تعالو شوفو ممكن تعملوا ايه ببواقي زيت التحمير

( الحور العين ) هتقولك ممكن تعملي ايه ببواقي زيت التحمير :

اوعوا تكونوا بترموه 

 بنضف بيه البقع الغلسه قبل مااحطها في الغساله وبغسل بيه الحلل مش عايزة اقولكم زي السحر علي الدهون ده غير اللمعان 
ورقه وقلم وركزي ياشطورة منك ليها
المقادير :
لتر زيت مستخدم ومتصفي كويس
150جرام بوتاس(صودا كاوية) «من اي محل بيع منظفات »
اي زيت عطري
 نصف كوب مايه

الطريقه :

"مهم تعملي الصابون في مكان فيه تهويه ومفتوح علشان الدخان اللي هيطلع من تفاعل الصودا مع المايه "
*في علبة بلاستيك او طبق زجاج ننزل بالبوتاس وبعدين نحط فوقه المايه نقلب بالمعلقة الخشب
*بالمعلقه نقلب لحد ماتدوب وبعدين ننزل بالزيت ونقلب كويس لمدة 100دقايق دلوقتي تقدري تضيفي الزيت العطري
*نقلب لحد مانخس الخليط تقل بقا تقيل زي البشاميل
 *في قالب زجاج او قالب عادي افرش فيه اي بلاستيك او كيس بلاستيك اصب الخليط واحطه في مكان جيد التهويه
*انا كنت بحطه طول الليل في البلكونة والصبح ادخله او ماالشمس تبعد عن البلكونة ارجعه
*بعد يومين اقطع بالسكينة زي ماانا عايزة
*اخد بالظبط 10ايام علشان ينشف تماماً،عايزة اقولكم سحر علي اي بقعه تعتبروها مستحيلة حتي لو بقع قديمة واتغسلت كتير هتطلع، بديل اكتر من رائع للڤانيش وصن لايت ( الحور العين )