تعالي اعرفي ازاي تخلي شعرك روعه .... في 3 شهور

( الحور العين ) هتقولك النهارده هنتكلم عن الشعر وازاى نخلى شبه الهنود واحسن

لكل بنات الحور العين هنبدا نظام هغير شعرك 180 درجه "

مين هتبدا معانا ومتكسلش شهرين ع اقل " بصي الاخر يا ستي انتي وهي باذن الله هديكي 12 خطوه تمشي عليهم من غيرووصفات وخلطات وزيوت وبيض و مايونيز طول فتره العلاج دى والله الخطوات وتجارب ناس كتير وجابت فعلا نتيجه خطيره

اعملي الخطوات دي كلها مع بعض وان شاء الله شعرك يتقل ويطول ويبقى زي الفل باذن الله المهم تستمري على الاقل تلات شهور .

اشمعنى تلات شهور؟ 

لان الشعرايه مش بتبتدي تتأثر باي حاجه قبل على الاقل تلات شهور علشان دوره تجديد الشعر ...

وبعدين مش فتره طويله على فكره ما شعرنا مبهدلينه ومطلعين عين اهله بقالنا سنين ..

وبعدين ياما جربنا خلطات وزيوت وعك كتير وبقالنا سنييييييييين طويله بنعك مخنوقة

يبقى نصبر على الاقل تلات شهور وياريت يبقى اكتر كمان ويبقى ده اسلوب تعاملنا مع شعرنا ..

الخطوات كالتالي (مهم تعمليها كلها مع بعض ولو مقدرتيش يبقى معظمهااااا )

الخطوه الاولى

اتأكدي ان مفيش عندك انيميا لو في عالجيها الاول لانه عمره ما هيتقل لو عملتي ايه وفي انيميا.. وكمان مهم اوي الحاله النفسيه تبقى كويسه لان التعب النفسي بيوقع الشعر بهبل وعن تجربه .. طبعا بيبقى غصب عننا .. لكن اهو نحاول .. وربنا يعينا

الخطوه التانيه

ارمي فرش الشعر اوعي تستخدميها خااااالص الفرش بكلام الدكاتره بتقطع الشعر وهي بتسرحه وبلاش الامشاط البلاستيك هاتي مشط خشب حلو كده سنانه واسعه واستعمليه وبلاش ابو ايد ده استعماله صعب هاتي المشط العادي واسنانه تكون معقوله لا واسعه اوي ولا ضيقه اوي .. وفي انواع بتبقى مقسومه نصين نص واسع ونص ضيق هاتي ده لو عاوزه

هتقولي بيقطعلي شعري يبقى نوعه وحش خشبه خشن هاتي نوع الخشب بتاعه ناعم بيبقى كأنه مطلي كده علشان ميمسكش الشعر ويقطعه هتقولي مش بعرف استعمله هقولك اتعودي .. بجد والله يابنات بيفرق

الخطوه التالته

هاتي من الصيدليه حاجه اسمها لوسيون الو بانثين

ده لوسيون للشعر ترجيه كويس وبعدين تبلي صوابعك منه كل يوم قبل النوم وتدلكي فروه راسك ولو عندك بخاخه تحطيه فيها يبقى افضل اهم حاجه ترجيه كويس قبل الاستخدام وترشيه في فروه راسك وتدلكي بالراحه الله يكرمك دلكي كويس خمس دقايق كده كل ليله قبل النوم وبعدين سرحي شعرك وشوفي اذا كنتي بتلفيه او بتعملي فيه ايه اهم حاجه ميكونش مشدود وبلاش تغطيه بحاجه خليه متهوي عادي
هو من اي صيدليه سعره حوالي 9 جنيه وبيكفي كتييييير بتاع اربع خمس شهور يعني متستنيش نتيجه قبل ما تخلصي العبوه كلها

الخطوه الرابعه

لو بتخرجي ومغطيه شعرك كتير لاااازم تحطي تحت الطرحه بندانه قطن لااااااااازم بقولك اهو هاجي افتش وراكي.. وبلاش الله يكرمك السبعين الف طرحه دول الصيف جاي وشعرنا حرااااام اللي بنعمله فيه .. طرحتين كفايه اوي بلاش ابوس ايديكو عمة سندباد اللي بشوفها دي

الخطوه الخامسه

اول ما تروحي البيت فكي شعرك وسيبيه يتنفس بلاش تربطيه او تعمليه كحكه والحاجات الغريبه اللي بنعملها احنا المصريين في شعرنا دي والله حقه يقع ويسيبنا ويطفش فكيه وهويه ولو بتدايقي منه وهو مفكوك اعمليه ضفيره مهويه كده بلاش تشديه المهم يبقى مفكوك ومتهوي على اد ما تقدري

الخطوه السادسه

وانتي خارجه تحت الطرحه او وانتي في البيت كل يوم افرقي شعرك من ادام فرق مختلف يعني يوم هاتيه من قدام على جنب ويوم الناحيه التانيه يوم على ورا يوم على ادام كده يعني علشان لما بنعمله على طريقه واحده كل يوم الشعر بيتنحل ويبقى خشن اوي نتيجه احتكاكه بالطرحه او بالمخده او او ..
 والدليل على كده ان شعرك من تحت من عند رقبتك لو قلبتيه هتلقيه ناعم اوي انعم من ادام .. لو لقيتي الحركه دي اعرفي انك بهدلتي شعرك من ادام اوي ..

الخطوه السابعه

ودي مهمه اووووووي لما تيجي تغسلي شعرك متحطيش الشامبو على شعرك مباشره

لا خودي معاكي كوبايه فاضيه او ازازه شامبو فاضيه اي حاجه وحطي فيها شويه شامبو وخففيه بالميه ورجيه كويس لحد ما يعمل رغوه وبعدين بلي شعرك كويس اوي
 وحطي عليه الشامبو المخفف ده والله يا بنات دي نصيحه دكتور اجنبي وطبقتها هتفرق معاكى كتييييييير حتى لو عامله حمام زيت الشعر بيرغي من اول مره ومش بحتاج اغسله تاني غير طبعا انه بيوفر في الشامبو

الخطوه الثامنه

نوقف السشوار والمكواه والفرد والصبغه والحنه والمايونيز والزيوت والبيض والجرجير والخلطات والعك والحاجات دي كلها وقفيها بس فتره العلاج دي

الخطوه التاسعه

هاتي فيتامينات اسمها فيتازنك العلبه بخمسه جنيه فيها تلاتين حبايه خدي واحده كل يوم بعد الغدا يعني كورس شهر وبعدين وقفي شهر وهكذا (اختياريه الخطوه دي بس بتفرق .. يعني لو واحده بتاخد فيتامينات معينه او الدكتور كاتبلها حاجه معينه يبقى تستمر عليها)

الخطوه العاشره

ودي مهمه اوي بردوانك يوميا تاخدي معلقة زيت زيتون على الاكل بتاعك حطيه بقى على سلطه ابلعيه كده انتي حره المهم انه يتاخد على البارد يعني ميتسخنش ولا يتحط مع اكل سخن ممكن تقولي طيب ما احطه على شعري علطول هقولك علميا فوايد اي حاجه لما بتحط على الشعر او البشره بتوصلنا منها فقط 111% من فايدتها لما بتتاكل

 طيب ما ابلعها احسن .. وكمان اخذ ملعقة زيت زيتون ع البارد يوميا يحسن الشعر جدااااااا ويعطيه ليونه ولمعه طبيعيه

وكمان لو قدرتي تاخدي فص ثوم متقطع قطع صغيره وتبلعيه زي حبوب الدوا كده يبقى ممتاااااز
لو بتحبي الثوم متقطع على السلطه يبقى بردو كويس المهم انه بردو ميطبخش ولا يتقطع قبل اكله بفتره طويله

ايه فايده الثوم
 بيتقل الشعر بدل ما تحطيه على فروه الراس ويعمل ريحه وحشه ويعمل التهاب في فروه الراس ومش بنستفيد منه الا 11 % يبقى ابلعيه احسن
 طبعا غير انه مضاد حيوي قوي جدا ومفيد لازاله حبوب الوجه .. وليه فوايد بالهبل مش وقتها دلوقتي تقدري تعملي عنها سيرش وهتزبهلي لما تقريها ...
 المهم حاولي ومتقلقيش مش هتحسي بطعمه ولا هيبقاله اي ريحه لو قطعتيه واخدتيه بشويه ميه كأنه دوا

الخطوه الحاديه عشره

ودي بقى اهم اهم اهم خطوه اشربي ميه بالهبل ميه كتيييييييير جدا وحده سألت مره دكتوره علا حسام اللي بتطلع مع امينه شلبايه عن علاج لتقصيف الشعر قالتلي بنات كتير بييجوا يكشفوا علشان تقصيف وهيشان الشعر وتساقطه ولولا انهم هيقولوا عليا نصابه ومكتبتش على دوا .. كنت قلتلها علاجك بس تشربي ميه .. مش اقل من لترين ميه في اليوم ..!!

 ليه بقى .. الشعرايه زي الزرع .. لما مبتشربش ميه من جذورها بتنشف والبصيله تموت وتقع .. والاطراف تتقصف وتهيييييييش .. يبقى نشرب ميه كتيييييير سهله وحلوه اهي .

الخطوه الثانيه عشر:

مهم جدا ترطبي شعرك بحمام كريم بعد كل مره تغسليه .. بلاش بلسم خليكي في حمامات الكريم احسن الف مره.. ممكن تستخدمى كريم فاتيكا بالنسبه للمنتج للشعر وحلوه جدا عن تجربه

( الحور العين )

انوثه وجمال جمالك صحة عامة

بواسطة ADMIN فى قسم انوثه وجمال, جمالك, صحة عامة

تعالي اعرفي ازاي تخلي شعرك روعه .... في 3 شهور

اطفالنا خط احمر

( الحور العين ) بتقولك اطفالنا خط احمر

لكل بنات الحور العين يجب مراعاه بعض النقاط وتعليمهم لاطفالنا عند التعامل مع اي شخص غريب:

1/ خلع ملابسه أمام أحد
2/ ترك باب الحمام مفتوح
3/ عدم الاستحمام مع أحد
4/ عدم النوم فى فراش واحد مع أحد
5/ عدم الجلوس على رجل أحد أو الوقوف بين قدميه
6/ التقبيل من الفم
7/ عدم زغزغة الطفل وتدليكه فى أماكن العوره خاصة عند وضع زيت الأطفال أو البيبى لوشن عند الغيار
8/ عدم منح الثقه المطلقه للمحارم وأطفال العائله والأصدقاء...
دائما راقبوا الطفل ولا تثقوا بأخ ولا خال ولا عم ولا دون ذلك ولا أعلى
9/ عدم منح أحد فرصة الاختلاء بالطفل فترات طويله ومتكرره بحجة أخذ الطفل بلفة في السيارة أو لشراء حلوة من البقال ولعدم الاحراج اذهبوا معهم بحجة تغير الجو
 كونوا مع أطفالكم دائما فنحن في زمن منفتح على كل شيء قل فيه الخوف من الله وقست القلوب وشاعت الفاحشة

10/ عدم ترك الأطفال بمفردهم فى المنزل ولا مع الخادمة لا تثقوا بهن أغلب التحرشات من الخدم فلا تأتمنوهم فتندموا حيث لا ينفع الندم

11/ رقابه على أفلام الكرتون وألعاب الجامز ومشاهدتها قبل عرضها على الطفل
12/ ركوب المصعد بمفرده ...علميه أنه لا يسمح للغرباء الركوب معه

13/ الحذر من الحمامات العامه والأماكن المظلمه ...والمهجوره بمفرده
14/ حمامات السباحه والتنزه على الشواطئ أماكن بحاجه الى يقظه وانتباه وحذر

15/ عدم تناول شئ من الغرباء
16/ عدم فتح الباب لأي أحد
17/ عدم ارتداء حلي تحمل اسم الطفل فيسهل استدراجه
18/ لا تجبرى الطفل على تقبيل أحد أو حضنه واحترمى رغبته فى ذلك حتى لا يعتاد الاستسلام اذا تعرض لتحرش لا قدر الله
19/ يسمع كلام الكبار فى حدود تخصصهم مثلا المدرس فى عمل الواجب
السائق فى أساليب الحمايه والركوب والنزول بخلاف ذلك فلا
20/ عودي طفلك على كلمة سر بينكم فقط لأن هناك أطفال يختلط عليهم الأمر فى الأماكن العامه ويذهب الى اخرى ترتدى نفس الملابس......وانه لا يذهب مع أي شخص يدعى انه انت أو أباه ارسله ليأخذه

حفظ الله أحبابنا من كل سوء وأنوه لاعتدال فى التوجيهات والتوازن فلا افراط ولا تفريط ربنا يستر على اولادنا ويحفظهم ويجعلهم ذرية صالحة ويجعلهم قرة اعيننا .... ويكفيهم شر ما يؤذيهم وشر انفسهم وشر كل سوء ومكروه.... 

( الحور العين )

صحة الطفل والام كل ما يخص الأسرة

بواسطة ADMIN فى قسم صحة الطفل والام, كل ما يخص الأسرة

اطفالنا خط احمر

ازاي تتخلص من الطاقه السلبيه

( الحور العين ) هتقولك معلومات تهمك كثيرا عن الطاقه السلبيه  

بعض الأمور التي تساعد على التخلص من الطاقه السلبيه و تضعف الشياطين داخل المنزل ...

1- نظافة دورة المياه لابد أن تنظف بشكل مستمر و التخلص من الروائح الكريه .

2 - تنظيف دورة المياه و تطهيرها قبل النوم .

3 - الحرص على إغلاق باب دورة المياه بإستمرار .

4 - عدم تعليق الملابس في دورة المياه
 فإبقاء الملابس ليلة كامله في دورة المياه ستمتلئ بالطاقه السلبيه و بالتالي يصعب التخلص منها الا بعد و ضعها مدة في الشمس .

5 - الملابس المتسخه يجب أن تكون في سله خارج دورة المياه .

6 - يجب إبعاد العطور عن دورة المياه و عدم تبخير دورة المياه

7 - عدم التحدث داخل دورة المياه لأي سبب كان .

8 - لكل فتاة ( تبكي بالحمام ) ..
 اعلمي عزيزتي بكاؤك في دورة المياه بمثابة دعوة منك و ترحيب لدخول الشياطين و تلبس الجن بجسمك و بالتالي تأخر في رزقك و زواجك و متاعب في حياتك وكثرة المشاكل و الأحساس بالحزن من دون اي سبب و لربما كان سبب للأصابة بالصرع .

9 - كل ثلاثه أيام افتحو الأبواب و النوافذ و شغلو ( سورة البقرة ) و سوف تلاحظون فرق بنفسك و بأهل البيت من ناحية االامور النفسية و التعامل .

10 - بخروا المنزل بالحبه السوداء لتطرد الشياطين و الجراثيم كما وصى المصطفى عليه الصلاة والسلام .

11 - لا تجمعوا الأغراض أبداً تحت السرير أو فوق الدولاب بل رتبوها داخل أدراج مغلقه .

12 - لا تبخروا المنزل و النوافذ مغلقه بل افتحوها .

13 - لا تكثروا من المرايا في المنزل و إن و جدت مرايا فأفضل مكان لها عند المدخل .

14 - لا تجلسوا في مكان قد قام منه صاحبه لتوه .

15 - تنفسوا تنفس عميق عند إستيقاظكم من النوم و قبل النهوض انطقو البسمله و قولوا لا اله الا الله محمد رسول .

16 - اجعلو وقت النوم ثابت منتظم و ان يكون في الليل .

17 - لاتتركوا قراءة سورة الملك قبلالنـوم
 فهنيئا لمن جعل قراءتها عادة له فإحرصوا عليها لأنها تنجي من عذآب القبر"آخبروا بها من تحبون و لأني أحبكم آخبرتكم بها .

18 - هل تعلِم ..
عند قرآءة آية الكرسي بعد كل صلآة بعد ان تكبر الله 33 و تحمد الله 33 مرة و تسبح الله 33 مرة لا يصبح بينك وبين الجنه ألا الموت .

((اللهم اجعلها صدقه جاريه عني و عن و عن كل من يطبقها ))

( الحور العين )

الحور العين

أعجبني

أحببته

هاهاها

وااا

صحة عامة صحتك تهمنا كل ما يخص الأسرة

بواسطة ADMIN فى قسم صحة عامة, صحتك تهمنا, كل ما يخص الأسرة

ازاي تتخلص من الطاقه السلبيه

ازاي اعلم ابني يستغني عن البامبرز

 ( الحور العين ) هتعرفنا ازاي نساعد اطفالنا  انهم يستغنوا عن البامبرز ؟

النهاردة هنتكلم عن ١٠ حاجات نقدر نعملها تساعدنا على التخلص من البامبرز بسهولة و سرعة ..

1. اول حاجة نختار التوقيت الصح اللي الجو فيه ميكونش برد ،، احنا هنشيل بامبرز و الطفل مش هيمسك نفسه بين يوم و ليله .. و في معادلة في الطب بتقول:
 بلل + برد = مرض و كحة و خنفرة .. و طبعا احنا في غنى عن كده ،،

2. هنلبس ملابس خفيفة ،، سهلة القلع و اللبس ،، مش تبقى يبقى الطفل لابس ١٤ طبقة و فوقيهم سالوبت بفيونكة ،، هنفضل نقلع و نلبس الولد فيهم كل مرة و نبقى مستغربين ليه الولد مش بيلحق يمسك نفسه و متضايق من البوتي

3. افضل طريقة بتجيب نتيجة ان احنا نخلع البامبرز طول الوقت ((ما عدا وقت النوم)) ،، موضوع نقلع شوية و نلبس شوية من اكتر الاسباب اللي بتأخر الطفل في التمرين

4. التمرين على البوتي لازم يكون في كل وقت .. الطفل اللي بيروح حضانة .. زي ما بيتمرن في البيت لازم يكون يتمرن في الحضانة بنفس الطريقة .. مينفعش نبقى بنخلع الطفل البامبرز في البيت و بيلبسه في الحضانة

5. طريقة حلوة: هنبتدي نقعد الطفل في الاول كل ربع ساعة .. و يكون معانا ورقة و قلم .. نسجل المرات اللي يعمل فيها و نبتدي نزود الوقت بين كل قعدة و التانية على حسب طبيعة الطفل لحد ما نوصل للوقت المناسب لكل الطفل او الطفل يبتدي يطلب بنفسه

6. الطفل مينفعش يقعد اكتر من ١٥ دقيقة في المرة .. اللي هيقعد ١٥ دقيقة و مش هيعمل يبقى مش هيعمل .. اطول من كده تضييع لوقتك و ازعاج لطفلك

7. من الغلطات اللي الامهات بتعملها انها تستخدم التلفزيون او الاي باد وقت القعدة عشان نلهي الطفل عشان يرضى يقعد .. الطفل لازم يبقى قاعد و عارف ان قدامه مهمة محددة لازم ينفذها و يركز فيها .. الغلطة دي من الحاجات اللي بتأخر الطفل جدا

8. الطفل في اوقات كتير بيرفض يقعد على البوتي عشان يا إما مش مرتاح من القعدة عليه او خايف منه .. لازم نختار بوتي مريح و مناسب لحجم الطفل و يكون الطفل متقبل شكله .. انا شفت طفل رافض يقعد عشان خايف من البطة اللي عليه .. اول ما الاهل غيروه و جابو ((القصرية)) العادية بتاعة الحاجة .. تقبل و قعد عادي

9. الطفل في سن التمرين على البوتي بيتعلم جدا بالتقليد .. ممكن نستخدم لعبة الطفل المفضلة كوسيلة ايضاح و نخليه هو يلبسها و يخلعها و يقعدها بنفسه .. و يديها المكافئة بتاعتها كمان

10. الطفل في السن ده برضو بيحب الامتلاك جدا و بيحب اي حاجة بتاعته .. نزرع فيه ان البوتي ده بتاعه بس .. هو اللي يجيبه و هو اللي يشيله في المكان اللي يختاره .. و لو حب كمان نخليه يزينه بالاستيكرز او الطريقة اللي هو يحبها

وطبعا مننساش المكافئة المادية و المعنوية في كل مرة ينجح فيها انه يعمل في البوتي ..

و نخلي بالنا من ال ٣ ((لا))
لا عقاب - لا اهانة - لا ضرب .. ال ٣ حاجات دول بيجيبو نتيجة عكسية ..

اهم حاجة و اخر حاجة : لازم نعرف ان التمرين على البوتي ده زيه زي التمرين على اي حاجة جديدة .. الطفل مش مولود متعلمها .. و في معظم الاحوال مش بيعند معاكم ولا يغيظكم .. انتي نفسك لما بتتعلمي حاجة جديدة عمرك ما هتتقنيها من اول مرة .. افتكري اول طبخة .. افتكر اول سواقة .. الصبر ثم الصبر ثم الصبر ..

متستعجلوش و متقارنوش طفلكم باي حد .. متضغطيش على طفلك و متخليش حد يضغط عليكي .. البداية البدري في كتير من الاحيان هتكون نتيجتها بس وقت اطول في التمرين ... نفس النتيجة بمجهود و توتر و ضغط اكبر ! 

( الحور العين )

من التفاعتعليق

صحة الطفل صحة الطفل والام كل ما يخص الأسرة

بواسطة ADMIN فى قسم صحة الطفل, صحة الطفل والام, كل ما يخص الأسرة

ازاي اعلم ابني يستغني عن البامبرز

تعالي اعرفي شعرك ايه

( الحور العين ) هتعرفك ازاي تعملي اختبار لشعرك 

نصيحه لكل بنات الحور العين .. كتير مننا بيشتري زيوت وكريمات بيتقال عليها جميلة وكتير بيشكروا فيها وتيجي تجربيها تلاقيها معملتش حاجة

و ف الحقيقة الحاجات دي مش وحشة هي بس مش مناسبة لشعرك !
 وعشان نعرف اييه مناسب لينا لازم نعمل اختبار "مسامية الشعر"

طب يعني ايه مسامية الشعر ؟؟

معناها قدرة الشعر على امتصاص المرطب
 والاحتفاظ بيه، وغالبا مسامية الشعر بيبقي حاجة وراثية بس ممكن الكيميائيات والحرارة تأثر عليه وتحوله من درجة مسامية منخفضة لمسامية أعلى.

هنعمل اختبار مسامية الشعر ازاي؟؟

نأخذ شعرة من الفرشاة او المشط ونحطها ف نص كوباية ماية ونراقبها من دقيقة ل 4 دقايق
 (الاختبار دة لازم نعمله و الشعر نظيف مش عليه اي زيوت او كريمات)

• لو الشعرة طافية على السطح هتكون مسامية الشعر منخفضة
 يعني الشعره ممتصتش الماية ففضلت فوق.

• لو اخدت وقت عشان تغرق او فضلت في النص معناها ان مساميتها متوسطه.

• لو غرقت الشعرة ونزلت تحت خالص هتكون مساميتها عاليه لأنها اتملت ماية.

ايه الفايدة اننا نعرف مسامية الشعر؟

الطريقة دي هتساعدك كتير ف انك تعرفي ازاي ترطبي شعرك وايه انواع الزيوت المناسبة ليه

*في نقطة مهمة هي أن المرطب الأساسي للشعر هي الماية زي م بنعطش ونحتاج نشرب..الشعر كمان بيحتاج يشرب
 ف مهم جدا اننا بعد الشاور نحط زيت يحبس الماية جوة الشعراية عشان تفضل مترطبة

هتكلم بقي عن انواع مسامية الشعر بالتفصيل..

الشعر منخفض المسامية:

عشان الغلاف الخارجي للشعرة مسطح ومحكم بدرجة كبيرة النوع دة بيكون مقاوم للرطوبة ومقاوم لاختراق المنتجات داخل الشعرة..
وعادة النوع دة من أنواع الشعر بيكون صحي .. بس مفهوش مرونة  .. وصعب ترطيبه عشان مسامات الشعرة صغيرة جدا ف صعب ان المنتجات تخترقه وف نفس الوقت صعب خروج المرطب منه

ازاي نهتم بالشعر اللي مساميته منخفضة؟؟
 • ممكن نستخدم الحرارة المعتدلة وتكون مش مباشرة عشان نفتح مسامات الشعر عشان يقدر يمتص المنتج المرطب
 وكمان الترطيب بعد الشاور بماية دافية بيساعد الشعرة على الامتصاص لان المسامات بتكون لسة مفتوحه..
 وكمان البخار للشعر مفيد لاستقبال المنتجات

• الزيوت المفضلة للنوع دة هي الزيوت الخفيفة اللي سهل علي الشعرة امتصاصها.
 زي : زيت الارجان، زيت الجوجوبا ،زيت الأفوكادو

• ممكن نستخدم الحنة كل 8 اسابيع من فترة لأخرى مفيدة للشعر

نتجـنـب:
• المنتجات اللي فيها سيليكون وزيوت معدنية.
• الزيوت الثقيلة زي زيت الخروع لأنها هتفضل علي غلاف الشعرة ومش هتستفاد بيها
 • العلاجات اللي فيها بروتين عالي لانه بيتراكم ع الشعره.. ويسبب قساوة للشعر.. فنستخدم بلسم خالي من البروتين أفضل.. ويفضل ان تكون العلاجات البروتينة كل 8 أسابيع..

الشعر متوسط (طبيعي) المسامية :

-الشعر دة بيمتص المرطبات وبيحافظ عليها بصورة جيدة.. المفروض علينا نعرف ازاي نرطبه بكمية مناسبة ونحافظ على عدم تبخر الرطوبة من الشعر..
-وهو أكثر نوع بيمتص لون الصبغة ويحتفظ به..
 -وأكثر نوع يحافظ على طريقة تسريحك ليه يعني مثلا لو عملتيه ويفي أو كيرلي هيحافظ ع هيأته لوقت طويل مقارنة بالأنواع الأخرى

ازاي نهتم بالشعر اللي مساميته متوسطة (طبيعيه)؟؟
• نستخدم المنتجات اللي فيها بروتين كل 8 أسابيع او 6 ومنستخدمهاش كل يوم
زي زيت جوزالهند وزبدة الشيا
 • نرطبه كل يوم بزيوت خفيفة زي زيت الأرجان و الجوجوبا

نـتـجنب:
• الحرارة والكيميائيات قدر الامكان عشان ميتحولش لشعر عالي المسامية.
 • كتر استخدام المنتجات اللي فيها بروتين

الشعر عالي المسامية :

-الشعر دة فيه ثغرات وثقوب كتير في غلافه الخارجي، ممكن يكون الموضوع دة جيني.. او بسبب ان الشعر تضرر من كثرة الحرارة العالية وتراكم منتجات التجميل عليه..
يعني ممكن يكون شعرك منخفض المسامية ومتوسط ويتحول للنوع دة مع الاهمال..
 -النوع دة بيكتسب المرطب ويفقده بسرعة عالية.. يعني شعرك بيكون عرضة للتجعد في الجو الرطب لانه هيمتص الرطوبة بكمية كبيرة فيسبب تجعد الشعر..
 -وحتى الاستحمام الكتير والسباحة ممكن تضره لانه بيمتص كمية عالية من الماء فتسبب تكسره وضعفه..
 لازم نعرف ازاي نخليه يحتفظ بالرطوبة داخله، لأنه بيفقدها بسرعة جدا فبيصبح جاف

ازاي نهتم بالشعر اللي مساميته عالية؟؟
• يشطف بالماء البارد.
• استخدام الزيوت اللي فيها بروتينات زي جوزالهند مرة مل أسبوع
 • استعمال بلسم الشعر المحتوي على بروتين.. لأن استخدام البروتين بيساعد في الملئ المؤقت للفراغات الموجودة فيه.. بالتالي يقوي الشعر ويساعد على التخفيف من تكسره.
 • استخدام الزيوت التقيلة والزبدة لترطيب الشعر.. زي زيت جوزالهند و زيت الخروع وزبدة الشيا لأنها بتعمل حاجة زي حاجز واقي حولين الشعرة و تمنع تبخر الماء من الشعر.
• استخدام الحنة مفيد في ملئ الفجوات والحصول على شعر صحي.. يستحسن استخدامها كل  8 أسابيع.
• استخدام منتجات درجة الـPHH فيها منخفضة.. يعني تميل للحموضة.

أستخدام ملعقة من خل التفاح مع ماء الشطف دة بيساعد على تسطيح الغلاف الخارجي للشعرة وتصغير المسام وبالتالي الحفاظ على الرطوبة.

نتجنـب:
• الحرارة المباشرة
 • أملاح السلفيت والمواد الكيميائية القاسية

جربوا الأختبار ده و اعرفوا نوع مساميه شعركوا و اهتموا بيه 
( الحور العين )

انوثه وجمال بشرتك تهمنا

بواسطة ADMIN فى قسم انوثه وجمال, بشرتك تهمنا

تعالي اعرفي شعرك ايه

لو عندك هالات سودا .... تعاااالي

😅

( الحور العين ) تعالي اعرفي ازاي تتخلصي من الهالات السوداء

بنات الحور العين اللي دايما بتشتكي من بهتان بشرتها وحاسه ان مفهاش حيوية وعندها مسام واسعة او حبوب بجد ده اختراع يا كوتش 

بمعني الكلمه غير اني اكتشفت انه يعتبر كولاجين طبيعي للبشرة يعني حاجة كدا من الاخر واالنتيجة هتظهر ف اسبوع

طيب بيعمل ايه بقي لبان الدكر 

• ده بقي بيساعد على مرونة البشره وشدها
• وبيدي نضاره وصفاء للبشره رهيبة وبيفتحها كمان
• ويعالج الهالات السوداء والتجاعيد تحت العين.
 • ويبخفف البقع البني او الغامقة اللي بتكون موجودة بسبب الحبوب القديمة وحروق الشمس .

والمفاجئة بقي 

انك ممكن تستخدميه ع المناطق الحساسه وطبعا أمن جداااا وبيخلصك من اي التهابات او روايح مش كويسه احسن من المطهرات اللي بتكون ف الصيدليات غير انه مع الاستمرار بيفتح المنطقة 

نيجي بقي للطريقة ... ورقة وقلم واكتبي ورايا ياست الكل 

1- لبان دكر من العطار هتحتاجي حبة كدا محترمين يعني حوالي تلات معالق كبار

+كوب ماء مغلي

2- انقعي اللبان في المية المغلية وغطيه ليله كامله وبكرا تشوفي لون الميه تغير وبقا مايل للابيض صفيه وحطيه الماء بعلبه او ازازة زجاج وتقفليها واحتفظي فيه بالثلاجه ولازم تغطيه عشان الزيوت اللي فيه متطرش ويبقي محتفظ ب فوايده . وبعدين تاني يوم رجي المنقوع كويس

3- خدي منه ع قطنه وحطيه على وشك او جسمك اي مكان حابه تعالجيه من المشاكل الي قولناها فوق خليه من ربع ساعه الى ساعه واغسليه او ممكن متغسلهوش اصلا انا بسيبه عادي وبحط بعده الميكاب كأنه برايمر كمان 

وهتلاحظي النتيجه بالاستمرااار والهالات هتختفي والحبوب هتنشف وهتحسي ان وشك صافي كدا ورايق وهتحسي ان بشرتك مشدودة اووي كدا بعدها ده عادي جداااا مهو ده المطلوب

 تستخدميه امتي بقي وكم مرة هتحطيه مرة الصبح ومرة بليل ومش عايزة اقولكوا ع اللي هطلعوه ف القطنه هسيبكو تتفاجئوا ب نفسكوا 

 مجربة شخصيا ( الحور العين )

بواسطة ADMIN فى قسم

لو عندك هالات سودا .... تعاااالي

لو دايما بتحسى بالتقصير وعدم الانجاز و (جلد الذات)

الحور العين
لو دايما بتحسى بالتقصير وعدم الانجاز و (جلد الذات)
البوست دة ليكى 😉

دكتور نفسى عمل اختبار مجنون شوية طلب من مجموعة متطوعين انهم يخضعوا لاختبار مدروس

الاختبار كالتالى:
قسم المتطوعين لمجموعتبن جاب ترابيزة عليها طبقين
طبق فيه قطع فراخ وطبق فيه لفت
ايوة الدكتور جاببلهم لفت 😃

المهم
طلب من المجموعة الاولى تاكل فراخ وطلب من المجموعة التانية تاكل اللفت وكلهم متجمعين على نفس الترابيزة

طبعا المجموعة اللى بياكلوا اللفت كانوا ماسكين نفسهم بالعافية وبياكلوا اللفت غصب عنهم وعيونهم مانزلتش من على الفراخ اللذيذ وطول الوقت بيحقدوا على اللى بياكلوا الكوكيز.

اما مجموعة الفراخ المحظوظين كانوا فى قمة سعادتهم ههههه ومستمتعين بالاختبار .

الدكتور اوهمهم ان الاختبار خلص كدة وقالهم هنبدأ اختبار تانى مالوش علاقة بالاول.(بيكذب😃)

الاختبار التانى كان عبارة عن لغز حسابى الدكتور طلب من المتطوعين انهم يحاولوا يحلوا اللغز المفاجأة ان اللغز اصلا مالوش حل ، بس الدكتور المكار كان عايز يعرف مدى صبر المجموعتين وقدرتهم على المحاولة ودة طبعا من غير مايقولهم ان اللغز مالوش حل مكار والله 😂

المفاجأة التانية ان مجموعة اللفت استسلموا بعد 5 دقايق اما مجموعة الفراخ فضلوا يحاولوا لمدة 300 دقيقة.

التفسير اللى خرج بيه الدكتور ان مجموعة اللفت استنفذوا كل طاقتهم وهم  بيحاولوا يمسكوا نفسهم ، حصلهم حالة من ((الارهاق النفسى)) خلتهم زهقانين انهم يحاولوا يحلوا اللغز.
 على عكس طبعا المجموعة التانية اللى كانوا رايقين وبيحاولوا فى اللغز ببال رايق.

نطلع من دة كله ب إيه ؟؟؟؟؟؟

انتى لو ركزتى هتلاقى نفسك طول اليوم بتاكلى لفت ههههههه

طول اليوم بتتعرضى للارهاق النفسى  مسئوليات ،،، وطلبات ،، وزن الولاد ،، وماسكة نفسك ،، بتحاولى ماتتعصبيش ،، كلمة رخمة من زميلتك ،، ،، عدم تقدير من المقربين ليكى ،، معاملة لا تليق بيكى ،، خبر وحش ع النت ،، حال البلد ،، الدولار زاد ،، الدولار نزل ،، الاسعار ،، ومشكلة هنا وسوء تفاهم هناك ،، وكلامك يتفهم غلط
حاجات كتيرررررررر
 هى الحياة كدة اكترها لفت وياقلبى بتيجى اخر اليوم تقولى هو انا مابعرفش انجز حاجة فى حياتى ليه 😢؟؟؟؟؟

وتقعدى تجلدى نفسك  طبعا الله يكون فى عونك من اللى بتشوفيه.

طيب ايه مفيش حل ؟؟؟؟؟
لا ازاى ماكنتش كتبتلكم البوست

(( قبل الحل،، لازم تقتنعى انك مش مقصرة،، انتى فعلا مرهقة ،، ماتجلديش نفسك تانى ابدااااااااااااااااا ))

الحل حاجتين 🔺اول حاجة هتحاولى ماتتأثريش بالحاجات دى ماتدخليهاش جوة قلبك  طنشى الحاجات الصغيرة.

فى فرق انك تطنشى بجد وانك تعملى نفسك مطنشة لانك لو عملتى نفسك مطنشة كدة انتى بترهقى نفسك زيادة
التطنيش مهارة يمكن اكتسابها محتاجة بس قرار وشوية محاولات طنش ،، تعش ،، تنتعش😉
 الحياة اصلا مش مستاهلة.

دة بالنسبة للحاجات الصغيرة هنطنشها طيب بالنسبة المشاكل الكبيرة اللى ماتنفعش نطنشها؟؟
بسييييييطة
الحل فى الاية دى وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ”  مع ركعتين فى جوف الليل وخلصت.

ربنا أكبر من المشكلة  والزعل وضغط الاعصاب مابيحلش مشاكل.

🔺تانى حاجة
لو مقدرتيش تعملى الخطوة اللى فاتت على اكمل وجه و فى حاجة مش مريحة دخلت قلبك فعلا ،، وسببت ارهاق
تخلصى من الارهاق فورا وماتخليش فى  فرصة ان تحصل تراكمات.

ازاى اتخلص من الارهاق؟؟

اعملى لنفسك switch off
افصلى
اقعدى فى هدووووووء
اسمعى قرآن❤
اعملى جلسة استرخاء (من يوتيوب)
تنفسى بعمق
اسمعى قرآن❤
كلى شيكولاته
اشربى قهوة
اعملى حاجة بتحبيها
اسمعى قرآن❤
اسمعى قرآن❤

الحور العين

كل ما يخص الأسرة

بواسطة ADMIN فى قسم كل ما يخص الأسرة

لو دايما بتحسى بالتقصير وعدم الانجاز و (جلد الذات)