ازاي اعلم ابني يستغني عن البامبرز

 ( الحور العين ) هتعرفنا ازاي نساعد اطفالنا  انهم يستغنوا عن البامبرز ؟

النهاردة هنتكلم عن ١٠ حاجات نقدر نعملها تساعدنا على التخلص من البامبرز بسهولة و سرعة ..

1. اول حاجة نختار التوقيت الصح اللي الجو فيه ميكونش برد ،، احنا هنشيل بامبرز و الطفل مش هيمسك نفسه بين يوم و ليله .. و في معادلة في الطب بتقول:
 بلل + برد = مرض و كحة و خنفرة .. و طبعا احنا في غنى عن كده ،،

2. هنلبس ملابس خفيفة ،، سهلة القلع و اللبس ،، مش تبقى يبقى الطفل لابس ١٤ طبقة و فوقيهم سالوبت بفيونكة ،، هنفضل نقلع و نلبس الولد فيهم كل مرة و نبقى مستغربين ليه الولد مش بيلحق يمسك نفسه و متضايق من البوتي

3. افضل طريقة بتجيب نتيجة ان احنا نخلع البامبرز طول الوقت ((ما عدا وقت النوم)) ،، موضوع نقلع شوية و نلبس شوية من اكتر الاسباب اللي بتأخر الطفل في التمرين

4. التمرين على البوتي لازم يكون في كل وقت .. الطفل اللي بيروح حضانة .. زي ما بيتمرن في البيت لازم يكون يتمرن في الحضانة بنفس الطريقة .. مينفعش نبقى بنخلع الطفل البامبرز في البيت و بيلبسه في الحضانة

5. طريقة حلوة: هنبتدي نقعد الطفل في الاول كل ربع ساعة .. و يكون معانا ورقة و قلم .. نسجل المرات اللي يعمل فيها و نبتدي نزود الوقت بين كل قعدة و التانية على حسب طبيعة الطفل لحد ما نوصل للوقت المناسب لكل الطفل او الطفل يبتدي يطلب بنفسه

6. الطفل مينفعش يقعد اكتر من ١٥ دقيقة في المرة .. اللي هيقعد ١٥ دقيقة و مش هيعمل يبقى مش هيعمل .. اطول من كده تضييع لوقتك و ازعاج لطفلك

7. من الغلطات اللي الامهات بتعملها انها تستخدم التلفزيون او الاي باد وقت القعدة عشان نلهي الطفل عشان يرضى يقعد .. الطفل لازم يبقى قاعد و عارف ان قدامه مهمة محددة لازم ينفذها و يركز فيها .. الغلطة دي من الحاجات اللي بتأخر الطفل جدا

8. الطفل في اوقات كتير بيرفض يقعد على البوتي عشان يا إما مش مرتاح من القعدة عليه او خايف منه .. لازم نختار بوتي مريح و مناسب لحجم الطفل و يكون الطفل متقبل شكله .. انا شفت طفل رافض يقعد عشان خايف من البطة اللي عليه .. اول ما الاهل غيروه و جابو ((القصرية)) العادية بتاعة الحاجة .. تقبل و قعد عادي

9. الطفل في سن التمرين على البوتي بيتعلم جدا بالتقليد .. ممكن نستخدم لعبة الطفل المفضلة كوسيلة ايضاح و نخليه هو يلبسها و يخلعها و يقعدها بنفسه .. و يديها المكافئة بتاعتها كمان

10. الطفل في السن ده برضو بيحب الامتلاك جدا و بيحب اي حاجة بتاعته .. نزرع فيه ان البوتي ده بتاعه بس .. هو اللي يجيبه و هو اللي يشيله في المكان اللي يختاره .. و لو حب كمان نخليه يزينه بالاستيكرز او الطريقة اللي هو يحبها

وطبعا مننساش المكافئة المادية و المعنوية في كل مرة ينجح فيها انه يعمل في البوتي ..

و نخلي بالنا من ال ٣ ((لا))
لا عقاب - لا اهانة - لا ضرب .. ال ٣ حاجات دول بيجيبو نتيجة عكسية ..

اهم حاجة و اخر حاجة : لازم نعرف ان التمرين على البوتي ده زيه زي التمرين على اي حاجة جديدة .. الطفل مش مولود متعلمها .. و في معظم الاحوال مش بيعند معاكم ولا يغيظكم .. انتي نفسك لما بتتعلمي حاجة جديدة عمرك ما هتتقنيها من اول مرة .. افتكري اول طبخة .. افتكر اول سواقة .. الصبر ثم الصبر ثم الصبر ..

متستعجلوش و متقارنوش طفلكم باي حد .. متضغطيش على طفلك و متخليش حد يضغط عليكي .. البداية البدري في كتير من الاحيان هتكون نتيجتها بس وقت اطول في التمرين ... نفس النتيجة بمجهود و توتر و ضغط اكبر ! 

( الحور العين )

من التفاعتعليق

صحة الطفل صحة الطفل والام كل ما يخص الأسرة

بواسطة ADMIN فى قسم صحة الطفل, صحة الطفل والام, كل ما يخص الأسرة

ازاي اعلم ابني يستغني عن البامبرز

تعالي اعرفي شعرك ايه

( الحور العين ) هتعرفك ازاي تعملي اختبار لشعرك 

نصيحه لكل بنات الحور العين .. كتير مننا بيشتري زيوت وكريمات بيتقال عليها جميلة وكتير بيشكروا فيها وتيجي تجربيها تلاقيها معملتش حاجة

و ف الحقيقة الحاجات دي مش وحشة هي بس مش مناسبة لشعرك !
 وعشان نعرف اييه مناسب لينا لازم نعمل اختبار "مسامية الشعر"

طب يعني ايه مسامية الشعر ؟؟

معناها قدرة الشعر على امتصاص المرطب
 والاحتفاظ بيه، وغالبا مسامية الشعر بيبقي حاجة وراثية بس ممكن الكيميائيات والحرارة تأثر عليه وتحوله من درجة مسامية منخفضة لمسامية أعلى.

هنعمل اختبار مسامية الشعر ازاي؟؟

نأخذ شعرة من الفرشاة او المشط ونحطها ف نص كوباية ماية ونراقبها من دقيقة ل 4 دقايق
 (الاختبار دة لازم نعمله و الشعر نظيف مش عليه اي زيوت او كريمات)

• لو الشعرة طافية على السطح هتكون مسامية الشعر منخفضة
 يعني الشعره ممتصتش الماية ففضلت فوق.

• لو اخدت وقت عشان تغرق او فضلت في النص معناها ان مساميتها متوسطه.

• لو غرقت الشعرة ونزلت تحت خالص هتكون مساميتها عاليه لأنها اتملت ماية.

ايه الفايدة اننا نعرف مسامية الشعر؟

الطريقة دي هتساعدك كتير ف انك تعرفي ازاي ترطبي شعرك وايه انواع الزيوت المناسبة ليه

*في نقطة مهمة هي أن المرطب الأساسي للشعر هي الماية زي م بنعطش ونحتاج نشرب..الشعر كمان بيحتاج يشرب
 ف مهم جدا اننا بعد الشاور نحط زيت يحبس الماية جوة الشعراية عشان تفضل مترطبة

هتكلم بقي عن انواع مسامية الشعر بالتفصيل..

الشعر منخفض المسامية:

عشان الغلاف الخارجي للشعرة مسطح ومحكم بدرجة كبيرة النوع دة بيكون مقاوم للرطوبة ومقاوم لاختراق المنتجات داخل الشعرة..
وعادة النوع دة من أنواع الشعر بيكون صحي .. بس مفهوش مرونة  .. وصعب ترطيبه عشان مسامات الشعرة صغيرة جدا ف صعب ان المنتجات تخترقه وف نفس الوقت صعب خروج المرطب منه

ازاي نهتم بالشعر اللي مساميته منخفضة؟؟
 • ممكن نستخدم الحرارة المعتدلة وتكون مش مباشرة عشان نفتح مسامات الشعر عشان يقدر يمتص المنتج المرطب
 وكمان الترطيب بعد الشاور بماية دافية بيساعد الشعرة على الامتصاص لان المسامات بتكون لسة مفتوحه..
 وكمان البخار للشعر مفيد لاستقبال المنتجات

• الزيوت المفضلة للنوع دة هي الزيوت الخفيفة اللي سهل علي الشعرة امتصاصها.
 زي : زيت الارجان، زيت الجوجوبا ،زيت الأفوكادو

• ممكن نستخدم الحنة كل 8 اسابيع من فترة لأخرى مفيدة للشعر

نتجـنـب:
• المنتجات اللي فيها سيليكون وزيوت معدنية.
• الزيوت الثقيلة زي زيت الخروع لأنها هتفضل علي غلاف الشعرة ومش هتستفاد بيها
 • العلاجات اللي فيها بروتين عالي لانه بيتراكم ع الشعره.. ويسبب قساوة للشعر.. فنستخدم بلسم خالي من البروتين أفضل.. ويفضل ان تكون العلاجات البروتينة كل 8 أسابيع..

الشعر متوسط (طبيعي) المسامية :

-الشعر دة بيمتص المرطبات وبيحافظ عليها بصورة جيدة.. المفروض علينا نعرف ازاي نرطبه بكمية مناسبة ونحافظ على عدم تبخر الرطوبة من الشعر..
-وهو أكثر نوع بيمتص لون الصبغة ويحتفظ به..
 -وأكثر نوع يحافظ على طريقة تسريحك ليه يعني مثلا لو عملتيه ويفي أو كيرلي هيحافظ ع هيأته لوقت طويل مقارنة بالأنواع الأخرى

ازاي نهتم بالشعر اللي مساميته متوسطة (طبيعيه)؟؟
• نستخدم المنتجات اللي فيها بروتين كل 8 أسابيع او 6 ومنستخدمهاش كل يوم
زي زيت جوزالهند وزبدة الشيا
 • نرطبه كل يوم بزيوت خفيفة زي زيت الأرجان و الجوجوبا

نـتـجنب:
• الحرارة والكيميائيات قدر الامكان عشان ميتحولش لشعر عالي المسامية.
 • كتر استخدام المنتجات اللي فيها بروتين

الشعر عالي المسامية :

-الشعر دة فيه ثغرات وثقوب كتير في غلافه الخارجي، ممكن يكون الموضوع دة جيني.. او بسبب ان الشعر تضرر من كثرة الحرارة العالية وتراكم منتجات التجميل عليه..
يعني ممكن يكون شعرك منخفض المسامية ومتوسط ويتحول للنوع دة مع الاهمال..
 -النوع دة بيكتسب المرطب ويفقده بسرعة عالية.. يعني شعرك بيكون عرضة للتجعد في الجو الرطب لانه هيمتص الرطوبة بكمية كبيرة فيسبب تجعد الشعر..
 -وحتى الاستحمام الكتير والسباحة ممكن تضره لانه بيمتص كمية عالية من الماء فتسبب تكسره وضعفه..
 لازم نعرف ازاي نخليه يحتفظ بالرطوبة داخله، لأنه بيفقدها بسرعة جدا فبيصبح جاف

ازاي نهتم بالشعر اللي مساميته عالية؟؟
• يشطف بالماء البارد.
• استخدام الزيوت اللي فيها بروتينات زي جوزالهند مرة مل أسبوع
 • استعمال بلسم الشعر المحتوي على بروتين.. لأن استخدام البروتين بيساعد في الملئ المؤقت للفراغات الموجودة فيه.. بالتالي يقوي الشعر ويساعد على التخفيف من تكسره.
 • استخدام الزيوت التقيلة والزبدة لترطيب الشعر.. زي زيت جوزالهند و زيت الخروع وزبدة الشيا لأنها بتعمل حاجة زي حاجز واقي حولين الشعرة و تمنع تبخر الماء من الشعر.
• استخدام الحنة مفيد في ملئ الفجوات والحصول على شعر صحي.. يستحسن استخدامها كل  8 أسابيع.
• استخدام منتجات درجة الـPHH فيها منخفضة.. يعني تميل للحموضة.

أستخدام ملعقة من خل التفاح مع ماء الشطف دة بيساعد على تسطيح الغلاف الخارجي للشعرة وتصغير المسام وبالتالي الحفاظ على الرطوبة.

نتجنـب:
• الحرارة المباشرة
 • أملاح السلفيت والمواد الكيميائية القاسية

جربوا الأختبار ده و اعرفوا نوع مساميه شعركوا و اهتموا بيه 
( الحور العين )

انوثه وجمال بشرتك تهمنا

بواسطة ADMIN فى قسم انوثه وجمال, بشرتك تهمنا

تعالي اعرفي شعرك ايه

لو عندك هالات سودا .... تعاااالي

😅

( الحور العين ) تعالي اعرفي ازاي تتخلصي من الهالات السوداء

بنات الحور العين اللي دايما بتشتكي من بهتان بشرتها وحاسه ان مفهاش حيوية وعندها مسام واسعة او حبوب بجد ده اختراع يا كوتش 

بمعني الكلمه غير اني اكتشفت انه يعتبر كولاجين طبيعي للبشرة يعني حاجة كدا من الاخر واالنتيجة هتظهر ف اسبوع

طيب بيعمل ايه بقي لبان الدكر 

• ده بقي بيساعد على مرونة البشره وشدها
• وبيدي نضاره وصفاء للبشره رهيبة وبيفتحها كمان
• ويعالج الهالات السوداء والتجاعيد تحت العين.
 • ويبخفف البقع البني او الغامقة اللي بتكون موجودة بسبب الحبوب القديمة وحروق الشمس .

والمفاجئة بقي 

انك ممكن تستخدميه ع المناطق الحساسه وطبعا أمن جداااا وبيخلصك من اي التهابات او روايح مش كويسه احسن من المطهرات اللي بتكون ف الصيدليات غير انه مع الاستمرار بيفتح المنطقة 

نيجي بقي للطريقة ... ورقة وقلم واكتبي ورايا ياست الكل 

1- لبان دكر من العطار هتحتاجي حبة كدا محترمين يعني حوالي تلات معالق كبار

+كوب ماء مغلي

2- انقعي اللبان في المية المغلية وغطيه ليله كامله وبكرا تشوفي لون الميه تغير وبقا مايل للابيض صفيه وحطيه الماء بعلبه او ازازة زجاج وتقفليها واحتفظي فيه بالثلاجه ولازم تغطيه عشان الزيوت اللي فيه متطرش ويبقي محتفظ ب فوايده . وبعدين تاني يوم رجي المنقوع كويس

3- خدي منه ع قطنه وحطيه على وشك او جسمك اي مكان حابه تعالجيه من المشاكل الي قولناها فوق خليه من ربع ساعه الى ساعه واغسليه او ممكن متغسلهوش اصلا انا بسيبه عادي وبحط بعده الميكاب كأنه برايمر كمان 

وهتلاحظي النتيجه بالاستمرااار والهالات هتختفي والحبوب هتنشف وهتحسي ان وشك صافي كدا ورايق وهتحسي ان بشرتك مشدودة اووي كدا بعدها ده عادي جداااا مهو ده المطلوب

 تستخدميه امتي بقي وكم مرة هتحطيه مرة الصبح ومرة بليل ومش عايزة اقولكوا ع اللي هطلعوه ف القطنه هسيبكو تتفاجئوا ب نفسكوا 

 مجربة شخصيا ( الحور العين )

بواسطة ADMIN فى قسم

لو عندك هالات سودا .... تعاااالي

لو دايما بتحسى بالتقصير وعدم الانجاز و (جلد الذات)

الحور العين
لو دايما بتحسى بالتقصير وعدم الانجاز و (جلد الذات)
البوست دة ليكى 😉

دكتور نفسى عمل اختبار مجنون شوية طلب من مجموعة متطوعين انهم يخضعوا لاختبار مدروس

الاختبار كالتالى:
قسم المتطوعين لمجموعتبن جاب ترابيزة عليها طبقين
طبق فيه قطع فراخ وطبق فيه لفت
ايوة الدكتور جاببلهم لفت 😃

المهم
طلب من المجموعة الاولى تاكل فراخ وطلب من المجموعة التانية تاكل اللفت وكلهم متجمعين على نفس الترابيزة

طبعا المجموعة اللى بياكلوا اللفت كانوا ماسكين نفسهم بالعافية وبياكلوا اللفت غصب عنهم وعيونهم مانزلتش من على الفراخ اللذيذ وطول الوقت بيحقدوا على اللى بياكلوا الكوكيز.

اما مجموعة الفراخ المحظوظين كانوا فى قمة سعادتهم ههههه ومستمتعين بالاختبار .

الدكتور اوهمهم ان الاختبار خلص كدة وقالهم هنبدأ اختبار تانى مالوش علاقة بالاول.(بيكذب😃)

الاختبار التانى كان عبارة عن لغز حسابى الدكتور طلب من المتطوعين انهم يحاولوا يحلوا اللغز المفاجأة ان اللغز اصلا مالوش حل ، بس الدكتور المكار كان عايز يعرف مدى صبر المجموعتين وقدرتهم على المحاولة ودة طبعا من غير مايقولهم ان اللغز مالوش حل مكار والله 😂

المفاجأة التانية ان مجموعة اللفت استسلموا بعد 5 دقايق اما مجموعة الفراخ فضلوا يحاولوا لمدة 300 دقيقة.

التفسير اللى خرج بيه الدكتور ان مجموعة اللفت استنفذوا كل طاقتهم وهم  بيحاولوا يمسكوا نفسهم ، حصلهم حالة من ((الارهاق النفسى)) خلتهم زهقانين انهم يحاولوا يحلوا اللغز.
 على عكس طبعا المجموعة التانية اللى كانوا رايقين وبيحاولوا فى اللغز ببال رايق.

نطلع من دة كله ب إيه ؟؟؟؟؟؟

انتى لو ركزتى هتلاقى نفسك طول اليوم بتاكلى لفت ههههههه

طول اليوم بتتعرضى للارهاق النفسى  مسئوليات ،،، وطلبات ،، وزن الولاد ،، وماسكة نفسك ،، بتحاولى ماتتعصبيش ،، كلمة رخمة من زميلتك ،، ،، عدم تقدير من المقربين ليكى ،، معاملة لا تليق بيكى ،، خبر وحش ع النت ،، حال البلد ،، الدولار زاد ،، الدولار نزل ،، الاسعار ،، ومشكلة هنا وسوء تفاهم هناك ،، وكلامك يتفهم غلط
حاجات كتيرررررررر
 هى الحياة كدة اكترها لفت وياقلبى بتيجى اخر اليوم تقولى هو انا مابعرفش انجز حاجة فى حياتى ليه 😢؟؟؟؟؟

وتقعدى تجلدى نفسك  طبعا الله يكون فى عونك من اللى بتشوفيه.

طيب ايه مفيش حل ؟؟؟؟؟
لا ازاى ماكنتش كتبتلكم البوست

(( قبل الحل،، لازم تقتنعى انك مش مقصرة،، انتى فعلا مرهقة ،، ماتجلديش نفسك تانى ابدااااااااااااااااا ))

الحل حاجتين 🔺اول حاجة هتحاولى ماتتأثريش بالحاجات دى ماتدخليهاش جوة قلبك  طنشى الحاجات الصغيرة.

فى فرق انك تطنشى بجد وانك تعملى نفسك مطنشة لانك لو عملتى نفسك مطنشة كدة انتى بترهقى نفسك زيادة
التطنيش مهارة يمكن اكتسابها محتاجة بس قرار وشوية محاولات طنش ،، تعش ،، تنتعش😉
 الحياة اصلا مش مستاهلة.

دة بالنسبة للحاجات الصغيرة هنطنشها طيب بالنسبة المشاكل الكبيرة اللى ماتنفعش نطنشها؟؟
بسييييييطة
الحل فى الاية دى وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ”  مع ركعتين فى جوف الليل وخلصت.

ربنا أكبر من المشكلة  والزعل وضغط الاعصاب مابيحلش مشاكل.

🔺تانى حاجة
لو مقدرتيش تعملى الخطوة اللى فاتت على اكمل وجه و فى حاجة مش مريحة دخلت قلبك فعلا ،، وسببت ارهاق
تخلصى من الارهاق فورا وماتخليش فى  فرصة ان تحصل تراكمات.

ازاى اتخلص من الارهاق؟؟

اعملى لنفسك switch off
افصلى
اقعدى فى هدووووووء
اسمعى قرآن❤
اعملى جلسة استرخاء (من يوتيوب)
تنفسى بعمق
اسمعى قرآن❤
كلى شيكولاته
اشربى قهوة
اعملى حاجة بتحبيها
اسمعى قرآن❤
اسمعى قرآن❤

الحور العين

كل ما يخص الأسرة

بواسطة ADMIN فى قسم كل ما يخص الأسرة

لو دايما بتحسى بالتقصير وعدم الانجاز و (جلد الذات)

معلومات ليكي انتي بس ....

الحور العين
بصي يا حبيبتي انتي وهي و خصوصاً اللي متجوزه جديد أو لسه هتتجوز تبص أوي 👀👀      وتفهم لي هقولو خبرا سنين
هقولك علي شويه حاجات تنفعك غير الكريمات و البرفنات و المكياچ و الحاجات دي 💄💅

١- حافظي أوي علي صحتك و ماتجيش علي نفسك علشان محدش هينفعك ، ماما ربنا يديها الصحه والعافيه ياما قالتلي الجمله دي بس أنا مكنتش فهماها في الاول (( الصحه يا هبله )) واري الراجل ركبتك ومش توري لقمتك بس فهمت دلوقت معناها ايه 😉😉😉

٢- (( جوزك يحبك عفيه )) صح أوي الجمله دي ، أصله عايزك ديما العروسه الجديده اللي بتتنطط و رايحه جايه مابتقولش آه أبدا

٣- محدش أبدا هيشيلك لما تتعبي و لا يقعد بيكي ، لا أمك قادره و لا أخواتك فاضيين لك و لا جوزك طبعا هيعبرك فخدي بالك من صحتك أوي هي اللي هتنفعك

٤- لو فاكره انك لما تتعبي جوزك هيقعد جنبك يبوس في إيدك و يعيط علشانك و كل يوم يجيب لك ورد و هو راجع من الشغل تبقي بتحلمي يا قطه ، لو ربنا كرمك هيوديكي لدكتور و هو بينفخ و مش طايق نفسه علشان حاسس انك بدأتي أهو في مشاوير الدكاتره و العيا و هتقرفيه

٥- شغل هيركليز ده بلاش منه و اشتغلي في بيتك علي ادك و اللي مايخلصش النهارده يخلص بكره و لا ان شالله عنه ما خلص

٦- ديما اهتمي بأكلك الصحي و اشربي ميه و سوايل كتير و حاولي تنامي بدري علي قد ما تقدري علشان بشرتك و عيونك و نضارتك

٧- ماتهريش و تنكتي علي كل حاجه منه و من أهله ، اهدي علي نفسك كده و فكري قبل ماتتصرفي و كيديهم بهدوءك و ابتسامتك

٨- وما تستنيش المحروس يجيبلك هديه و تفتكري انه واخد باله من كل المناسبات و الحاجات اللي نفسك فيها و هيجيبهالك ،، دلعي نفسك و هاتي اللي نفسك فيه و لو هو كمان جاب لا قدر الله و ماله زيادة الخير خيرين

٩- ماتكتميش في نفسك علشان ترضيه و خلاص ، لو ليكي حق خديه لانك كده أو كده مش هتستحملي طول عمرك و هيجيلك وقت و تنفجري بس هيكون الوقت المناسب فات و اللي ركب يا حبيبتي مابينزلش

١٠- أخيراً اوعي تفرحي حد فيكي و اشتكي بس للي خلقك و اطلبي منه يقويكي و يحميكي و خليهم كلهم يشوفوكي قويه و ضهرك مفرود و راسك مرفوعه فماحدش هيعرفك يكسرك و لا يمسك عليكي ذله و لا نقطه ضعف
الحور العين 

الحياة الزوجيه المرأة

بواسطة ADMIN فى قسم الحياة الزوجيه, المرأة

معلومات ليكي انتي بس ....

من قصص النبي سليمان

الحور العين
من قصص النبي سليمان
 ﻭﺭﺩ ﺃﻧﻪ ﺟﺎﺀ ﺇﻟﻴﻪ ﺃﺣﺪ ﺍﻟﻄﻴﻮﺭ .ﻭﻗﺎﻝ : ﻳﺎﺳﻠﻴﻤﺎﻥ ﺃﻧﻨﻲ ﻗﺪ ﻭﺟﺪﺕ ﻣﺪﻳﻨﺔ ﻣﺪﻓﻮﻧﺔ ﻭﺳﻂ ﺍﻟﺼﺤﺮﺍﺀ ﻗﺪ ﻇﻬﺮ ﺑﻌﻀﻬﺎ ﻭﺍﺧﺘﻔﻰ ﺑﺎﻗﻴﻬﺎ .
ﻓﺮﺃﻳﺖ ﻣﺒﺎﻧﻴﻬﺎ ﻗﺪ ﺑﻨﻴﺖ ﺟﻤﻴﻌﻬﺎ ﻣﻦ ﺍﻟﺬﻫﺐ ﻭﺍﻟﻔﻀﺔ !
ﻓﻘﺎﻝ ﺳﻠﻴﻤﺎﻥ : ﺧﺬﻧﻲ ﺇﻟﻴﻬﺎ !
ﻓﺤﺸﺪ ﺳﻠﻴﻤﺎﻥ ﺟﻤﻴﻊ ﺍﻟﺠﻨﻮﺩ ﻭﺍﻟﺠﻦ ﻭﺍﻟﺮﻳﺎﺡ ﺍﻷ‌ﺭﺑﻌﻪ . ﻭﺳﺎﺭﻭﺍ ﺣﺘﻰ ﻭﺻﻠﻮﻫﺎ .
 ﻓﺮﺃﻯ ﺳﻠﻴﻤﺎﻥ ﺟﺰﺀ ﻣﻦ ﻣﺒﺎﻧﻴﻬﺎ ﻗﺪ ﻇﻬﺮﺕ . ﻓﺄﻣﺮ ﺍﻟﺮﻳﺢ ﺃﻥ ﺗﺤﻔﺮ ﺍﻟﺮﻣﺎﻝ ﻟﺘﺨﺮﺝ ﺍﻟﻤﺪﻳﻨﺔ . ﻓﺄﻣﺘﻨﻌﺖ ﺛﻼ‌ﺛﺔ ﺭﻳﺎﺡ ﻋﻦ ﺍﻟﺤﻔﺮ . ﻣﺎﻋﺪﺍ ﺍﻟﺮﻳﺢ ﺍﻟﺮﺍﺑﻌﺔ . ﻓﻘﺪ ﺣﻔﺮﺕ ﺣﺘﻰ ﻇﻬﺮﺕ ﺍﻟﻤﺪﻳﻨﺔ . ﻓﺘﻌﺠﺐ ﺳﻠﻴﻤﺎﻥ ﻣﻦ ﺍﻟﻤﺪﻳﻨﺔ ﻭﻣﻦ ﻣﻨﺎﺯﻟﻬﺎ ﺍﻟﻤﺒﻨﻴﺔ ﻣﻦ ﺍﻟﺬﻫﺐ ﻭﺍﻟﻔﻀﺔ .
ﻓﺪﺧﻠﻬﺎ ﻓﻮﺟﺪ ﺟﻤﺠﻤﻪ . ﻓﺄﻣﺴﻜﻬﺎ ﺑﻴﺪﻩ ﻭﺿﺮﺏ ﻋﻠﻴﻬﺎ ﻓﻨﻄﻘﺖ ﻓﻘﺎﻝ ﺳﻠﻴﻤﺎﻥ : ﻣﻦ ﺃﻧﺘﻢ ؟
 ﻓﻘﺎﻟﺖ ﺍﻟﺠﻤﺠﻤﻪ : ﻧﺤﻦ ﻗﻮﻡ ﻗﺪ ﺃﺭﺳﻞ ﺍﻟﻠﻪ ﺇﻟﻴﻨﺎ ﻧﺒﻲ ﻣﻨﺎ . ﻛﺎﻥ ﻳﺪﻋﻮﻧﺎ ﺇﻟﻰ ﻋﺒﺎﺩﺓ ﺍﻟﻠﻪ ﻓﻠﻢ ﻧﺴﺘﺠﺐ . ﻓﻐﻀﺐ ﺍﻟﻠﻪ ﻋﻠﻴﻨﺎ ﻭﻋﺬﺑﻨﺎ !
ﻓﻘﺎﻝ ﺳﻠﻴﻤﺎﻥ : ﻭﻣﻦ ﺃﻧﺖ ؟
ﻓﻘﺎﻟﺖ : ﺃﻧﺎ ﻣﻠﻚ ﻫﺬﻩ ﺍﻟﻤﺪﻳﻨﺔ !
ﻓﻘﺎﻝ ﺳﻠﻴﻤﺎﻥ : ﺃﺗﺮﻳﺪ ﺃﻥ ﺃﺣﻴﻴﻚ ؟
ﻓﻘﺎﻟﺖ : ﻭﻫﻞ ﺃﺫﻭﻕ ﺳﻜﺮﺍﺕ ﺍﻟﻤﻮﺕ ﻣﺮﺓ ﺃﺧﺮﻯ ﻛﻤﺎ ﺫﻗﺘﻪ ﻣﻦ ﻗﺒﻞ ؟
ﻓﻘﺎﻝ ﺳﻠﻴﻤﺎﻥ : ﻧﻌﻢ !
ﻓﻘﺎﻟﺖ ﺍﻟﺠﻤﺠﻤﺔ : ﺃﺫﻥ ﻻ‌ﺗﺤﻴﻴﻨﻲ ﻭﺃﺗﺮﻛﻨﻲ ﻓﻲ ﻣﻤﺎﺗﻲ !
 ﻓﺘﺮﻛﻪ ﺳﻠﻴﻤﺎﻥ ﻋﻠﻴﻪ ﺍﻟﺴﻼ‌ﻡ ﻭﺧﺮﺝ ﻣﻦ ﺍﻟﻤﺪﻳﻨﺔ ﻭﺃﻣﺮ ﺃﺣﺪﻯ ﺍﻟﺮﻳﺎﺡ ﺍﻟﺜﻼ‌ﺙ ﺍﻟﻠﻮﺍﺗﻲ ﺃﻣﺘﻨﻌﻦ ﻋﻦ ﺍﻟﺤﻔﺮ ﺃﻥ ﺗﺪﻓﻦ ﺍﻟﻤﺪﻳﻨﺔ . ﻓﺪﻓﻨﺘﻬﺎ !
ﺍﻟﺴﺆﺍﻝ :
ﻣﺎﻫﻮ ﺍﻟﻄﻴﺮ ﺍﻟﺬﻱ ﺃﺧﺒﺮ ﺳﻠﻴﻤﺎﻥ ﻋﻦ ﺍﻟﻤﺪﻳﻨﺔ ؟
ﻭﻣﺎﻫﻦ ﺍﻟﺜﻼ‌ﺙ ﺭﻳﺎﺡ ﺍﻟﻠﻮﺍﺗﻲ ﺃﻣﺘﻨﻌﻦ ﻋﻦ ﺍﻟﺤﻔﺮ ؟
ﻭﻟﻤﺎﺫﺍ ؟
ﻭﻣﺎﻫﻲ ﺍﻟﺮﻳﺢ ﺍﻟﺮﺍﺑﻌﺔ ﺍﻟﺘﻲ ﺃﻣﺮﻫﺎ ﺳﻠﻴﻤﺎﻥ ﻓﺤﻔﺮﺕ ﺣﺘﻰ ﻇﻬﺮﺕ ﺍﻟﻤﺪﻳﻨﺔ؟
ﻭﻟﻤﺎﺫﺍ ؟
ﻭﻣﻦ ﻫﻢ ﺍﻟﻘﻮﻡ ﺃﺻﺤﺎﺏ ﺍﻟﻤﺪﻳﻨﺔ ؟
ﻭﻣﻦ ﻫﻮ ﻧﺒﻴﻬﻢ ؟
ﻭﺑﻤﺎﺫﺍ ﻋﺬﺑﻬﻢ ﺍﻟﻠﻪ ﻓﺪﻓﻨﻮﺍ ؟
ﻭﺃﻳﻦ ﻣﻜﺎﻥ ﺍﻟﻤﺪﻳﻨﺔ ﻭﻣﺎﺃﺳﻤﻪ ؟
ﻭﻣﺎﻫﻲ ﺍﻟﺮﻳﺢ ﺍﻟﺘﻲ ﺃﻣﺮﻫﺎ ﺳﻠﻴﻤﺎﻥ ﻓﺪﻓﻨﺖ ﺍﻟﻤﺪﻳﻨﺔ ؟
ﻭﻟﻤﺎﺫﺍ ؟
ﺍﻟﺠﻮﺍﺏ :
ﺍﻟﻄﻴﺮ ﺍﻟﺬﻱ ﺃﺧﺒﺮ ﺳﻠﻴﻤﺎﻥ ﻋﻦ ﺍﻟﻤﺪﻳﻨﺔ
ﻫﻮ : [ ﺍﻟﻐﺮﺍﺏ ] !
ﺍﻟﺮﻳﺎﺡ ﺍﻟﻠﻮﺍﺗﻲ ﺃﻣﺘﻨﻌﻦ ﻋﻦ ﺍﻟﺤﻔﺮ : ﺍﻟﺸﻤﺎﻟﻴﺔ ، ﺍﻟﺠﻨﻮﺑﻴﺔ ، ﺍﻟﺸﺮﻗﻴﺔ !
ﻷ‌ﻥ :
ﺍﻟﺮﻳﺢ ﺍﻟﺸﻤﺎﻟﻴﺔ : ﺗﺴﻮﻕ ﺍﻟﺒﺮﺩ !
ﺍﻟﺮﻳﺢ ﺍﻟﺠﻨﻮﺑﻴﺔ : ﺗﺴﻮﻕ ﺍﻟﻤﻄﺮ !
ﺍﻟﺮﻳﺢ ﺍﻟﺸﺮﻗﻴﺔ : ﺗﺪﻓﻦ ﺍﻷ‌ﺭﺽ !
ﺍﻟﺮﻳﺢ ﺍﻟﺮﺍﺑﻌﺔ ﺍﻟﺘﻲ ﺃﻣﺮﻫﺎ ﺳﻠﻴﻤﺎﻥ ﻓﺤﻔﺮﺕ ﺣﺘﻰ ﻇﻬﺮﺕ ﺍﻟﻤﺪﻳﻨﺔ ﻫﻲ : ﺍﻟﺮﻳﺢ ﺍﻟﻐﺮﺑﻴﺔ !
ﻷ‌ﻧﻬﺎ : ﺗﺤﻔﺮ ﺍﻷ‌ﺭﺽ !
ﺍﻟﻘﻮﻡ ﺃﺻﺤﺎﺏ ﺍﻟﻤﺪﻳﻨﺔ ﻫﻢ : ﻗﻮﻡ ﻋﺎﺩ !
ﻧﺒﻴﻬﻢ ﻫﻮ : ﻫﻮﺩ ﻋﻠﻴﻪ ﺍﻟﺴﻼ‌ﻡ !
ﻋﺬﺑﻬﻢ ﺍﻟﻠﻪ :
ﺑﺎﻟﺮﻳﺢ ﺍﻟﺼﺮﺻﺮ .. ﻭﺟﻌﻠﻬﺎ ﺍﻟﻠﻪ ﻋﻠﻴﻬﻢ ﺳﺒﻊ ﻟﻴﺎﻝ ﻭﺛﻤﺎﻧﻴﺔ ﺃﻳﺎﻡ ﺣﺘﻰ ﺩﻓﻨﺘﻬﻢ !
ﻭﻟﺬﻟﻚ ﻟﻢ ﺗﺨﺮﺟﻬﻢ ﺃﻻ‌ ﺍﻟﺮﻳﺢ ﺍﻟﻐﺮﺑﻴﺔ !
ﻣﻜﺎﻥ ﺍﻟﻤﺪﻳﻨﺔ : ﺻﺤﺮﺍﺀ ﺍﻟﺮﺑﻊ ﺍﻟﺨﺎﻟﻲ !
ﻭﺃﺳﻤﻪ : ﺍﻟﺮﻣﺎﻝ ﺍﻟﻤﺘﺤﺮﻛﺔ !
ﺍﻟﺮﻳﺢ ﺍﻟﺘﻲ ﺃﻣﺮﻫﺎ ﺳﻠﻴﻤﺎﻥ ﻓﺪﻓﻨﺖ ﺍﻟﻤﺪﻳﻨﺔ ﻫﻲ : ﺍﻟﺮﻳﺢ ﺍﻟﺸﺮﻗﻴﺔ !
ﻷ‌ﻧﻬﺎ : ﺗﺪﻓﻦ ﺍﻷ‌ﺭﺽ !
 الحور العين

أمردينى

بواسطة ADMIN فى قسم أمردينى

من قصص النبي سليمان

لو انتي متجوزه ....... ادخلي

( الحور العين ) الموضوع ده بقاا مهم جداا لكل البناات المتجوزه  

لكل بنات الحور العين هنتكلم النهارده عن حاجه مختلفه شويه ومجنونه عشان نغير المود طبعا وطبعا علي سبيل الهزار يعني محدش يقفش , يعني هقولك ازاي تقضي ليله مختلفه مع جوزك ....

اول حاجه  يلا كده تقومي  تخدي دوش بعد م تنيمي العيال  وتلفي شعرك وتحضري ميك ااب وشويه هدوم شفتشي كده لزوم الشغل ..

اول حاجه تلبسى بنطلون جينز ضيق أو ميكرو جيب وبادى حمالات او فستان قصير وضيق اوى حاجه تنفع زى لبس الخروج بتاع بنات الليل وتلبسى كعب عالى اوى بيطرقع سمعانى بقول بيطرقع وشنطه فى ايدك فيها قميص نوم فاجر وفوطين سرير واعملى ميك اب اوووووفر بترتر وبروبروء وشعرك لازم تعمليه سايب أو كيرلى بس تسيبيه واللى عندها عيال تنيمهم عشان هتبقى مليطه وتدخلى عليه وانتى بتطرقعى بالكعب واللبانه 

 وتقوليله انت اللى كنت بتصفر لى ياكابتشن واوعى تضحكى احبكى الدور قوليله اصل انا بسمع الصفاره ولو على بعد ميل واقعدى جنبه بعشم كده الزقى 

وحطى ايدك على كتفه وقوليله انت موز أوى على فكره وغازلى فيه براحتك طبعا هو هيتنح فى الاول وانتى ولا كأنك شايفة حاجه غريبة واكملى الدور اسمك ايه بقى طبعا البيه هيرد قوليله عاشت الإسامى يابرنس  تقوليله انت عايش هنا لوحدك طبعا هيجيب سيرتك بالوحش متزعليش نحن السابقون وانتم اللاحقون .

 خليكى فرفوشه وتقوليله ماتقوم تجيبلنا حاجه نشربها وتكونى مجهزة صينيه عليها كاسين عصير عشان متغلبيش الراجل معاكى احنا محتاجين صحته 

 وبعدين تقوليله انا مش بحب الافش لازم اخد على المكان وصاحب المكان الأول اه وتقومى مشغله اغنيه وترقصى واطلعى على الترابيزه ع الكنبة بصى اتمرمغى مياصه خليكى واحده تانية خالص جددى بلاش الوتيرة الواحده دى

واقلعى هدومك وانتى بترقصى بس مش كلها ياسهلة  وبعدين انزلى قومية يرقص معاكى ها وقلعيه برده اللى فوق 

وامدحى فيه اوى قوليله انا كده ممكن انزل فى التمن 20 جنيه عشان واضح انك مختلف خالص 

 وممكن وقتها تساليه عن اسمه ومراتك فين شويه اسئلة تفصلى بيها عشان يطول العلاقه شويه وأما الموضوع يتم بحمد الله قومى لمى هدومك من الأرض وقوليله ادفع الحساب ولو ناصحه خدى مقدم قبل ما يلمس شعرايه وبعدين قوليله ينفع ابات عندك يسترك الدنيا ليل وانا بنتشى ناس وانتى ونصيبك بقى ههههههههههههههه وربنا يقدرنا على فعل الخير 

( الحور العين )

الحياة الزوجيه الرومانسيه

بواسطة ADMIN فى قسم الحياة الزوجيه, الرومانسيه

لو انتي متجوزه ....... ادخلي