كيف تتعاملين مع الغيره عند الاطفال

 ( الحور العين )  هتوضحلك الغيرة عند طفلك كيفية التعامل معها ؟؟ 

ليه الأطفال بيغيروا من بعض او ليه يبقى ابنك كبير او فى سن مراهقة وبيغير من اخواته او حد من صحابه ؟؟

1/ من اباب الغيرة هو شعور الابن الكبير ان الصغير خد مكانه .. وممكن تقل الغيرة بينهم خارج المنزل لان بيبقى فى اشياء تشتت انتباهم لكن طول ما هما موجودين فى البيت الطفل الاكبر بيفتكر ذكريات ولحظات امتلاكه لكل شى فى البيت قبل وجود الاطفل الاصغر..

2/ التحيز للطفل المطيع من الطبيعى ان تميل للطفل بقلبك لكن مش من حقك انك تميل للطفل وتظهر ده تصرفاتك ويجب عدم مقارنة بينهم كل واحد مميز فى حاجة مختلفة عن التانى ..

3/ تحيز احد الاباء لابن معين لمعرفته ان الابن الاخر يحبه الطرف الثانى فلما يجى يعند احد الازواج يعنده مع بعض بالابناء ..

4/ ممكن يكون شاب وفى سن مراهقة وبيغير من اللى حوليه وده سببه المقارنة بينه وبين اخواته او صحابه وكمان انتقاده فى شكله او تعليمه دى حاجات كفيلة انه يغير من اللى حوليه..

(العلاج) 

1/ بلاش نواجه الامر بالضرب او التوبيخ لازم نراعى الاحتياجات النفسية للطفل ومن احتياجات الطفل هو الحب والقبول لازم تتقبل ابنك وتحبه طالما حسيت انه بيغير ..

2/  لازم نعرف ونهئ الطفل نفسيا لاستقبال مولود جديد او حتى عند الشعور بالغيرة نردد هذا الكلام امامه ( احنا اتينا به لاجلكلاننا وجدناك وحيدا وليس هناك من يلعب معك ) دايما اربطى السعادة بالنسبالة بوجود اخوه..

3/ عدم شراء لبس جديد للكبير بحجة ان الاصغر سياخد الملابس السابقة لاخوه هنا ممكن نشترى لبس باسعار متوسطة للجميع افضل ما نشترى لشخص وشخص لاء..

4/ حاول توجية المشاعر المكبوتة عند الاولاد بتشجيعهم على ممارسة الهوايات كالرسم والتلوين واللعب ..

5/ اشطب من قاموس كماتك وانت بتتعامل مع الطفل انتى انانى انت طماع انت بتحب نفسك لان الطفل بيتصرف بشكل تلقائى وعدم اهتمامك لى هو السبب فى غيرته ..

6/ بلاش تقول للكبير ده اخوك الصغير سيبه ياخد حاجتك اه هو الكبير بس برضة لسه عقله صغير ميفهمش حاجة عن التضحية او التنازل لازم تحافظ لكل واحد فيهم على حقه لو واحد بيلعب بلعبة اخوه لازم يستاذن اخوه عشان منوصلش للطفل انانى واخر غيران منه لازم يفهم ان فى حاجات بتاعته وحاجات مش بتاعته ..

7/ وزع الاهتمام بالتساوى المتوقع ان مشاعر الغيرة تدوم شوية لان دى صفات سن المهم انك متتصرفش تصرفات تزيد من غيرته وتتحول الغيرة لكره ..

8/  لما تكونوا رايحين زيارة عند حد خدى بالك هتلاقى الناس بتحب طفلك الاحلى فى الشكل او فى خفه الدم او الطفل اللى لسه مولود وبيهتموا بى اكتر حاولى تشاورى للناس بشكل غير مباشر انهم يسلموا عليه ويكلموه لانه بيلاحظ اختلاف المعاملة وبيغير ..

9/ اخيراااا علميه العطاء اشترى لى اشياء حسب سنه لو لسه صغير اشترى لى بونبونى واطلبى منه يوزعها على اللى حوليه وازرعى فيه حب الناس والعطاء والمشاركة .. ( الحور العين )