا لما يتفقوا مين يلعب بيها الاول ..

9/اعملى لطفلك جدول لتعديل سلوكه الجدول ده بيبقى عبارة عن خمس خانات بالطول الخانة الاولى مكتوب فيها اليوم والثانية التصرف الجيد والثالثة الثواب والربعة السلوك السئ والخامسة العقاب وكل ما يعمل شى كويس تضعى علامتين او ثلاثة صح فى خانة السلوك الجيد وقوليله لو وصلنا لعدد علامات معينة عشرة مثلا هجيبلك هدية معينة وعلى حسب التصرف الكويس الهدية بتبقى احسن .. وبرضة فى خانة السلوك السئ قوليه كل ما تعمل شئ سئ هضع علامة واحده بس وحسب عدد عقاب معين هتتعاقب وخليه يختار نوع العقاب..

وده شكل الجدول :

( الحور العين )