اعرفي معانا طرق تنظيف وتبييض الاظافر

( الحور العين ) هتقولك ازاي تعتني باظافرك :

أولا : نصائح عامة
1 – لازم تهتمى بتنظيف ظوافرك و انتى بتغسلى ايديكى لأنها محتاجة العناية زى البشرة تماما, و تقليل تعرضها للمواد الكميائية, زى المنظفات و الأصباغ و مزيلاتها.

2 – لما تيجى تستعملى طلاء الأظافر, متسبيهوش فترة طويلة على الأظفر, و سيبى أظافر يديك من غير طلاء عشان تديها التهوية اللى بتحتاجها بين وقت و تانى.

3 – لما تيجى تشيلى طلاء الأظافر, حاولي متسبيش أي أثر للطلاء, و بعد عملية إزالة الطلاء احرصي انك تغسلى يديك كويس بالماء و الصابون, عشان تتخلصى من أثر مزيل الأظافر, و اللى اصلا بيعتبر لوحده مادة كميائية ضارة بالأظافر.

4 – ترطيب ايديكى و استعمال الكريمات المرطبة و المغذية حاجة مهمة جدا , و تدليك المنطقة المحيط بالأظافر, لأنها المنطقة المهمة في الحفاظ على جمال وصحة الأظفر, و هى تعتبر أكثر المناطق تأثر بالطلاء الأظافر, و مزيلات الطلاء.

ثانيا وصفات تنظيف الأظافر
دى علاجاتٍ طبيعيّةٍ هتساعدك في تبييض أظافركِ في البيت، بمساعدة مكوّناتٍ من مطبخكِ مش غالية و لا مكلفة .

1. الليمون

مفيدٌ جداً لتبييض الأظافر وإزالة اللون الأصفر اللي بيظهر عليها، لأنه بيعمل كمبيّضٍ طبيعيٍ وبيزيل أيّ آثار تشوّه جمال الأظافر – نحضر ماء ورد بمقدار 3 ملاعق – ليمون بمقدار ملعقه عصير ليمون – جلسرين بمقدار 1 ملعقه و نخلطهم كويس جدا و نحطهم على الأظافر و هتحصلى على نتيجه فعاله.

2. معجون الاسنان

طريقةٌ تانية لتبييض الأظافر هي عن طريق فركها بمعجون الأسنان اللي بيخليها تلمع جدا لأنه بيكون زى السكرب.

3. بيكينج صودا

أحصلي على معجونٍ مبيّض عن طريق خلط ملعقةٍ واحدةٍ من عصير الليمون مع ملعقةٍ من الـ Baking soda "الكربوناتو". حطى نقطةً واحدةً من الخلطة دى في وسط أظافرك ودلّكيها على الأظافر وهتحصلى على بياض ناصع.

4 -الفرشاة

لتنظيف الأظافر من الداخل : أولا هتمسحى الأظافر بالأسيتون وتجيبى مقوى الأظافر وتدهنى به الأظافر و بعدين تبردى الأظافر ونحضرى طبق فيه ماء وصابون وتغمس أظافرك به و تحضرى فرشاة الأظافر وتخرجى الأتربه الموجوده بالأظافر و تفركيها بالفرشاة كويس و تتأكدى انها وصلت للمنطقة اللى تحت الاظافر. ( الحور العين )